2 Korɛnt 7:8 - Kálar Nzyɛ̌m : Ejwán é Sáá

⁸ Damá be ó, mekaná mé á cɛma bɨ̌n má, mé á si to kwɨ́ɨ mebúʼ mɨ́n, mé ajʉbǎ sɔ̂ʼ tɨ̂. Yé bé, me á si nyɛɛ jʉba, dumo e mekaná maá nó, yé á be ó, ɨ́ jɔʼ mé á bee mpʉ mé á to kwɨ́ɨ mebúʼ mɨ́n ɨ́ mâ jɔʼ yɨ́.

Kálara Zyɛ̌m Edwán é mpʉ̌n

⁸ Kalara me a tile bɨn ɨ, nye a si to kwɨɨ mompime mɨn. Dam be no, me agwɨma nye. Yé be ó, me a si taare gwɨma kalara waa nɛʼɛ, yé a be ó é jɔʼ me a bee mpʉ me a kwɨɨ mompime mɨn é ma jɔʼ ɛ.

2 Korɛnt 7:8 ပူးပေါင်းရင်းမြစ်များ

Mɨngwiha 3:19

“Mɛm, me lɨ́ edwe mʉ̂r nyɨnyɛ̂h mé dí ekpɛl nyá melɨ́, le esɨ̂ʼ nyé lʉ̂. Nó, sáʼ gá sɨ́n, lɨ́ esú ó bɨ̌n túmaa mikoo e misyóm mín. Bɨ̌n e dwírá míléme.

2 Korɛnt 7:11

Jwɛ́ʼɛ́ɛ́ gá sɔ̂ʼ njɨ sá Nzyɛ̌m á gbâ bɨ̌n ɨ́ miléme yɨ́. Ebúʼ e dí esâ ó, mʉr jʉ́baa, duho ɨ́ bisyɛ́ɛla byé lɨ́, lé á be ɨ́ sâ ó: bɨ̌n díʼee e léme ngwár ɨ́ báná báná ó, bɨ̌n sâʼ embɨa, bɨ̌n sáŋaa nzɨ̌ dí ó, me tɨ́ʼee bibaa bí ébébe mé á niʼe bɨ̌n bí, bɨ̌n bíʼee túú le bʉ́á ɨ́ miléme, bɨ̌n bíʼee mimpaŋ bígwɨ́má, bɨ̌n díʼee e sɨ́n ɨ́ miléme, bɨ̌n dwêʼ nye bintɨ́ʼá ɨ́ lɔ̌b wé. Ɨ́ menzɨ̌ maá mɨ́mɛ̂h, bɨ̌n bé á lɛ̂ʼle ó, bɨ̌n bé á be ó otîtyěl, abe e mebě ɨ́ lɔ̌b waá.

2 Korɛnt 7:6

Tó kœb ó, Nzyɛ̌m, nye lɨ́ ekɛm bʉ̂r o dí ɨ́ twíaaa e metyɛʼ me nyʉ̂l bá. Nye á si gbâ bɨ̌h nkul ɨ́ miléme ɨ́ jɔ̌ʼ Títos á pyâl yɨ́.

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Yʉanes 16:6

Damá jóʼo nó, menyʉ̂l, mɨ́ tyɛʼ bɨ́n ebe mé mû sí lwib e bɨ̌n mpʉ́nʉ̌.

2 Korɛnt 7:7

Abě njɨ lɨ́ epyál lé, lé omér. Nye á gbâ me nkul ɨ́ léme ntémé ó, lɨ́ elɛ́ɛ mé mpʉ nyé á nyɛɛ súʼɔɔ kwá nyɨ́n yɨ́. Me á ka bi nkul ɨ́ léme píe tɨ̂ʼ ntémé ó, ɨ́ jɔʼ nyé á lɛ́ɛ bɨ̌h bigwɨ́má mílémé mín yɨ́, le elɛ́ɛ̌ mpʉ bɨ́n á jɨ medwê ɨ́ lɔ̌b wâm, le mpʉ bɨ́n dí ekpɛl mé ɨ́ buo buo yɨ́. Lɔ́ɔ waá ó b'á bu gbâ me bisʉhʉʉ ɨ́ léme wɨ́.

2 Korɛnt 7:9

Nó ó, me lɨ́ esoho mékaná maá ɨ́ báánâ. Mé asoho mé ebe mé á sâ ó, bɨ̌n jóʼaa mebúʼ, bɨ̌n ntɔ̂ʼ jʉba ɨ́ lɔ̌b bísyɛ́ɛla bín. Mě soho ó, ebě, ɨ́ jɔʼ bɨ́n á jóʼo mebúʼ maá, ntɔ̂ʼ jʉba yɨ́, mé á si dib bɨ̌n nzɨ̌ edwira míléme. Tó kœb ó, syɛ́ɛla yaá, yé á duho bɨ̌n ó kwá mé Nzyɛ̌m. Nó yaá ó bɨ́n á be adímle sɔ̂ʼ ɨ́ lɔ̌b syɛ́ɛla yɨ́h e yʉ́ʉ́ yɨ́.

2 Korɛnt 7:12

Mekaná maá, mé á bé acɛmɔɔ, ɨ́ lɔ̌b mʉ̂r á byaʼ nyá, nkʉ̂ ɨ́ lɔ̌b waá á byaʼɔɔ ɨ́ lɔ̌b waá nyá. Me á cɛma bɨ̌n mekaná maá ó, yé nkʉ̂ gʉ́a nyɨ̂n mpʉ bɨ́n dí ekpɛl bɨ́h ɨ́ buo buo yɨ́. Bɨ̌n bʉr o tɨ̂, dwɛ́ʼɛ́ɛ́ gá mpʉ bɨ́n dí yɨ́, ɨ́ míh mé Nzyɛ̌m.