2 Pyɛr 2:2 - Kálar Nzyɛ̌m : Ejwán é Sáá

² Kʉ̌ tyen wɔ́ɔ́ ntémé, wé ódímle bʉ̂r ɨ́ buo buo, ebě, bʉr oswîh, bé ósâ bímolá nzam le ekomo lɨ́ ebaŋa byê. Sá tɨ̂ʼ ó ngá tíne bʉ̂r ó, bé swéʼee díé é búʼó gá yɨ́ná, dí le otyeetye yɨ́.

Kálara Zyɛ̌m Edwán é mpʉ̌n

² Bé ógomlo buobuo bʉr é bebebebe zi, ó bé saʼ bɨmala zam e l'ekomo. Bé ósa ó, bʉr fœʼœ sikʉlʉ é lɔb zi ocyecye bɨna lé edu ga ɛ.

2 Pyɛr 2:2 ပူးပေါင်းရင်းမြစ်များ

Rôm 2:24

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Bʉr o dí abe ɨ́ kúl óYúden bá, bé sá Nzyɛ̌m nkěh ó ɨ́ lɔ̌b wɨ́n.»

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.

Mɨngwiha 13:14

Ebě, nye á si dweŋɔɔ nkul esâ mésimá nó ɨ́ míh mé tír esôʼ waá. Nye á si bana dímle bʉr ó sí yɨ̂ʼ bɨ́bɛ̂h, lɨ́ elɛ́ɛ e bé ó, bé kpáʼaa mveʼle ngá nwɨɨla e tír esôʼ, waá á pa kparɔɔ e pasoŋ, adwe nyá.

Yʉ̂d 1:15

lɨ́ enzě tíʼe bʉ̂r bɨ́bɛ̂h milɔ̌b. Nye ólɛ̂ʼle mínjéʼe-Nzyɛ̌m mímyɛ̂h misyóm myɔ́ɔ́. Misyóm myaá, myé nyɨ́nyɨ́n ó, ɨ́ mpʉ bé dí esâ bísyɛ́ɛlǎ Nzyɛ̌m nyɨɛ dí ebene bí yɨ́. Nye ólɛ̂ʼle bé ntémé mpʉ mínjéʼe-Nzyɛ̌m dí esâ Nzyɛ̌m nkěh ɨ́ mbi mékǎn bé dí ecɨ nyé má.»

2 Pyɛr 2:15

Bé á si líʼe tîtyěl nzɨ̌, nzě dyɛ̂l ɨ́ nzɨ̌ swîh, ntɔ̂ʼ dîm lɨ́ edû nzɨ́ mé Balâm, mwân mé Bosɔ̂r. Nye ó b'á be lɨ́ ebuú soho ɨ́ jɔʼ nyé á bi myɛ́na píe l'ebébe yɨ́.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Títos 2:8

Lwǐb yô, yé díʼee lwɨ́ŋlá e lɛ́ʼlá mpâ mɨ́ná dí edwe gá wɨ́. Ɨ́ tɨ̂, bʉ̂r bé óbe, akœ̌b sá ébébe bé ólɛ́ɛ, dumo e lwǐb yô yɨ́. Bʉr o dɔ̂m ónɨ̌, bé ókǎ jóʼo sôn ntémé, bé l'abe e sá ébébe bé ólɛ́ɛ, dumo e mɨná gâ.

Mɨlʉmlʉ 24:14

Nó ó, ɨ́ lɔ̌b wɨ̂, me lɨ́ ekam ɨ́ mpǒm nyǒ ó, me lɨ́ eséǎ Nzyɛ̌m bimpám gá bíná syɛ́ɛ́, lɨ́ edû nzɨ́ mé Krîst, nyaá bʉ́ʉ́ bʉ̂r dí ejébě “bɨ́blǎ yébe” nyɨ́. Mɛm, me lɨ́ ebúʼlǎ sá yɨ́yɛ̂h dí cɛmá lɨ́ mekaná mé Moyɨ̂z ndu e maá mé ógwíha o mílɔ̌b yɨ́.

Mɨlʉmlʉ 16:17

Nye nzě táare édû bɨ́h e Pɔ̂l píhe koo, le tím ɨ́ num. Nye á lɨlɛ́ɛ ó: «Bʉr bâ, bé ó osyɛ̂l o mésâ mé Nzyɛ̌m dí Lʉ́ bísá bíbyɛ̂h nyá. Bé ó dí etúno édib e nzɨ́ é twiʼ.»

Mataos 24:24

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

2 Pyɛr 2:21

Yé á gwa mbɨa bʉr baá ó, mpa bé á bé apǎ dyɛ̂l ɨ́ nzɨ̌ dí elɛ̂ʼle bʉ̂r kʉ̌ tyen dí tîtyěl wɨ́ nyɨ́, laa ó, bé osí dyɛ̂l tɨ̂ʼ nɛ́ɛ: bé ntɔ̂ʼ kǎ bwóolo ntúʼó, túmǒ koo e metié me dí tí, maá Nzyɛ̌m á tyêl má.

Títos 2:5

Meséhe maá, mé dwêʼ menyʉ́l mɔ́ɔ́ medile, le ebaʼle ményʉ́l mɔ́ɔ́ lɨ́ esú mé Nzyɛ̌m. Mé séaa ɨ́ mimbɛ̌r myɔ́ɔ́, le ecwɨ́a e bʉr. Mé sâʼ ojʉ́m bɔ́ɔ́ mejóʼo. Sá tɨ̂ʼ ó bʉ̂r, bé óbe, akǎ pyǎ lɔ́ɔ́ mé Nzyɛ̌m yɨ́.

1 Timotɛ 5:14

Sá tɨ̂ʼ ó mé dí ekpɛl ó, mikúhó mí bʉ́bá dína mempɨ̂h mí, myé tôʼ ɨ́ mebâ yɨ́. Myé nkʉ̂ byâ bwân, le ebaʼle mímbɛ̌r myɔ́ɔ́. Myé ayɨ́ dwe bʉ̂r o dí elwímla e mɨná gá bá jɔʼ dí ó, bé swéʼee díé é sɔ́má gá yɨ́ná yɨ́.

Mɨlʉmlʉ 19:9

Sâ gwár mpʉ bʉ́ʉ́ bʉ̂r bɨ́ɛ, bé á sâ elele é léme, adyɛ̂ʼwo e Nzyɛ̌m, le epyaŋɔɔ nzɨ́ mé Krîst ɨ́ kpɛŋlɛm yɨ́, Pɔ̂l nzě pʉʼa tɨ̂ʼ ɨ́ sɔ́má yɔ́ɔ́, ntɔ̂ʼ nʉa ómpʉ́n bé, tô le elɨlɛ̂ʼle bé milɔ̌b mé Nzyɛ̌m dʉ́ó lɨ́lɛ̂h ɨ́ sʉkʉ́lʉ mé Tíranos tʉ́ŋlʉ̌.

Mɨlʉmlʉ 18:26

Nye nzě táare élwib ɨ́ mpáh minjɨʼla oYúden tʉ́ŋlʉ̌ ɨ́ kpɛŋlɛm, abáawo mʉ̂r. Jɔ̌ʼ Prǐska, bé le Akílas, bé á jóʼo nye yɨ́, bê nzě nʉa nyê, ntɔ̂ʼ kʉ́ gwá tɨ́ɔɔ nyé nzɨ̌ mé Nzyɛ̌m.

Mɨlʉmlʉ 14:2

Bʉ́ʉ́ óYúden, baá bé á be adyɛ̂ʼwo e Nzyɛ̌m bá, bê nzě sôʼlo bʉ̂r o bíkúl bíswîh, tíne bé ó, bé díʼee e bijwɨʼ bí ébébe ɨ́ páʼ bɨ́ɔɔ́ bɨ́ná.

Mɨlʉmlʉ 13:10

«Gua mwân mé sɔ́ŋ meleme, ntɨ̂m e mbɨn ɨ́ páʼ sá yɨ́yɛ̂h dí lɨ́ otîtyěl yɨ́! Go ó lwɨ́ŋlá e mikóo le bibɛr mimbi mímyɛ̂h. Nzê gó akǎ gwâʼ édwǐr mbɨambɨa menzɨ̌ mé Tî Yésʉs onzyɛ́h ónzyɛ́h ɛ̌?

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Markus 13:22

Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó.

Markus 12:14

Nó ó bé á nze lɛ́ɛ e né ó: «Lɛ̂ʼla, bɨ̌h bé lɨ́ egʉ́a ó, gǒ lɛ́ɛ́ ó otyeetye. Go ntémé, gó akpɛ́ɛ mʉ̂r, ebě, gó abe lɨ́ edwáawo bʉ̂r mempǒm. Go lɨ́ elɛ̂ʼlě kʉ̌ tyěn Nzyɛ̌m dí ekpɛl ó, bʉr dúʼoo wɨ́. Nó, lɛ́yɨ́ɨ́ bɨ́h: nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌? Nzê yé jɨ ó, mɨná jánaa gá? Nzê mɨná bé ajala le ejána ɛ̌?»

Mataos 22:16

Bé ntɔ̂ʼ lómo bʉ́ʉ́ ómpʉ́n bɔ́ɔ́ nko nyé á be yɨ́, bé e bʉ́ʉ́ bʉ̂r o nkɔ́m mé Erôd. Nó ó bé á lɛ́ɛ e né ó: «Lɛ̂ʼla, bɨ̌h bɨ́ gʉ́a ó, gǒ lɛ́ɛ́ ó, otyeetye. Go ntémé, gǒ lɛ́ʼlé bɨ́h ó, nzɨ̌ mé Nzyɛ̌m lɨ́ otyeetye. Go ntémé, gó abe lɨ́ edwáawo bʉ̂r mempǒm.

Mataos 7:14

Tó kœb ó, nzɨ̌ dí etô nkǒ twiʼ nyɨ́, nye ɨ́ kɔbla. Ebé é tɨ̂, lé ɨ́ twâʼwo. Bʉr o dí ecɨɨ ɨ́ nzɨ̌ nyaá bá, bé abuo.»

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

2 Pyɛr 2:12

Bibɨ́bla bí ólɛ̂ʼla byaá, byé sɨ́sá sá bé dí agʉ́a yɨ́ nkěh. Byé ó kwahaá mpʉ ótír ó dwǐʼ, lúʼo pɨ̂ʼ. Tó kœb ó, tír jaá byɛ̂l njɨ ó, nye mɛ́rɔɔ. Nyé ojʉ́ŋɔɔ. Jwɨʼ gwár e gwár yaá ó bʉ̂r baá, bé ópɛʼɔɔ médwôʼlʉ yɨ́. Bé ódwe ó, bé dína lɨ́ ekʉ́ sâ bísyɛ́ɛla mélwaʼwo bé á bu kpɛl bí.

Mɨlʉmlʉ 22:4

Me á si tíble, jʉ̂ bʉ̂r o b'á dudû nzɨ̌ mé Krîst bá. Me á si bî bʉbá e bʉrʉ̂m, tyen bé ɨ́ mbɛ̌r mímbʉʼ.

2 Pyɛr 2:7

Nye ntémé á si tíʼ Lôt, tîtyěl mʉr. Ekɛ̂n, lé á be ɨ́ swɨɨ̌ Lôt ɨ́ nyʉ̂l lɨ́ ebee bʉ̂r o b'á be, agbâ mémpéné ɨ́ nkɔb bá. Bɨ́ɛ, bé á jaa sâ ó, njɨ bimolá nzam le ekomo.

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Yʉ̂d 1:7

Símsáá gá ntémé bʉr ó Sodôm, e Gómɔr ti e bʉr o b'á di ɨ́ bwá bínkana byé á be ɨ́ mepʉ́la mɔ́ɔ́ bá. Bʉr baá, bé á si bɛ́ma bé bʉr o tɨ̂ʼ lɨ́ esâ bímolá. Bé á si syɛŋa bijoó e mbi mʉ̂r bé dí abe lɨ́ ekœb ɨ́ joó wɨ́. Nó ó, bé á si ka bi bintɨ́ʼá ɨ́ siʼe dí edúǒ kɔ́m ti e kɔ́m yɨ́. Nzyɛ̌m á sâ bé syɛ́ɛla yaá ó, lɨ́ elɛ̂ʼle bʉ̂r bɨ́bɛ̂h mveʼle.