2 Pyɛr 1:12 - Kálar Nzyɛ̌m : Ejwán é Sáá

¹² Bɨ̌n bé lɨ́ eboó gʉ́a ótyeetye dí egʉ́ŋɔɔ ɨ́ jɔʼ yɨ̂ʼ wɨ́. Milɔ̌b mi tɨ̂ʼ ó dí esâ ó, bɨ̌n tyɛ́bɨɨ mekʉ̌ sí ɨ́ sɨ́ŋ, apɨ́ŋla yɨ́. Bɨ̌n damá gʉ́a nó, me ósímsa bɨ́n otyeetye waá ɨ́ jɔʼ yɨ́yɛ̂h.

Kálara Zyɛ̌m Edwán é mpʉ̌n

¹² Me egʉa ó, bɨn mu ó lé egʉa mɨlɔb mɨ ocyecye mɨnɨ. Me egʉa nteme ó, myé ó ndɨ esa ó, bɨn cyɛba é nkʉʼʉ, apɨŋla. Me dam gʉa no, me ódɨ jɨm bɨn bɨtoŋla bɨ tɨʼ é jɔʼ yiyɛh.

2 Pyɛr 1:12 ပူးပေါင်းရင်းမြစ်များ

1 Yʉanes 2:21

Mé acɛma bɨ́n ebě bɨ̌n bé lɨ́ ejéʼe ótyeetye. Mě cɛmá bɨ́n ó, ebě, bɨ̌n bɨ́ gʉ́a wê. Bɨ̌n ntémé bé lɨ́ egʉ́a ó, sâ bíbɛr, yé abe e nkul eduho lɨ́ otyeetye.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

Kolosi 2:7

Búʼó bɨ́n dí e yé yɨ́, yé páhaa mikaalé. Yé tôʼ le egwɨ́e, le ebwaʼ. Dyɛ́ʼwáá gá e búʼó gá yɨ́ná ɨ́ dyɛʼwó mpʉ bé á lɛ̂ʼle bɨ̌n yɨ́. Tóʼ le edwe gá Nzyɛ̌m nzyǒo dóló ɨ́ bisá nyé dí esâ bɨ́n bí.

Yʉ̂d 1:5

Yê tyeetye ó, bɨ̌n bɨ́ boó gʉ́ǎ lɔ̌b waá wɨ́wɛ̂h. Damá jóʼo nó, me páa símsa bɨ́n yɨ́ɛ lɔ̌b wɨ̂: Dâ Nzyɛ̌m ó b'á pɛʼ bʉr o b'Ɨ́zraɛ̂l ɨ́ sí Egɨ̂ptɛn. Píe tɨ̂, nye nzě kǎ jʉ̂ baá bɨ́bɛ̂h bé á bɨbene lɨ́ edyɛ̂ʼwo e né bá.

2 Yʉanes 1:2

Mě cɛma bɨ́n mekaná mâʼ ó, lɨ́ esú ó, me pâʼlaa otyeetye o dí ɨ́ mɨná gá tʉ́ŋlʉ̌ wɨ́. Wé ódi ɨ́ mɨná gá ó, melú mé mpóʼo mɨ́mɛ̂h.

2 Pyɛr 1:13

Yé ó nó. Mě bee ó, yê tîtyěl ó, me símsaa bɨ̌n wǎ ɨ́ nzɨ̌ milɔ́ɔ́ myâm, tyé yɨ́yɛ̂h mé dína ɨ́ twǐʼ sí yɨ̂ʼ yɨ́, bɨ̌n nkʉ̂ kubla.

Yʉ̂d 1:17

Bʉr ó kpɛ̌l bâm, símsáá gá mekǎn bʉ̂r o mílʉ́mlʉ́ mé Tî gá wɨ́ná Yésʉs-Krîst á lɛ́ɛ má.

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

2 Pyɛr 3:17

Ɨ́ páʼ wɨ́n, bɨ̌n osó bâm ɛ̌! Bɨ̌n bé lɨ́ eboó gʉ́ǎ lɔ̌b waá. Gwá di gá le ocwóó páʼ bʉ̂r o dí agbâ mémpéné ɨ́ nkɔb bá. Bɨ̌n ámû jaá dyɛ̂l ɨ́ nzɨ̌ nyɔ́ɔ́, ntɔ̂ʼ tó dîm. Apʉʼa gá ɨ́ tyé mélele bɨ́n dí tɨ̂ʼ yɨ́.

2 Pyɛr 3:1

Bʉr o mé dí ekpɛl bá, mekaná membá mé mû sí cɛma bɨ́n má ó mâ. Mě cɛmá bɨ́n ó, me jɨ́mɨɨ bɨ̌n bitɔŋlá, bɨ̌n nkʉ̂ pahle byé e miléme mi dí abe e mikóo mí.

2 Pyɛr 1:15

Me ósâ sɨ́n lɨ́ elíʼe bɨ́n e micɛmá ngá jɨjɨm bɨ́n bitɔŋlá ɨ́ milɔ̌b mínɨ̌, píe l'eswie lâm ɨ́ jɔʼ yɨ́yɛ̂h mí.

1 Pyɛr 5:12

Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

2 Timotɛ 1:6

Sá tɨ̂ʼ ó gó dí ɨ́ jala le esímsǎ ndwéá Nzyɛ̌m á lómlo go, waá gó á bi ɨ́ kɛlá mé á kɛl go mebó mâm wɨ́. Nó ó, sáʼ ó, go súʼaa bʉr e ndwéá gô waá.

1 Timotɛ 4:6

Gó sí dwe bɨ́ɔɔ́ bô milɛ́ʼlá mîʼ nó, go bě mpǎŋ syɛ̂l mesâ mé Yésʉs-Krîst! Go ódwidwe mílɛ́ʼlá ɨ́ nzɨ̌ nyaá ó, ɨ́ milɔ̌b mí búʼó gá yɨ́ná, ti e mpǎŋ lɛ́ʼlá gó á jóʼo wɨ́.

Mɨlʉmlʉ 16:5

Nó ó bʉ̂r ó Mbɛ̌r-Nzyɛ̌m, bé á nʉa pîm ɨ́ búʼó yɨ́, ɨ́ bigúmo ɨ́ buo buo. Tâŋ obûʼla ntémé nzě bubuǒ dʉ́ó lɨ́lɛ̂h.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.