2 Pyɛr 2:6 - Kálar Nzyɛ̌m : Ejwán é Sáá

⁶ Nzyɛ̌m á si dwe binkana bí Sodôm e Gómɔr bintɨ́ʼá, nye nzě dîʼ byé, dwir byé meswií. Nó, nye á sâ mpʉ́nʉ̌ ó, lɨ́ edwe mɨ́ná gá mveʼle édû. Minjéʼe-Nzyɛ̌m, myé ósûʼla ntémé ó njɨ jwɨʼ gwár yaá.

Kálara Zyɛ̌m Edwán é mpʉ̌n

⁶ Zyɛm a si dwe bʉr o bɨnkana bɨ Sodɔm e Gomɔr mobe, nye ntɔʼ diʼ bye e siʼe. Nye a sa syɛɛla yaa ó, lé elɛʼle mpʉ bʉr o ndɨ adwaabe nye e, bé ófuʼla ɛ.

2 Pyɛr 2:6 ပူးပေါင်းရင်းမြစ်များ

Yʉ̂d 1:7

Símsáá gá ntémé bʉr ó Sodôm, e Gómɔr ti e bʉr o b'á di ɨ́ bwá bínkana byé á be ɨ́ mepʉ́la mɔ́ɔ́ bá. Bʉr baá, bé á si bɛ́ma bé bʉr o tɨ̂ʼ lɨ́ esâ bímolá. Bé á si syɛŋa bijoó e mbi mʉ̂r bé dí abe lɨ́ ekœb ɨ́ joó wɨ́. Nó ó, bé á si ka bi bintɨ́ʼá ɨ́ siʼe dí edúǒ kɔ́m ti e kɔ́m yɨ́. Nzyɛ̌m á sâ bé syɛ́ɛla yaá ó, lɨ́ elɛ̂ʼle bʉ̂r bɨ́bɛ̂h mveʼle.

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

Yʉ̂d 1:15

lɨ́ enzě tíʼe bʉ̂r bɨ́bɛ̂h milɔ̌b. Nye ólɛ̂ʼle mínjéʼe-Nzyɛ̌m mímyɛ̂h misyóm myɔ́ɔ́. Misyóm myaá, myé nyɨ́nyɨ́n ó, ɨ́ mpʉ bé dí esâ bísyɛ́ɛlǎ Nzyɛ̌m nyɨɛ dí ebene bí yɨ́. Nye ólɛ̂ʼle bé ntémé mpʉ mínjéʼe-Nzyɛ̌m dí esâ Nzyɛ̌m nkěh ɨ́ mbi mékǎn bé dí ecɨ nyé má.»

Mataos 10:15

Mě lɛ́ɛ́ bɨ́n lɨ́ otyeetye ó, ɨ́ dʉ́ó Nzyɛ̌m ngá tíʼe bʉ̂r milɔ̌b yɨ́, ntɨ́ʼá le mekpaa bʉ̂r o bínkana le mekwár maá ngá bi bí, byé óbe ó, laa byaá mé Sodôm e Gómɔr.»

Mataos 11:23

Á gua, Kapernáʉm, nzê go óbɨ́nɔɔ, tó pyâl ɨ́ jʉ́o kʉ́ ɛ́? Tʉ̂toʼó! Go ósulɔɔ sí, tó pyâl ɨ́ bɨ́ siʼe. Yé bé mesimá mé á syɛ́ɛ kwá nyɨ́n má, mé á syɛ́ɛ ó, Sodôm nó, mpa nkana yaá, yé dína ó tɨ̂, kumo mûh.

Rôm 9:29

Yé ó mpʉ̌ Ésayie á boo lɛ́ɛ yɨ́: Yé bé Dâ Nzyɛ̌m, dí Njwɨ́ɨ bisɔ́má bí mɔ̂m nyá, á bé alíʼe bʉ́ʉ́ bwân ó kúl gá yɨ́ná mikublakúbla nó, mpa mɨná bé á si dwe gá, mɨná gá óbɛ̂h, mpʉ bʉ̂r ó Sodôm e Gómɔr, bé á síe lɨ́ edwe mpʉ nywɨ́ɨ yɨ́.

Ebrœ̂ 4:11

Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.