2 Pyɛr 2:17 - Kálar Nzyɛ̌m : Ejwán é Sáá

¹⁷ Bʉr baá nwɨɨla ó e menó. Bé ó menó mû sí jwɨ̂l, akǎ be le etáŋ é médíbé egwár má. Bé ó mpʉ nkûr nkúo dí etíne wɨ́. Nzyɛ̌m, nyɨ́ boó komlo bé diá lɨ́ edúrʉ́ʉ́ e dí ɨ́ nkom nkom lɨ́.

Kálara Zyɛ̌m Edwán é mpʉ̌n

¹⁷ Bʉr baa, bé enwɨɨla ó e mono mo dibe ndɨ ejwɨl-jwɨl ɨ. Bé ó mpʉ mɨnkur nkuo lé etine e. Zyɛm, nyi bɛa komlo be dia ó, é l'edurʉ le ankom-nkom.

2 Pyɛr 2:17 ပူးပေါင်းရင်းမြစ်များ

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.

2 Pyɛr 2:4

Ebě, Nzyɛ̌m á bé abîr bééngeles bé á sâ syóm bá. Nye á jaa guho bé ó, njɨ ɨ́ bɨ́ siʼe. Nye ntɔ̂ʼ gbâ bé ɨ́ mpǐl, lɨ́ ebónǒ móhó étíʼ é mílɔ̌b.

Mataos 25:30

Nó ó, syɛ̂l mesâ dí ɨ́ dwě ntuʼ nyá, guhaa gá nye lɨ́ edúrʉ́ʉ́ e dí kʉ̌l lɨ́, nko bʉ̂r, bé ójóno le epûʼlo médye yɨ́.”»

Mataos 22:13

Njwɨ́ɨbʉr nzě lɛ́ɛ le osyɛ̂l o mésá bé ó: “Káʼáá gá nye mebô e mekʉ̌. Bɨ̌n a gúhó nyé lɨ́ edúrʉ́ʉ́ dí kʉ̌l lɨ́, nko bʉ̂r, bé ójóno le epûʼlo médye yɨ́.”»

Mataos 8:12

Minyɛ̂r mí Mpóʼo nyaá míɛ, myé ónzéŋlɔɔ̌ kʉ̌l lɨ́ edúrʉ́ʉ́, súm bé ójóno le epûʼlo médye yɨ́.»

Ebrœ̂ 12:18

Gúmó bɨ́n tyɛ́b ɨ́ míh mé Nzyɛ̌m yɨ́, yé abě mpʉ écwɨ̂ʼ e dí bɛ̌m mɛ́rɔɔ e mebô lɨ́, gúmó bʉ̂r o b'Ɨ́zraɛ̂l, bé á di mélú mé épíhe yɨ́. Bé á si bee siʼe yé á dúo tɨ̂ʼ yɨ́, bee ntémé edúrʉ́ʉ́ ɨ́ gúú pâʼ, lɨ́ɛ abe e bá myɛ́n tɨ̂. Bé á si bee ntémé nkúo lɨ́ ekwoolo.