2 Pyɛr 2:10 - Kálar Nzyɛ̌m : Ejwán é Sáá

¹⁰ Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.

Kálara Zyɛ̌m Edwán é mpʉ̌n

¹⁰ Nye ókʉ bul kab bɨntɨʼa ó, dwe bʉr o ndɨ edu bɨgwɨma bɨ nyʉl bɨpuno wɔɔ ɛ, bɛɛ nteme lé epyeh mojwɨ̀ʼa mo si le maa mo kʉ. Mɨmpʉmpʉl mɨ oyeʼle me lé etaŋle bɨn lɔb wɔɔ ɛ, myé ajoʼo bʉa dam be é jɔʼ bé lwɨɨ beengles ndɨ é lal bɨna ndɨ egumlo e.

2 Pyɛr 2:10 ပူးပေါင်းရင်းမြစ်များ

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.

Yʉ̂d 1:18

Bé á lɛ́ɛ bɨ̌n ó, mbi wɨ̂: «Ɨ́ melú mé ósûʼla má, yé óbe ó e bʉr ó kpêʼle ngá dû mpʉ bígwɨ́má byɔ́ɔ́ dí etíne bé yɨ́ bá. Bigwɨ́má byɔ́ɔ́, byé kʉ́ lɛ̂ʼle ó, bé lɨ́ ejéʼě Nzyɛ̌m.»

2 Pyɛr 3:3

Sá ésôʼ, gwá gʉ́a gá sɨ̂: ɨ́ melú mé ósûʼla má, yé óbe ó e bʉr o ngá kpɛl étíʼě mpʉ bígwɨ́má byɔ́ɔ́ dí etíne bé yɨ́ bá. Bé óbe ó bʉr ó pyêh,

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Éfɛsɔs 5:5

Gʉ́ŋáá gá ó, mʉr dí elœʼ nyʉ́l nyé ɨ́ nzɨ̌ bijoó nyá, le waá dí edulo mpîr ɨ́ nye mʉr tɨ̂ʼ nyá, le waá dí egbâ mîh ɨ́ bisá byé onkán bá, mʉr dí e mbi bísyɛ́ɛla byaá nyá, nye ákóʼó bi nkɔ̂b ɨ́ Mpóʼo mé Krîst, dí nyaá mé Nzyɛ̌m nyɨ́. Ɨ́ jɔʼ mʉ̂r gbá mîh ɨ́ bisá byé onkán yɨ́, syɛ́ɛla yaá kʉ́ lɛ̂ʼle ó, mʉr waá, nye lɨ́ edwe bíkpɛʼkpɛ̂ʼ bí ónzyɛ̌m kûm.

Lʉkas 19:14

«Náǎ yé ó, bʉr ó sí yé lɨ́ enwim nyê. Nó ó bé á lómo bʉr ó, bé tôʼ dû nyê, lɨ́ etô le elwáŋlě lɔ́ɔ gʉ̂ʼ ó: “Bɨ̌h bé akpɛl ó, mʉr nyâʼ díʼee njwɨ́ɨ wɨ́h!”

Ebrœ̂ 13:4

Bʉr, bé ɨ́ jala le edwe mímbɛ́á mí bʉ̂r dúu. Syɛ́ɛla mpîr, yé ajala le esyɛ́ɛlɨ̌ súm mímbɛ́á mí bʉ̂r dí esyɛŋa yɨ́. Gʉ́ŋáá gá ó, Nzyɛ̌m ótíʼe ósyɛ̂l o médyɛ̂n, bé le osyɛ̂l o bímolá milɔ̌b.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

Mɨlʉmlʉ 23:5

Nó ó Pɔ̂l á yala e bé ó: «Bɨ́ɔɔ́ bâm, me bé agʉ́a ó, yé ó njwɨ́ɨ opara. Yé bé me bé ɨ́ gʉ́a nó, mpa me bé alwib nó, ebě, yê cɛmá ó: “Gǒ sá alwib e njwɨ́ɨ gǒ ɨ́ bébe bébe.”»

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

2 Korɛnt 10:3

Yê tyeetye ó, mɨná tiʼe gá ó, ɨ́ nyʉ̂l bipúno. Sâ gwár, dɔm mɨ́ná dí elwímla gá lɨ́, mɨná bé abe lɨ́ elwímla gá lé e nkul bipúno nyaá.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Éfɛsɔs 4:19

Ɨ́ sɔ́ɔlʉ pɨ̂ʼ wɔ́ɔ́, bɨ́ swâhle mímbi mébébé mɨ́mɛ̂h lɨ́ esâ. Bé lɨ́ esâ bímolá nzam le ekomo. Bé sá ntémé ó, bisyɛ́ɛla bi dí edulo mpîr ɨ́ nyʉ̂l bí, abe e njɨ.

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Lʉkas 11:25

Wé ntɔ̂ʼ búla, kœ̌b mbɛ̌r ngwámlá, mbɨambɨa kʉmsá.