2 Pyɛr 2:18 - Kálar Nzyɛ̌m : Ejwán é Sáá

¹⁸ Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

Kálara Zyɛ̌m Edwán é mpʉ̌n

¹⁸ Bé elwib-lwib ó e mokan mo jaale, maa ndɨ mbɛh ɛ. Bé ekwab bʉr o b'a ngbaa pʉʼa é sama bʉr o bé e boo nɔɔ, bé a dɨ sa syem ɨ. Bé ekwab be no ó, lé elɛʼle be egba monyʉl mɔɔ lé esa bɨmala zam e l'ekomo.

2 Pyɛr 2:18 ပူးပေါင်းရင်းမြစ်များ

2 Pyɛr 2:20

Mʉ̂r gʉ́á Tî gá wɨ́ná le Tiʼbʉr gá wɨ́ná Yésʉs-Krîst, le epʉʼa ɨ́ bibol bísyɛ́ɛla bí sí yɨ̂ʼ nó, nyé sí báʼǎ kǎ bîr ó, ebébe laá, lé nʉ́aa nkul ɨ́ twiʼ yé nó, twiʼ yé, yé ókǎ bébe, ntaa sʉ́ŋa, laǎ mpʉ yé á nyɛɛ bébe ɨ́ metááré yɨ́.

2 Pyɛr 1:4

Mɨná mû bi gá ó, menkɛ̌ʼ nyé á boo kɛʼ mɨná gá, maá me dí ɨ́ buo ódimé má. Ɨ́ jɔʼ mɨ́ná bûʼlá gá menkɛ̌ʼ maá yɨ́, mɨná bé lɨ́ ebi gá ntémé njwɨr mé Nzyɛ̌m tɨ̂. Bʉr ó sí yɨ̂, bé mû ó lɨ́ ebo, duho ɨ́ mpwaʼ bigwɨ́má bísâ. Nó mɨná bɨɛ bé ókpɛ́ɛ gá bigwɨ́má byaá.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Jacques 5:5

Bɨ̌n bé á tíʼe ɨ́ sí yɨ̂ʼ ó, ɨ́ mepwaʼ, lɨ́ ejaá sáǎ njɨ elóŋlǒ gwɨ́má bísâ. Bɨ̌n ntémé bé á be ó sí buú de ɨ́ de de de, bwǎʼ mpʉ mímyáʼ ɨ́ tu, bɨ̌n bɨɛ lɨ́ ekʉ́ gwá gʉ́a ó, yé e dʉ́ó mímyáʼ ngá tíʼɔɔ lɨ́.

2 Tesalonika 2:4

Nye ólwímla e sá yɨ́yɛ̂h dí ejébɔɔ ó «Nzyɛ̌m» yɨ́. Nye ólwímla e bisá bíbyɛ̂h bi dí edweŋɔɔ̌ dúu bí. Nye ósûʼlǎ nʉǎ diá kûm ɨ́ mpáh Nzyɛ̌m tʉ́ŋlʉ̌, túno ɨ́ kpɛŋlɛm ó, nye ó Nzyɛ̌m.

Mɨngwiha 13:11

Me nzě bee nyʉ́ʉ́ tír menyan swîh lɨ́ epâm ɨ́ bibwǎh. Nye á be ó e bintóó bíbá. Bintóó byé, byé á nwɨɨla ó e byaá bi Mâ Nteme. Nye á lwilwib ó, mpʉ̌ njʉ̌m myɔ́ɔ́.

Yʉ̂d 1:13

Bé nwɨɨla ntémé ó e mbi óbóʼó ó mâŋ dí epyêl mégûl ɨ́ ntomo ntomo wɨ́. Bé lɨ́ esâ ébébe, ajóʼo bá sôn. Bé nwɨɨla ó, le ocwícwén o dí adû bítyé byɔ́ɔ́ bá. Sá tɨ̂ʼ ó Nzyɛ̌m dí ejaá bɨbaʼle bé bidiá byɔ́ɔ́ njɨ lɨ́ edúrʉ́ʉ́ e dí ɨ́ nkom nkom lɨ́ yɨ́. Edúrúú laá, lé ódidi nó ó, kɔ́m ti e kɔ́m.

Mɨlʉmlʉ 8:9

Yé á be ó e nyʉ́ʉ́ mʉ̂r, díé lé Simon. Nye á boo didi ó, tɨ̂ʼ ɨ́ nkana yaá. Ɨ́ mimbú mí píhe, ɨ́ jɔʼ nyé á bɨbe lɨ́ esɨ̂sa mésimá mé ónkaa mé yɨ́, bʉr ó Samarî, bé á bɨbe ó lɨ́ ekâm nyê. Nye á be ɨ́ jɔʼ yaá ó, lɨ́ ekʉ́ buú nkʉ́na, le elɛ́ɛ ó, nyɨɛ nye ó mpaŋ mʉ̂r.

Mɨlʉmlʉ 2:40

Pétrus nzě báʼǎ boʼlo bé myúú mílɔ̌b ɨ́ buo buo, le etô le egbâ bé nkul ɨ́ miléme. Nye ó: «Biʼee gá twiʼ. Bɨ̌n a dí e ncɛrá le onzyɛ́h ó bʉ̂r ó myǎ bʉ̂r wɨ̂.»

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

2 Pyɛr 2:2

Kʉ̌ tyen wɔ́ɔ́ ntémé, wé ódímle bʉ̂r ɨ́ buo buo, ebě, bʉr oswîh, bé ósâ bímolá nzam le ekomo lɨ́ ebaŋa byê. Sá tɨ̂ʼ ó ngá tíne bʉ̂r ó, bé swéʼee díé é búʼó gá yɨ́ná, dí le otyeetye yɨ́.

2 Pyɛr 2:7

Nye ntémé á si tíʼ Lôt, tîtyěl mʉr. Ekɛ̂n, lé á be ɨ́ swɨɨ̌ Lôt ɨ́ nyʉ̂l lɨ́ ebee bʉ̂r o b'á be, agbâ mémpéné ɨ́ nkɔb bá. Bɨ́ɛ, bé á jaa sâ ó, njɨ bimolá nzam le ekomo.

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

2 Pyɛr 3:17

Ɨ́ páʼ wɨ́n, bɨ̌n osó bâm ɛ̌! Bɨ̌n bé lɨ́ eboó gʉ́ǎ lɔ̌b waá. Gwá di gá le ocwóó páʼ bʉ̂r o dí agbâ mémpéné ɨ́ nkɔb bá. Bɨ̌n ámû jaá dyɛ̂l ɨ́ nzɨ̌ nyɔ́ɔ́, ntɔ̂ʼ tó dîm. Apʉʼa gá ɨ́ tyé mélele bɨ́n dí tɨ̂ʼ yɨ́.