2 Pyɛr 1:13 - Kálar Nzyɛ̌m : Ejwán é Sáá

¹³ Yé ó nó. Mě bee ó, yê tîtyěl ó, me símsaa bɨ̌n wǎ ɨ́ nzɨ̌ milɔ́ɔ́ myâm, tyé yɨ́yɛ̂h mé dína ɨ́ twǐʼ sí yɨ̂ʼ yɨ́, bɨ̌n nkʉ̂ kubla.

Kálara Zyɛ̌m Edwán é mpʉ̌n

¹³ Yé ó no: me ebee ó, yé ó cɨcyel lé ejɨm bɨtoŋla bin byaa é zi mɨlɛa myam, cye yiyɛh me dina kʉ ɨ. Diŋa ó, bɨn bé ókubla,

2 Pyɛr 1:13 ပူးပေါင်းရင်းမြစ်များ

2 Pyɛr 3:1

Bʉr o mé dí ekpɛl bá, mekaná membá mé mû sí cɛma bɨ́n má ó mâ. Mě cɛmá bɨ́n ó, me jɨ́mɨɨ bɨ̌n bitɔŋlá, bɨ̌n nkʉ̂ pahle byé e miléme mi dí abe e mikóo mí.

2 Pyɛr 1:14

Ebě, me lɨ́ egʉ́a ó, me mû ó kúno epɛʼɔɔ médwôʼlʉ mpʉ Tî gá wɨ́ná Yésʉs-Krîst á boo lɛ́ɛ me ɨ́ hwɨ́m yɨ́.

Ebrœ̂ 13:3

Tʉtoŋlaa gá mimbʉʼ: diʼee gá mpʉ̌ sá lɛ́ɛ́, bɨ̌n le onɔ́ɔ́ bɨ́bɛ̂h ó dí ɨ́ mbʉʼ. Toŋlaa gá bʉr o dí esia e mitúú bá, ebě, bɨ̌n bé lɨ́ egʉ́ǎ mpʉ bíntɨ́ʼá dí ɨ́ kpaa ɨ́ nyʉ̂l yɨ́.

2 Timotɛ 1:6

Sá tɨ̂ʼ ó gó dí ɨ́ jala le esímsǎ ndwéá Nzyɛ̌m á lómlo go, waá gó á bi ɨ́ kɛlá mé á kɛl go mebó mâm wɨ́. Nó ó, sáʼ ó, go súʼaa bʉr e ndwéá gô waá.

2 Korɛnt 5:8

Mě lɛ́ɛ́ ó, bɨ̌h bé e mpûʼla ɨ́ buo buo ɨ́ miléme. Mɨná bé lɨ́ ebee gá embɨa ó, yé mbɨa ɨ́ jɔʼ mɨ́ná dí etwâʼ gá ɨ́ nyʉ̂l bipúno nyɨ̂, lɨ́ esú ó, mɨná tôʼ sul gá ɨ́ mpóʼo mé Tî Yésʉs.

2 Pyɛr 1:12

Bɨ̌n bé lɨ́ eboó gʉ́a ótyeetye dí egʉ́ŋɔɔ ɨ́ jɔʼ yɨ̂ʼ wɨ́. Milɔ̌b mi tɨ̂ʼ ó dí esâ ó, bɨ̌n tyɛ́bɨɨ mekʉ̌ sí ɨ́ sɨ́ŋ, apɨ́ŋla yɨ́. Bɨ̌n damá gʉ́a nó, me ósímsa bɨ́n otyeetye waá ɨ́ jɔʼ yɨ́yɛ̂h.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Filipi 3:10

Sá mé dí egwɨ̂m yɨ́, yé ó, me gwâ gʉ́ǎ Krîst. Mě gwɨ́m ntémé ó, Nzyɛ̌m séaa ɨ́ me mpʉ nyé á séa e nkul lɨ́ epɛ̌h Yésʉs-Krîst yɨ́. Me síaa e mitúú mímpwár Krîst á bi mí. Eswie lâm nkʉ̂ nwɨɨla ntémé e laá lé.