2 Pyɛr 2:14 - Kálar Nzyɛ̌m : Ejwán é Sáá

¹⁴ Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

Kálara Zyɛ̌m Edwán é mpʉ̌n

¹⁴ mih mɔɔ lé esaa bʉba bé saʼ mɨfyɛba e be e. Bé agbala ba lé esa mɨsyem. Bé ekwab bʉr o ndɨ é pɨŋla é l'ebò e cyen lɔɔ ɛ. Bɨ gba nyʉl lé ejwɨʼ edu bɨgwɨma bɨ nyʉl bɨpuno wɔɔ é dwiii. Zyɛm, nyi káale be.

2 Pyɛr 2:14 ပူးပေါင်းရင်းမြစ်များ

2 Pyɛr 2:18

Bé lwilwib ó e mekǎn mé jáálé, maá me dí dwêh má. Ɨ́ nzɨ̌ bigwɨ́má ményʉ́l mébomo mɔ́ɔ́, bé lɨ́ edulo bʉ̂r o bé alúno syɛb ményʉ́l mɔ́ɔ́ ɨ́ sɔ́má bígʉʼlʉgʉ́ bá.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

2 Pyɛr 3:16

Nyě cɨcɛmá bɨ́n milɔ̌b mimpwár myaá ó, ɨ́ mekaná mɨ́mɛ̂h nyé dí ecɛma má. Ɨ́ mʉ́ʉ́ mékaná, nye á cɛma ó, bisâ bi dí elára bʉ́ʉ́ bʉ̂r bí. Bʉr o dí anʉa mílɛ́ʼlá, baá o dí le ocábcab bá, ɨ́ jɔʼ bé láá mɨ́haá mékaná yɨ́, bé lɨ́ edwir mílɔ̌b mi tɨ̂ʼ gúú mbi swîh. Yé ó mpʉ bé dí eboó sɨsâ ntémé ɨ́ jɔʼ bé láá byúú bípéh Mékaná mé Nzyɛ̌m yɨ́. Bʉr baá, bé guŋlo ó, mempɨ́ mɔ́ɔ́ bé bʉr o tɨ̂ʼ ngá lʉ́ŋa, ntɔ̂ʼ dwe tɨ̂ʼ má.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

1 Korɛnt 11:19

Ebě, mpɔ́ʼá menkɔ̌m, nye ɨ́ jala le enyɨ̂nyɨn páʼ nyɨ́n ó, bé gwâ dweʼe baá o dí tyeetye e búʼó bá.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Mataos 12:34

Bɨ̌n bwá ó méjwɨ̂l bâ! Bɨ̌n bé e nkul elɛ́ɛ bísá bímpâ nyá? Ebě, bɨ̌n bé ɨ́ bébe. Sá mʉ̂r dí e yé lwɨ́ŋlá ɨ́ léme yɨ́, yé ó num wé dí epyêl kʉ̌l.

1 Yʉanes 2:16

Bisá bíbyɛ̂h bi dí egúmo e sí yɨ̂ʼ bí, bisá bíbɨ́bla bi bʉ̂r dí egwɨ̂m bí, byaá míh mɔ́ɔ́ dí egwɨ̂m bí, bisá bé dí esâ jáálé ɨ́ lɔ̌b wɔ́ɔ́ bí, bisâ byaá bíbyɛ̂h, byé aduho kwá mé Nzyɛ̌m Sɔ́ŋ. Byé duho ó, ɨ́ sí yɨ̂.

Markus 13:22

Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó.

Jacques 1:8

Ebě, nye ó mekʉ̌ me kwɨ̂h. Kʉ̌ tyen wé ntémé, wé ó ɨ́ yéŋe yeŋé yéŋê.

Kolosi 2:18

Mpʉ bɨ́n di ajɔr ményʉ̂l ɨ́ míh bééngeles, nkʉ̂ dwáawo bé yɨ́, mʉ̂r dwé bɨ́n mebě me mpéne, duho tɨ̂ʼ nó, anʉa gá lwǐb yé, gbâ ɨ́ nkɔb. Bisá bé dí ebee lɨ́ esimá bí ó bé dí enʉa, gbâ ɨ́ nkɔb. Mimbi mi bʉ̂r myaá, myé ó lwɨ́ŋlá e nkɛ́á nyʉ̂l. Bé nkɨ́nkɛ́ɛ́ ményʉ́l mɔ́ɔ́ ó, dwêh, ebě, bijwɨʼ byɔ́ɔ́, byé jaá duho ó, njɨ ɨ́ nkul misyóm myɔ́ɔ́ tʉ́ŋlʉ̌.

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mataos 5:28

Nó mɛ̌m lɛ́ɛ́ bɨ́n ó: mʉrʉ̂m nyɨnyɛ̂h dwɛ́ʼ mʉ́má nye onkán le egwɨ̂m nyé ɨ́ léme tʉ́ŋlʉ̌ nyá, nye mû náǎ ó, sí sâ médyɛ̂n e né ɨ́ lémé wé ó nɨ̌.