2 Korɛnt 9:3 - Kálar Nzyɛ̌m : Ejwán é Sáá

³ Nó mɨ́ lómo bʉ́ʉ́ bɨ́ɔɔ́ gá bɨ́ná kwá nyɨ́n. Mě sá nó ó, bilwǐb mé á lwilwib ɨ́ jɔʼ mé á nkʉ́na ɨ́ lɔ̌b wɨ́n bí, byé ayɨ́ kǎ nyɨ̂n ó, byé abe ótyeetye. Mě kpɛl ó, bɨ̌n díʼee minkʉmsá mpʉ mé á lɛ́ɛ bʉr ó, bɨ̌n mû ó minkʉmsá yɨ́.

Kálara Zyɛ̌m Edwán é mpʉ̌n

³ No ó mɨ lomo bʉʉ obuʼla bɨn ye. Me esa no ó, bɨlwib me a lwib é jɔʼ me a doʼo e bɨn ɨ, byé l'ayi ka nyin ó, byé abe ocyecye. Me ekpɛl ó, bɨn diʼe mɨkwɨmla mpʉ me a lɛɛ-lɛɛ bʉr ó, bɨn mu ó mɨkwɨmla ɛ.

2 Korɛnt 9:3 ပူးပေါင်းရင်းမြစ်များ

2 Korɛnt 8:6

Sá tɨ̂ʼ ó bɨ́h á jɨʼla e Títos ó, nye tôʼ gʉ̂ʼ kwá nyɨ́n, le elóŋlǒ syɛ́ɛ́ nyé á pa nyɛɛ séa yɨ́. Syɛ́ɛ́ yaá, yé ó syɛ́ɛ́ ésîl ésyɛŋ míngúlá mín.

Títos 3:1

Jɨ́mɨ́ɨ́ bʉ̂r bitɔŋlá ɨ́ milɔ̌b mî: bé díʼee ɨ́ jwɨ́ɨ́ bʉ̂r o dí e nkul jwɨ́ɨ bá. Bé sâʼ bé mejóʼo. Bé díʼee ntémé ɨ́ cǎr lɨ́ esú lé ésâ bísyɛ́ɛla bimpâ mimbi mímyɛ̂h.

2 Korɛnt 7:14

Yê tyeetye ó, me á si nkʉ́na ɨ́ lɔ̌b wɨ́n. Sâ gwár, me á bé asɔ́ma, ɨ́ lɔ̌b bísyɛ́ɛla bín. Mpʉ bɨ́h á lwib lɨ́ otyeetye ɨ́ jɔʼ yɨ́yɛ̂h yɨ́, Títos á ka bee píe tɨ̂ʼ ó, mbi bɨ́h á be lɨ́ enkʉ́na ɨ́ lɔ̌b wɨ́n wɨ́, wé á be ntémé ó tyeetye.

2 Korɛnt 7:4

Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.