2 Korɛnt 8:4 - Kálar Nzyɛ̌m : Ejwán é Sáá

⁴ bé jɨ̂ʼlaa e bɨ̌h e nkul ó, bɨ̌h nʉ́aa mingúlá myɔ́ɔ́, lɨ́ esúʼo bʉ̂r o mé Nzyɛ̌m o dí ɨ́ sí Yʉ́da bá. Nó ntémé ó bé á kpɛl esyɛŋa e mɨná gá ɨ́ mpúhlá miléme yɨ́.

Kálara Zyɛ̌m Edwán é mpʉ̌n

⁴ bé jwɨʼla e bɨh e nkul ó, bɨh mɛʼla ó, bé fuʼa mɨsaŋ mɨ bʉr mo Zyɛm ndɨ é Yʉda ɛ, ó bé diʼe é zyɛŋa-mɨleme obuʼla.

2 Korɛnt 8:4 ပူးပေါင်းရင်းမြစ်များ

Mɨlʉmlʉ 24:17

«Píe mé á boo bɔ́ʼa e Yerʉ́zalɛm mimbû mimbû, enze mé kǎ báʼǎ nze ó mé dí tɨ̂ʼ yɨ́, lɨ́ enzě súʼǒ kúl yâm, le enzě dwě Nzyɛ̌m mindwéá.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

2 Korɛnt 9:1

Yé apʉgʉ́ be bɨ́n e mâ nyɔm ó, me báʼa cɛma ɨ́ lɔ̌b míngúlá mɨ́ná jálá le etô bʉ̂r o mé Nzyɛ̌m o dí ɨ́ sí Yʉ́da bá e myé mí.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

1 Korɛnt 16:15

Bɨ̌n bé lɨ́ egʉ́ǎ Stéfanas, bé e mbɛ̌r bʉ̂r wé. Bɨ̌n bé lɨ́ egʉ́a ó, bé á be ó bʉr o bé ésôʼ bé á dyêʼ koo e Nzyɛ̌m ɨ́ sí Akayɨ̂ bá. Bé ó b'á nyɛɛ gbâ menkul mɔ́ɔ́ lɨ́ ekɛm bʉ̂r o mé Nzyɛ̌m. Nó ó, bɨ́ɔɔ́ bâm, mě lɛ́ɛ́ bɨ́n ó:

Galásia 2:10

Bé á jaa lɛ́ɛ bɨ̌h ó, njɨ bɨ̌h sâʼ sâ gwár: esúʼo báántéʼenteʼe o bʉ̂r. Tó kœb ó, me á boo be e tiŋé ɨ́ léme ó, me báná sâ ó, syɛ́ɛla yaá.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Korɛnt 16:1

Ɨ́ nkǒ páʼ ménzyɛ̌ŋ me dí lɨ́ esú é bʉ̂r o dí egúmo e Nzyɛ̌m bá, mě lɛ́ɛ́ bɨ́n ó: sáʼ gá jwɨʼ gwár mpʉ mé á boo lɛ́ɛ e bʉr ó Mbɛ̌r-Nzyɛ̌m dí ɨ́ sí Galásia bá ó, bé sâʼ yɨ́.

Rôm 15:31

Jɨʼlaa gá ó, mě sá abil ɨ́ mebó mé bʉ̂r ó Yʉ́da dí adyɛ̂ʼwo e Nzyɛ̌m bá. Jɨʼlaa gá ntémé ó, obûʼla ó Yerʉ́zalɛm nʉ́aa mingúlá mé ótô bé e myé mí mbɨ̂mbɨá.

Mɨlʉmlʉ 16:15

Nye nzě duŋɔɔ, bé e mbɛ̌r bʉ̂r wé ntémé. Nó nyé á jébe bɨ̌h. Nye e bɨ̌h ó: «Yé bé bɨ̌n bɨ́ gwá kʉ́ bee ó, me mû ó lɨ́ ekʉ́ dyɛ̂ʼwo e Tî Yésʉs nó, ntaá di gá ɨ́ mbɛ̌r wâm.» Nó nyé á tíne bɨ̌h ó, bɨ̌h kámaa.

Mɨlʉmlʉ 11:29

Ompʉ́n, bé bʉr o tɨ̂, bé á tíʼe ó, mʉr nyɨnyɛ̂h ɨ́ sɔ́má yɔ́ɔ́ ótyen óbûʼla bé á di ɨ́ sí Yʉ́da bá bisâ, ó mʉr nyɨnyɛ̂h súʼaa bé, dû mébi mé.

Markus 14:7

Ebě, bɨ̌n e baántéʼenteʼe o bʉ̂r ó dí jɔʼ yɨ́yɛ̂h. Jɔʼ yɨ́yɛ̂h bɨ́n kpɛ̂l yɨ́, bɨ̌n bé óbɛ̌m sâ bé membɨa. Tó kœb ó, mɨná bé ákóʼó di gá jɔʼ yɨ́yɛ̂h.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Mataos 10:42

Mě lɛ́ɛ́ bɨ́n lɨ́ otyeetye ó, ɨ́ sɔ́má ómpʉ́n bâm bɨ́bɛ̂h, mʉ̂r ódwe waá dí ɨ́ buú twâʼwo tɨ̂ʼ nyá, damá bě bélé médíbé métálá gwár e gwár, ebe mʉ̂r waá dí mpʉ́n wǎm nó, nye óbǐ mpǎŋ myɛ́na.»