2 Pyɛr 2:21 - Kálar Nzyɛ̌m : Ejwán é Sáá

²¹ Yé á gwa mbɨa bʉr baá ó, mpa bé á bé apǎ dyɛ̂l ɨ́ nzɨ̌ dí elɛ̂ʼle bʉ̂r kʉ̌ tyen dí tîtyěl wɨ́ nyɨ́, laa ó, bé osí dyɛ̂l tɨ̂ʼ nɛ́ɛ: bé ntɔ̂ʼ kǎ bwóolo ntúʼó, túmǒ koo e metié me dí tí, maá Nzyɛ̌m á tyêl má.

Kálara Zyɛ̌m Edwán é mpʉ̌n

²¹ ebe, yé a ngbaa bul mbɨa é nko paʼ wɔɔ ó, mpa bé a baataare kœʼ é zi lé elɛʼle bʉr ebò e cyen ndɨ cɨcyel ɨ, abe, bé osi kœʼ tɨ, é kœʼ kœʼ nɛʼɛ, bé ntɔʼ ka bula tumo koo e motie ndɨ ti, maa Zyɛm a bɛa tiile be e.

2 Pyɛr 2:21 ပူးပေါင်းရင်းမြစ်များ

Jacques 4:17

Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

Lʉkas 12:47

«Syɛ̂l mesâ mû sí boó gʉ́a bígwɨ́má bí sɔ́ŋ wé, nyɨɛ yɨ́ɛ akomlo nyé mʉr tɨ̂, nkʉ̂ lóŋlo bígwɨ́má byaá nyá, óŋmɛ́hɔɔ míngáhá ɨ́ buo buo.

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

1 Tesalonika 4:2

Bɨ̌n bé lɨ́ egʉ́a mílɛ́ʼlá bɨ́h á dwe bɨ̌n ɨ́ díé mé Tî Yésʉs mí.

Yʉanes 9:41

Yésʉs, nye e bé ó: «Yé bé bɨ̌n bé á bɨbe ó baántím nó, lɛ́ɛ́, bɨ̌n á gwa be ó mbɨ̂mbɨá, syóm akǎ be. Nó mpʉ bɨ́n lɛ́ɛ́ ó, bɨ̌n bé lɨ́ ebee yɨ́, nó yaá ó bɨ́n dína lɨ́ edi e misyóm mín yɨ́.»

Mataos 21:32

Ebě, Yʉánɛs á nze páʼ wɨ́n ó, lɨ́ elɨ̂lɛʼle bɨ́n tîtyěl nzɨ̌, bɨ̌n l'abûʼla nyê. Tó kœb ó, onwɨa ó mɔnɨ́ tœ́a le bisadága bi bʉ́bá bɨ́ɛ, bé á si dyɛ̂ʼwo e né. Bɨ̌n bɨɛ ntémé lɨ́ ebee nó, bɨ̌n bé á bé atúmo míkoo e mebébe mɨ́n, nkʉ̂ dwira míléme, le ebúʼlǎ lɔ́ɔ́ wé.»

Rôm 7:12

Nó ó, metié, mé ó sá dí ti yɨ́. Mempéné mɨ́mɛ̂h, mé ó sá dí ti yɨ́. Mé ntémé, mé ó tîtyěl ɨ́ míh mé Nzyɛ̌m le mbɨ̂mbɨá.

Galásia 6:2

Nkɛ́yɨ́ɨ́ gá mimbeʼ mi bʉ́ʉ́ bʉ̂r. Bɨ́n sá nó wá, lɛ́ɛ́, bɨ̌n bɨ́ dû étié Krîst á líʼe mɨná e lé lɨ́.

1 Timotɛ 6:14

go bâʼlaa etié énɨ̌. Sá antaa lé ɨ́ jɔʼ gwár. Diʼee mʉ̂r dí, abe e nkul edweŋɔɔ mébě nyá, tó pyâl pyáláa ɨ́ móhó Tî gá wɨ́ná Yésʉs-Krîst óbáʼǎ nze wɨ́.

Ebrœ̂ 10:26

Yé bé mɨná bɨ́ gʉ́a gá otyeetye ɨ́ pébébé, mɨná ntɔ̂ʼ kʉ́ gbáa gá ó, mɨná tó gá ó dóló le esâ syóm nó, lɛ́ɛ́, yé abe e mindwéá myé óbɛ̌m pubo mɨ́ná gá e misyóm myaá.

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.