2 Pyɛr 1:11 - Kálar Nzyɛ̌m : Ejwán é Sáá

¹¹ Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

Kálara Zyɛ̌m Edwán é mpʉ̌n

¹¹ No nteme ó Zyɛm óbeŋle bɨn le edib bɨn zi ó, bɨn niʼe é jwɨ̀ʼa mo Tî ga wina le Tiʼbʉr ga wina Yesʉs-Krɨst ɨ. Jwɨ̀ʼa ye yaa, yé ódi ó njʉmdia e njʉmdia.

2 Pyɛr 1:11 ပူးပေါင်းရင်းမြစ်များ

Mɨngwiha 5:10

Go á si dwir kúl bʉ̂r yô ntinɨ̂ opara, lɨ́ esú lé éséǎ Nzyɛ̌m wɨ́h syɛ́ɛ́. Bé ntémé ó ngá jwɨ́ɨ ɨ́ sí yɨ́yɛ̂h.»

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”

Ebrœ̂ 6:17

Nzyɛ̌m á tíʼe ɨ́ lémé wé ó, nyě sá ó bʉr gʉ́ŋaa lɨ́ otyeetye ó, nye ábîr mbɨambɨa nkɛ̌ʼ nyé. Nó yaá ó nyé á ntaa minkâl ɨ́ jɔʼ nyé á kɛʼ bʉr membɨa mé yɨ́. Minkál myé myaá ó b'á lɨl nkɛ̌ʼ nyé. Bʉr o jálá le ebi nkɛ́ʼ nyaá bá, bé ogʉ́ǎ tyeetye ó, bé ókʉ́ bi nyê.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Yʉanes 10:10

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

Éfɛsɔs 3:20

Kûm díʼee e Nzyɛ̌m, waá dí e nkul esâ sá yɨ́yɛ̂h, laǎ bím mɨ́ná dí edî gá, nkʉ̂ jwɨʼ yɨ́ nyá. Nyě sá sá yɨ́yɛ̂h ó, dû nkûl nɨ́nɨ́ɨ́ dí eséa ɨ́ mɨná gá nyɨ́.

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

1 Korɛnt 15:24

Jɔʼ yaá ó ésúʼlá é sí yɨ̂, lé ókǎ pyâl yɨ́. Krîst ógbah mísísǐm mí édúrʉ́ʉ́ mímyɛ̂h: le myaá mi dí milʉ̂, le myaá mi nkûl jwɨ́ɨ, le myaá mi dí e menkul ménɨ́nɨ́ɨ́ mí. Nyé odwě Nzyɛ̌m Sɔ́ŋ jwɨ́ɨ́ yé yaá.

1 Timotɛ 6:17

Lɛ́yɨ́ɨ́ óbil o bísâ ɨ́ jɔʼ yɨ̂ʼ ó, bé sá ankɛ́ɛ ményʉ̂l. Bé sá adyɛ̂ʼwo le okúm le ogbaa wɔ́ɔ́, ebě, mbi ókúm wɔ́ɔ́, wé abe lɨ́ ebea. Milémé myɔ́ɔ́, myé lónaa ɨ́ mpûʼla ɨ́ lɔ̌b mé Nzyɛ̌m, nyɨɛ mʉr dí epǎ dwe mɨ́ná gá bisá bíbyɛ̂h ɨ́ ntʉʉʉ́ nyá. Nyě sá nó ó, nye gbâʼ mɨná gá bisʉhʉʉ ɨ́ miléme.

2 Timotɛ 4:18

Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.

2 Pyɛr 1:5

Sɨ́ǎ yaá ó mé dí elɛ́ɛ e bɨ̌n ó, gbáʼ gá nkul lɨ́ etâʼ bísá bîʼ ɨ́ nkalá nkalá: ɨ́ búʼó yɨ́n, bɨ̌n e kɛ́l mbɨambɨa njwɨr. Ɨ́ mbɨambɨa njwɨr, bɨ̌n e kɛ́l ngwɨ́á.

2 Pyɛr 2:20

Mʉ̂r gʉ́á Tî gá wɨ́ná le Tiʼbʉr gá wɨ́ná Yésʉs-Krîst, le epʉʼa ɨ́ bibol bísyɛ́ɛla bí sí yɨ̂ʼ nó, nyé sí báʼǎ kǎ bîr ó, ebébe laá, lé nʉ́aa nkul ɨ́ twiʼ yé nó, twiʼ yé, yé ókǎ bébe, ntaa sʉ́ŋa, laǎ mpʉ yé á nyɛɛ bébe ɨ́ metááré yɨ́.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.