2 Korɛnt 7:5 - Kálar Nzyɛ̌m : Ejwán é Sáá

⁵ Ebě, ɨ́ jɔʼ bɨ́h á pyâl ɨ́ sí Masedónia yɨ́, bɨ̌h á bé abi égbalá ɨ́ nkǒ páʼ bípúnó bíh. Bɨ̌h bé á si dûhwo mitúú ɨ́ mipáʼ mímyɛ̂h. Ɨ́ nkǒ páʼ ményʉ́l mɨ́h, bɨ̌h bé á bɔma ó e bitɔm; á dwií ɨ́ milémé míh tʉ́ŋlʉ̌ nɛ́ɛ: bɨ̌h bé á jóʼo ó bʉ́á.

Kálara Zyɛ̌m Edwán é mpʉ̌n

⁵ Ebe, é jɔʼ bɨh bé a pyal Masedwan ɨ, bɨh bé a baabi egbala. Bɨh bé a si dihbe mɨtuu é mɨpaʼ mimyɛh. É nko paʼ monyʉl mɨh, bɨh bé a bɔma ó e bɨtom. É mɨleme mih, bɨh bé a dɨ joʼo ó, njɨ bʉa.

2 Korɛnt 7:5 ပူးပေါင်းရင်းမြစ်များ

2 Korɛnt 2:13

Damá jóʼǒ mpʉ mé á be e nkul dí ó, me lɛ́yɨɨ lɔ́ɔ́ wé waá nó yɨ́, lémé wâm, wé á bé abe mé ɨ́ mo ɨ́ puuu, ebě, me á bé akœb mɨ́ɔɔ́ wǎm Títos tɨ̂ʼ ɨ́ Troâs. Sá tɨ̂ʼ ó mé á ka nzoo jána e bé, me ntɔ̂ʼ duhǒ Troâs, tô sí Masedónia yɨ́.

Mɨlʉmlʉ 20:1

Jɔʼ bíntʉ̌ byé á síe yɨ́, Pɔ̂l nzě jébe ómpʉ́n mé Yésʉs, nzě gbâ bé nkul ɨ́ nyʉ̂l. Nye ntɔ̂ʼ jána e bê, mɔa, tô ɨ́ sí Masedónia.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

Galásia 4:11

Me lɨ́ ejóʼo bʉ́á ɨ́ lɔ̌b wɨ́n, ebě, yé ámû kǎ nyɨ̂n ó, syɛ́ɛ́ mé á séa ɨ́ sɔ́má yɨ́n yɨ́, yé á be ó dwêh.

2 Korɛnt 2:9

Ɨ́ lɔ̌b waá ó mé á cɛma bɨ̌n mekaná maá yɨ́. Yé á be ó, me bóblaa bɨ̌n. Me á be lɨ́ ekpɛl égʉ́a ó, nkʉ̂ bɨ̌n dína ó lɨ́ esâ mé mejóʼo ɨ́ milɔ̌b mímyɛ̂h.

2 Korɛnt 2:3

Me á cɛma mekaná maá ó, mé ónze kwá nyɨ́n nó, me l'akǎ kpaa ébúʼ ɨ́ lɔ̌b bísyɛ́ɛla bín, bɨ̌n bʉr o jálá le egbâ mé bisʉhʉʉ ɨ́ léme bá. Me á bě e búʼó ɨ́ páʼ wɨ́n, bɨ̌n óbɛ̂h ó, ɨ́ jɔʼ bɨ́n óbe, sí láa yɨ́, mɨná bé obi gá bisʉhʉʉ jwɨʼ gwár.

1 Korɛnt 16:5

Me ónze gʉ̂ʼ kwá nyɨ́n ó, sí pǎ cɨɨ̌ sí Masedónia.

1 Korɛnt 15:31

Bɨ́ɔɔ́ bâm! Okɛ́l bâm! Yê tyeetye ó, mě pǎm le eswie ó, dʉ́ó lɨ́lɛ̂h. Yê tyeetye ntémé ó, me lɨ́ enkʉ́na ɨ́ lɔ̌b wɨ́n ɨ́ mpǒm mé Tî gá wɨ́ná, Yésʉs-Krîst.

Rôm 15:26

ebě, obûʼla ó sí Masedónia ndu e yaá Akayɨ̂, bé á tíʼe ɨ́ miléme ó, bé syɛŋ ó, mingúlá lɨ́ esú lé óbûʼla ó Yerʉ́zalɛm dí lɨ́ entéʼe bá.