2 Pyɛr 1:20 - Kálar Nzyɛ̌m : Ejwán é Sáá

^20-21 Bɨ̌n e gʉ́á sɨ̂: yé abe e mʉr á gwîh milɔ̌b mé Nzyɛ̌m ɨ́ lɔ̌b gwɨ́má yé ánta nye. Ogwíha o mílɔ̌b, bé á gwigwîh milɔ̌b myé ó, lɨ́ edû mpʉ̌ Sísǐm mé Nzyɛ̌m, wé á lɛ̂ʼle bé yɨ́. Ogwíha o mílɔ̌b pǎ nyɛɛ́ dû gwɨ́má mé Nzyɛ̌m, á dwɛʼra e mʉr ókǎ pâʼla míngwíhá mílɔ̌b myɔ́ɔ́ nyá! Sá bé á nyɛɛ gwîh, nzě cɛma yɨ́, mʉr nyé ajala le epâʼla yé mpʉ̌ gwɨ́má lémé wé dí yɨ́.

Kálara Zyɛ̌m Edwán é mpʉ̌n

²⁰ Gʉŋa ga sɨʼ yi: yé abe e mʉr a gwih sa ndɨ tila é Kalara Zyɛm ebe gwɨma ye anta nye.

2 Pyɛr 1:20 ပူးပေါင်းရင်းမြစ်များ

2 Pyɛr 3:3

Sá ésôʼ, gwá gʉ́a gá sɨ̂: ɨ́ melú mé ósûʼla má, yé óbe ó e bʉr o ngá kpɛl étíʼě mpʉ bígwɨ́má byɔ́ɔ́ dí etíne bé yɨ́ bá. Bé óbe ó bʉr ó pyêh,

Rôm 12:6

Nzyɛ̌m á dwe mɨná gá mindwéá ó, mimbi mimbi. Mpʉ nyé á kpɛl edwe mɨná gá mindwéá myaá yɨ́, nó ó, mʉ̂r nyɨnyɛ̂h jálá le eséǎ Nzyɛ̌m syɛ́ɛ́ yɨ́. Yé bé nye á si dwe go ndwéá égwîh mílɔ̌b myé nó, tóʼ le egwîh myé dóló ɨ́ nzɨ̌ búʼó.

Jacques 1:3

Ebě, bɨ̌n bé ɨ́ jala le egʉ́a ó, ɨ́ jɔʼ yaá, yé ónyɨ̂n ɨ́ ponó ɨ́ míh mé bʉ̂r, nkʉ̂ bɨ̌n bé lɨ́ edyɛ̂ʼwo e Nzyɛ̌m lɨ́ otyeetye. Búʼó yɨ́n, yé ódwe bɨ́n bíhwó ɨ́ buo buo.

1 Timotɛ 1:9

Mɨná bé lɨ́ egʉ́a ntémé ó, metié maá, mé á bé atyélɔɔ lɨ́ esú lé ótîtyěl ó bʉ̂r. Mé á tyélɔɔ ó, lɨ́ esú é bʉ̂r bâ: ogbah o métié, baá o dí egbɔba le otyɛ̂b bé ésôʼ bɔ́ɔ́ bá, minjéʼe-Nzyɛ̌m, osyɛ̂l o mísyóm, bʉr o dí esâ Nzyɛ̌m nkěh bá, baá o dí agúmo e Nzyɛ̌m bá, ojʉ̂l bé ósɔ́ŋ, ojʉ̂l bé ónyɔ̌ŋ, le ojʉ̂l o bʉ̂r,

Rôm 13:11

Sáʼ gá nó, ebě, bɨ̌n bé lɨ́ egʉ́ǎ jɔʼ mɨ́ná gá mû tɨ̂ʼ yɨ́. Ɨ́ báánâ, yé ó jɔʼ bɨ́n jálá le ejɨma ɨ́ bijô yɨ́. Jɔ̌ʼ Nzyɛ̌m á boo pɛ̂h ó, nyě tǐʼ ó mɨ́ná gá yɨ́, yé mû ó kúno epyâl. Yé akǎ cɛrǎ mpʉ yé á nyɛɛ be ɨ́ jɔʼ mɨ́ná bé á nyɛɛ bûʼla gá yɨ́.

Rôm 6:6

Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

2 Timotɛ 3:16

Mekaná mé Nzyɛ̌m mɨ́mɛ̂h, mê tɨ̂ʼ ó, ebě, Nzyɛ̌m á si dwe bʉr pɨʼ ecɛma mê. Mé e nyɔm lɨ́ esú lé élɛ̂ʼle mɨ́ná, le edwe mɨ́ná mebě ɨ́ jɔʼ mɨ́ná sâ ébébe yɨ́. Mé lɨ́ esɨ̂ʼ mɨ́ná, le etɨ́e mɨ́ná mpʉ mɨ́ná jálá le edi lɨ́ otîtyěl yɨ́.