2 Korɛnt 7:7 - Kálar Nzyɛ̌m : Ejwán é Sáá

⁷ Abě njɨ lɨ́ epyál lé, lé omér. Nye á gbâ me nkul ɨ́ léme ntémé ó, lɨ́ elɛ́ɛ mé mpʉ nyé á nyɛɛ súʼɔɔ kwá nyɨ́n yɨ́. Me á ka bi nkul ɨ́ léme píe tɨ̂ʼ ntémé ó, ɨ́ jɔʼ nyé á lɛ́ɛ bɨ̌h bigwɨ́má mílémé mín yɨ́, le elɛ́ɛ̌ mpʉ bɨ́n á jɨ medwê ɨ́ lɔ̌b wâm, le mpʉ bɨ́n dí ekpɛl mé ɨ́ buo buo yɨ́. Lɔ́ɔ waá ó b'á bu gbâ me bisʉhʉʉ ɨ́ léme wɨ́.

Kálara Zyɛ̌m Edwán é mpʉ̌n

⁷ Abe njɨ é l'epyal le, lé ome. Nye a gba me nkul é nyʉl nteme ó, lé ejoʼo mpʉ nye a taare fuʼɔ bɨn ye e. Me a ka gbaŋɔ nkul é nyʉl pie tɨʼ nteme ó, é jɔʼ nye a lɛɛ bɨh gwɨma yin ɨ, le mpʉ bɨn bé a jɨ modwe, le mpʉ bɨn lé ekpɛl me é buobuo e. Lɔɔ waa ó b'a bul gba me bɨsʉhʉ é leme.

2 Korɛnt 7:7 ပူးပေါင်းရင်းမြစ်များ

Yʉ̂d 1:3

Bʉr ó kpɛ̌l bâm, léme, wé á nyɛɛ be me ɨ́ báná báná ó, me tílaa bɨ̌n lɔ̌b swîh: mpʉ̌ twǐʼ njʉ̌m dǐ e njʉ̌m dǐ dí jwɨʼ gwár lɨ́ esú gá lɨ́ná yɨ́. Me nzě kǎ bee ó, me ó lɨ́ bi ó, me tílaa bɨ̌n ó, bɨ̌n lwímlaa dɔm. Lwímláá gá lé, lɨ́ ekamle e búʼó gá yɨ́ná Nzyɛ̌m á boo ntɨh bʉr bé yɨ́.

2 Korɛnt 5:2

Ebě, lɨ́ odiá wɨ̂, mɨná jónó gá ó ɨ́ jɔʼ yɨ́yɛ̂h. Sá mɨ́ná dí ebuú gwɨ̂m gá yɨ́, yé ó, mɨná káa céne gá odiá gá wɨ́ná, lɨ́ etó di ɨ́ waá mû mɨná gá ɨ́ jʉ́o kʉ́ wɨ́.

2 Yʉanes 1:4

Me á si bu jóʼo membɨa ɨ́ jɔʼ mé á jóʼo ó, bwán bô, bé lɨ́ edû kʉ̌ tyen lɨ́ otyeetye tʉ́ŋlʉ̌, lɨ́ edû mpʉ̌ Nzyɛ̌m Sɔ́ŋ á tyêl mɨná gá etié yɨ́.

Jacques 5:17

Elie á be ó mʉr mpʉ mɨ́ná gâ. Nye á si jɨʼla e nkul ó, mpíé sá akǎ nwɨ́ɨ, tó pyâl ɨ́ jɔʼ mpíé á bana tyɛ̂b, akǎ nwɨ́ɨ tâŋ mimbú mílɛ̂l e pêh yɨ́.

Ebrœ̂ 2:1

Sɨ́ǎ yaá ó dí ó, milɛ́ʼlá bé á nyɛɛ dwe mɨná gá mí, mɨná díʼee gá ɨ́ puuu lɨ́ egwá jôʼlo myé, lɨ́ esú ó, mɨná sá akǎ tyenɔɔ gá díbé tíe, jɨ́bla.

1 Tesalonika 3:8

Jɔʼ yɨ̂, bɨ̌h mû ó sí tíʼe, ebe bɨ́n dína lɨ́ etyɛ̂b mekʉ̌ sí ɨ́ sɨ́ŋ ɨ́ mpúhlá nyɨ́n e Tî Yésʉs.

1 Tesalonika 3:6

Nó ó, Timotɛ̂ alúno duho gʉ̂, le elɛ́ɛ bɨ́h mbɨambɨa milɔ́ɔ ɨ́ lɔ̌b wɨ́n. Nyɨ́ lɛ́ɛ̌ mpʉ bɨ́n dí edyɛ̂ʼwo e Yésʉs, le ekpɛla yɨ́. Nye lɨ́ elɛ́ɛ ntémé mpʉ bɨ́n dí etoŋlo bɨ́h bitɔŋlá bimpâ yɨ́, le elɛ́ɛ ntémé mpʉ bɨ́n dí e dwéh ébee bɨ́h jwɨʼ gwár mpʉ bɨ́h dí egwɨ̂m ébee bɨ́n yɨ́.

Kolosi 2:5

Mě damá cɛra e bɨ̌n ɨ́ nkǒ páʼ nyʉ̂l, me yɨ́ɛ ó bǎʼ e bɨ̌n ɨ́ nkǒ páʼ sísǐm. Me lɨ́ ejóʼo bísʉhʉʉ lɨ́ ebeě mpʉ̌ sɔ́má yɨ́n dí ɨ́ kpɨ́ɨ́ɨ́ yɨ́. Me lɨ́ esoho ntémé mpʉ bɨ́n dí edyêʼ koo e Krîst yɨ́.

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

2 Korɛnt 8:16

Nzyǒo e Nzyɛ̌m ɨ́ lɔ̌b syɛ́ɛla yé! Nye á si tyɛ̂b Títos ɨ́ léme ó, léme díʼee nye ɨ́ báná báná ó, nyě kɛ̌m ó bɨ̌n. Bɨ̌h e né, bé ó jwɨʼ gwár ɨ́ pâʼ waá.

2 Korɛnt 2:9

Ɨ́ lɔ̌b waá ó mé á cɛma bɨ̌n mekaná maá yɨ́. Yé á be ó, me bóblaa bɨ̌n. Me á be lɨ́ ekpɛl égʉ́a ó, nkʉ̂ bɨ̌n dína ó lɨ́ esâ mé mejóʼo ɨ́ milɔ̌b mímyɛ̂h.

2 Korɛnt 1:14

Bɨ̌n bɨ́ nyɛɛ́ gʉ́a bɨ́h pêh lɨ́ esú ó, bɨ̌n nkʉ́naa ɨ́ lɔ̌b wɨ́h ɨ́ móhó mé Tî Yésʉs. Bɨ̌h bɨɛ bé ónkʉ́na ɨ́ lɔ̌b wɨ́n ntémé ɨ́ móhó waá.

Rôm 1:12

Sá mé dí elɛ́ɛ yɨ́, yé ó, mɨná sâʼ gá menkɔ̌m páʼ gá nyɨ́ná. Búʼó bɨ́n dí ebúʼlǎ Krîst yɨ́, le yaá yâm, byé ó ngá gbâ mɨ́ná gá nkul ɨ́ miléme.

Mɨlʉmlʉ 11:23

Jɔʼ nyé á pyâl gʉ̂ʼ yɨ́, nye nzě bee bíjwɨʼ byé á lɛ̂ʼle ó, Nzyɛ̌m á be ɨ́ buú cwɨ́a le obûʼla bí. Nye ntɔ̂ʼ soho, nzě tɨ́e bé ó, bé díʼee twíí mpâ ɨ́ mpúhlá nyɔ́ɔ́ e Yésʉs.

Mataos 26:75

Jɔʼ yaá ó Pétrus á símsa sá Yésʉs á lɛ́ɛ e né ó: «Njʉ́m kúo dína apǎ kwâʼ, go ókɛ́la mé nzɔʼ lɛ̂l» yɨ́. Nye nzě tô kʉ̌l, ntɔ̂ʼ gɔ́na le ejɨ ɨ́ buo buo.

Mataos 5:4

Metyɛʼ me mpóm, mé díʼee e bʉr o dí ejɨ médwê bá, ebě, Nzyɛ̌m ódila médwé mɔ́ɔ́ ó e bisʉhʉʉ.

1 Korɛnt 5:2

Bɨ̌n ntémé bé ɨ́ buo élɛ́ɛ e nyʉ̂l! Yé á gwa mbɨa ɨ́ páʼ wɨ́n ó, mpa milémé mín, myé á si lóno lɨ́ ebúʼ. Waá á sâ syɛ́ɛla yaá nyá, soʼ gá nye ɨ́ sɔ́má yɨ́n.

2 Korɛnt 1:4

Nyě gbá bɨ́h nkul ɨ́ miléme ó, ɨ́ jɔʼ bɨ́h dí esia e mitúú yɨ́. Nye ó mʉr dí etyɛ̂b bɨ́h ɨ́ miléme, ó bɨ̌h gbâʼ bʉ́ʉ́ bʉ̂r nkul ɨ́ myɔ́ɔ́ míléme mbi ngwár waá nyá. Ɨ́ jɔʼ bé dí esia e myɔ́ɔ́ mítúú yɨ́, bɨ̌h ó dí ekɛm bé e nzɨ̌ menkɔ̌m bɨ́h bɨɛ bé á nyɛɛ sáŋɔɔ, mé á duho kwá mé Nzyɛ̌m má.

2 Korɛnt 7:6

Tó kœb ó, Nzyɛ̌m, nye lɨ́ ekɛm bʉ̂r o dí ɨ́ twíaaa e metyɛʼ me nyʉ̂l bá. Nye á si gbâ bɨ̌h nkul ɨ́ miléme ɨ́ jɔ̌ʼ Títos á pyâl yɨ́.

2 Korɛnt 7:8

Damá be ó, mekaná mé á cɛma bɨ̌n má, mé á si to kwɨ́ɨ mebúʼ mɨ́n, mé ajʉbǎ sɔ̂ʼ tɨ̂. Yé bé, me á si nyɛɛ jʉba, dumo e mekaná maá nó, yé á be ó, ɨ́ jɔʼ mé á bee mpʉ mé á to kwɨ́ɨ mebúʼ mɨ́n ɨ́ mâ jɔʼ yɨ́.