2 Pyɛr 2:9 - Kálar Nzyɛ̌m : Ejwán é Sáá

⁹ Yé bé Dâ Nzyɛ̌m á si nyɛɛ sâ bʉr baá nó wá, nó ntémé, nye ókʉ́ gʉ́ǎ mpʉ nyé ósyɛb bʉ̂r o dí egúmo e né bá ɨ́ mebʉ́blá yɨ́. Nye lɨ́ egʉ́a ntémé mpʉ nyé ókab ónzyɛ́h ó bʉ̂r bintɨ́ʼá, le egbâ bé ɨ́ mpila, lɨ́ ebónǒ móhó étíʼ é mílɔ̌b yɨ́.

Kálara Zyɛ̌m Edwán é mpʉ̌n

⁹ Yé be ó, Da a be si syɛb Lot é mɨtuu nɛʼɛ, lɛɛ ó, nye nteme ógʉa mpʉ nye ódɨ tiʼ bʉr bɨbɛh ndɨ edwaabe nye e, é jɔʼ bé lé entaa mobʉbla ɛ. Nye egʉa nteme mpʉ nye ókab ozyɛhozyɛh o bʉr bɨntɨʼa, le emɛr be é mpila é dobo le etiʼ e mɨlɔb ɨ.

2 Pyɛr 2:9 ပူးပေါင်းရင်းမြစ်များ

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.

2 Timotɛ 3:12

Mʉr nyɨnyɛ̂h kpɛ́l étíʼe lɨ́ edwě Nzyɛ̌m kûm, le epûhla e Yésʉs-Krîst nyá, ótíblɔɔ.

2 Pyɛr 3:7

Lwǐb mé Nzyɛ̌m gwár e gwár yaá ó dí ebaʼlě jʉ́o, le ejwoo le sí. Yé óbaʼle byé ó, tó pyâl ɨ́ móhó étíʼ é mílɔ̌b. Byé odíʼɔɔ. Minjéʼe-Nzyɛ̌m, myé ódwe ɨ́ móhó waá.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Rôm 2:5

Jɔʼ yɨ́yɛ̂h gó dí esâ élele é léme, nkʉ̂ bene édwirǎ léme yɨ́, go náǎ ó, lɨ́ ebul bíbaa bí ébébě Nzyɛ̌m ngá niniʼe gó bí. Byé ókǎ láŋɔɔ ó, ɨ́ móhó Nzyɛ̌m ólɛ̂ʼle bʉ̂r ɨ́ buo buo nkpaa nyé wɨ́. Dʉ́o laá ntémé ó nyé ngá lɛ̂ʼle mʉ̂r nyɨnyɛ̂h mpʉ nyé dí etíʼe bʉ̂r milɔ̌b lɨ́ otîtyěl yɨ́.

Mataos 6:13

Ayɨ́ bîr ó, bɨ̌h níʼee ɨ́ mebʉ́blá. Syɛbɨɨ bɨ́h ɨ́ mebó mé Sátan.”»

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.