2 Pyɛr 3:1 - Kálar Nzyɛ̌m : Ejwán é Sáá

¹ Bʉr o mé dí ekpɛl bá, mekaná membá mé mû sí cɛma bɨ́n má ó mâ. Mě cɛmá bɨ́n ó, me jɨ́mɨɨ bɨ̌n bitɔŋlá, bɨ̌n nkʉ̂ pahle byé e miléme mi dí abe e mikóo mí.

Kálara Zyɛ̌m Edwán é mpʉ̌n

¹ Obɨɔ o kpɛl bam aa! Kalara mba me lé etile bɨn ó nwa. Me etile-tile bɨn no ó, me nkʉʼ jɨm bɨn bɨtoŋla, bɨn nkʉʼ pahle-pahle bye é mɨleme ndɨ abe mbaʼra e bɨkʉʉŋʉ ɨ.

2 Pyɛr 3:1 ပူးပေါင်းရင်းမြစ်များ

2 Timotɛ 1:6

Sá tɨ̂ʼ ó gó dí ɨ́ jala le esímsǎ ndwéá Nzyɛ̌m á lómlo go, waá gó á bi ɨ́ kɛlá mé á kɛl go mebó mâm wɨ́. Nó ó, sáʼ ó, go súʼaa bʉr e ndwéá gô waá.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

1 Timotɛ 5:22

Alɨ̌ kɛl mʉ̂r mebô, lɨ́ etyêl nyé ɨ́ dǐ ɨ́ Mbɛ̌r-Nzyɛ̌m. Nó ntémé, anʉa ntœ́b ɨ́ bisyɛ́ɛla bí ébébe byé onkán. Ɨ́ páʼ kʉ̌ tyen gó dí edû wɨ́, wé díʼee abe e mebě.

Mataos 5:8

Metyɛʼ me mpóm, mé díʼee e bʉr o dí e miléme ɨ́ sɔ́ɔ́ɔ́ bá, ebě, bé ó ngá beě Nzyɛ̌m.

2 Korɛnt 13:2

Me á si nyɛɛ cɨ̂l bɨ̌n ɨ́ tyen mbá ɨ́ jɔʼ mɨ́ná bé á be gá yɨ́. Me lɨ́ ebáʼǎ cɨ̂l bɨ́n ɨ́ jɔʼ yɨ̂, ɨ́ jɔʼ mɨ́ná gá dína e ncɛrá yɨ́ ó: mé ókǎ báʼǎ nze gʉ̂ʼ kwá nyɨ́n nó, me ákǎ kamle e mʉr ngwár ɨ́ sɔ́má bʉ̂r o b'á nyɛɛ sâ syóm mélú mé épíhe bá, ti e baá dína le esâ syóm bá, bɨ́bɛ̂h.

Ebrœ̂ 6:9

Bʉr ó kpɛ̌l bâm, bɨ̌h damá lwib nó, mě e mpûʼla ɨ́ léme ɨ́ lɔ̌b wɨ́n ó, sá dí mbɨa, laa méswomlʉ le medíʼe yɨ́, yé ó bɨ̌n dóló. Sâ yaá, yé ó twǐʼ njʉ̌m dǐ.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

2 Pyɛr 3:8

Bʉr ó kpɛ̌l bâm, ajɨha gá sɨ̂: ɨ́ páʼ mé Dâ Nzyɛ̌m, dʉ́o egwár, lé ó mpʉ tɔ́ɔ́sin mimbû; tɔ́ɔ́sin mimbû nyɨɛ, nye ó mpʉ dʉ́o egwár.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

2 Pyɛr 3:17

Ɨ́ páʼ wɨ́n, bɨ̌n osó bâm ɛ̌! Bɨ̌n bé lɨ́ eboó gʉ́ǎ lɔ̌b waá. Gwá di gá le ocwóó páʼ bʉ̂r o dí agbâ mémpéné ɨ́ nkɔb bá. Bɨ̌n ámû jaá dyɛ̂l ɨ́ nzɨ̌ nyɔ́ɔ́, ntɔ̂ʼ tó dîm. Apʉʼa gá ɨ́ tyé mélele bɨ́n dí tɨ̂ʼ yɨ́.

Yʉ̂d 1:5

Yê tyeetye ó, bɨ̌n bɨ́ boó gʉ́ǎ lɔ̌b waá wɨ́wɛ̂h. Damá jóʼo nó, me páa símsa bɨ́n yɨ́ɛ lɔ̌b wɨ̂: Dâ Nzyɛ̌m ó b'á pɛʼ bʉr o b'Ɨ́zraɛ̂l ɨ́ sí Egɨ̂ptɛn. Píe tɨ̂, nye nzě kǎ jʉ̂ baá bɨ́bɛ̂h bé á bɨbene lɨ́ edyɛ̂ʼwo e né bá.