2 Pyɛr 2:19 - Kálar Nzyɛ̌m : Ejwán é Sáá

¹⁹ Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

Kálara Zyɛ̌m Edwán é mpʉ̌n

¹⁹ Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

2 Pyɛr 2:19 ပူးပေါင်းရင်းမြစ်များ

Yʉanes 8:34

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí esâ syóm nyá, nye ó túʼǎ mísyóm.

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

1 Pyɛr 2:16

Dúʼóó gá kʉ̌ tyen mpâ ónzyɛh o bʉ̂r jálá le edû wɨ́. Bɨ̌n damá be ónzyɛh o bʉ̂r, sâ gwár, asâ gá ebébe ɨ́ lɔ̌b dǐ bɨ́n dí tɨ̂ʼ yɨ́. Dǐ yaá, yé ajala le esûʼlǎ sá bɨ́n búbló ébébe é léme lɨ́n e tɨ̂ʼ yɨ́. Tiʼaa gá mpʉ bítúʼǎ bi dí egúmo e Nzyɛ̌m bí.

Galásia 5:1

Krîst á pɛʼ mɨná gá ɨ́ dǐ ótúʼǎ ó, mɨná díʼee gá onzyɛh o bʉ̂r. Nó ó, gbáʼ gá nkul lɨ́ ebaʼlě dǐ yɨ́n yaá. Mʉ̌r sá akam ó, nye bâʼlaa di ɨ́ dǐ ótúʼǎ.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

2 Timotɛ 2:26

Bʉr o dí ɨ́ mpila mé sɔ́ŋ meleme bá, bé ó lɨ́ bi ó, bé sâʼ mpʉ nyɨ́ɛ dí egwɨ̂m yɨ́. Sâ gwár, otyeetye mé Nzyɛ̌m, wé óbɛ̌m sâ ó, bé dúhaa ɨ́ mpila yaá.

2 Pyɛr 2:20

Mʉ̂r gʉ́á Tî gá wɨ́ná le Tiʼbʉr gá wɨ́ná Yésʉs-Krîst, le epʉʼa ɨ́ bibol bísyɛ́ɛla bí sí yɨ̂ʼ nó, nyé sí báʼǎ kǎ bîr ó, ebébe laá, lé nʉ́aa nkul ɨ́ twiʼ yé nó, twiʼ yé, yé ókǎ bébe, ntaa sʉ́ŋa, laǎ mpʉ yé á nyɛɛ bébe ɨ́ metááré yɨ́.

Mɨlʉmlʉ 19:16

Mʉr á be e mbɨ́ǎ sísǐm nyá, ntɔ̂ʼ nkaŋa bé ɨ́ menyʉ̂l, ntaa bé ɨ́ nkul, dumo bé sí. Bé ntɔ̂ʼ bumɔɔ míkám, pyálɔɔ̌ kʉ̌l, duhɔɔ ɨ́ mbɛ̌r wé, tóŋɔɔ mísuswáh ɨ́ kpâ le mepɨ́ɨ́ ɨ́ menyʉ̂l.

2 Pyɛr 1:4

Mɨná mû bi gá ó, menkɛ̌ʼ nyé á boo kɛʼ mɨná gá, maá me dí ɨ́ buo ódimé má. Ɨ́ jɔʼ mɨ́ná bûʼlá gá menkɛ̌ʼ maá yɨ́, mɨná bé lɨ́ ebi gá ntémé njwɨr mé Nzyɛ̌m tɨ̂. Bʉr ó sí yɨ̂, bé mû ó lɨ́ ebo, duho ɨ́ mpwaʼ bigwɨ́má bísâ. Nó mɨná bɨɛ bé ókpɛ́ɛ gá bigwɨ́má byaá.