Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korɛnt 7:4 - Kálar Nzyɛ̌m : Ejwán é Sáá

4 Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

4 Leme wam, wi loŋlo e mbɛla é lɔb win. Bɨh bé ó e nkul edoʼo e bɨn é buobuo. Nkul, nye mu ó lwɨŋla é leme wam. Bɨh dam be é mɨtuu e mɨndɛl tʉŋlʉ, bɨsʉhʉ byam, byé elaŋle!

အခန်းကိုကြည့်ပါ။ ကော်ပီ




2 Korɛnt 7:4
27 ပူးပေါင်းရင်းမြစ်များ  

Nyě gbá bɨ́h nkul ɨ́ miléme ó, ɨ́ jɔʼ bɨ́h dí esia e mitúú yɨ́. Nye ó mʉr dí etyɛ̂b bɨ́h ɨ́ miléme, ó bɨ̌h gbâʼ bʉ́ʉ́ bʉ̂r nkul ɨ́ myɔ́ɔ́ míléme mbi ngwár waá nyá. Ɨ́ jɔʼ bé dí esia e myɔ́ɔ́ mítúú yɨ́, bɨ̌h ó dí ekɛm bé e nzɨ̌ menkɔ̌m bɨ́h bɨɛ bé á nyɛɛ sáŋɔɔ, mé á duho kwá mé Nzyɛ̌m má.


Sâ yaá ó mílémé míh mû sí lóno ɨ́ mpûʼla yɨ́. Mpûʼla nyaá ó dí edwe bɨ́h nkul elwib ɨ́ hwɨ́m, adwáawǒ sɔ̂ʼ.


Bɨ́ɔɔ́ bâm! Okɛ́l bâm! Jɔʼ bé dí ebóblo bɨ́n mimbi mímyɛ̂h yɨ́, bɨ̌n e gʉ́á ó, yê bɨ̌n ó jɔʼ bísʉhʉʉ.


Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.


Bɨ̌n mû ó lɨ́ esâ Nzyɛ̌m sá nyé dí egwɨ̂m yɨ́, duho ɨ́ búʼó yɨ́n. Bɨ̌n bé lɨ́ ekɛha bítwiʼ bín ɨ́ nzɨ̌ búʼó nyaá e bisʉhʉʉ ɨ́ miléme, lɨ́ ekʉ mɛɛla ebe míndwéá mín myaá. Me lɨ́ esoho e bɨ̌n, metié mâm lɨ́ eswɨɨ̌ si ntémé, ó mé pûhlaa e mindwɛ́á mín.


Nzyɛ̌m á si sʉ bɨ̌n metyɛʼ me mpóm mé ɨ́ nzɨ̌ mé Yésʉs-Krîst. Sá tɨ̂ʼ ó mé dí edwe nyé nzyǒo ɨ́ lɔ̌b wɨ́n jɔʼ yɨ́yɛ̂h yɨ́.


Onzé dí egbâ bɨ́h mpûʼla ɨ́ miléme? Bisʉhʉʉ bɨ́h dí esoho bî, byé duhó le onzé? Ɨ́ jɔʼ Tî gá wɨ́ná Yésʉs ónze yɨ́, yáǎ syɛ́ɛ́ bɨ́h ngá lɛ̂ʼle nyé, lɨ́ esú ó, nye bórɨɨ bɨ̌h káráá dúu ɛ̌? Bɨ̌n ó ngá sâ ó, bɨ̌h nʉ́aa kûm ɨ́ jɔʼ yaá.


Bɨ̌n bé lɨ́ egʉ́a ntémé mpʉ bɨ́h á bɔma e túú le cére ɨ́ Fílipi, bɨ̌h dína apǎ pyâl kwá nyɨ́n yɨ́. Jɔʼ bɨ́h á pyâl ɨ́ sɔ́má yɨ́n yɨ́, Nzyɛ̌m wɨ́h á si gbâ bɨ̌h menyan ɨ́ miléme ó, bɨ̌h lɛ́yɨɨ bɨ̌n Mbɨambɨa Lɔ́ɔ́ mé Krîst témé bʉr o dí elwímla e bɨ̌h bá.


Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.


Yé lɨ́ esâ mé sôn lɨ́ ekam ó, etyɛʼ bé lwɨ́lwɨ́ɨ́ mé e lǎ lɨ́, lé ó b'á sâ ó, me ayɨ́ tû bɨ́n nó. Yé bé yé e nyʉ́ʉ́ mʉ̂r dí e nkul enkʉ́na ɨ́ lɔ̌b syɛ́ɛla yé e yʉ́ʉ́ nó, mɛm ntémé, me óbɛ̌m nkʉ́na ɨ́ mbi ngwár e ngwár waá. (Mě lwib náǎ ó, mpʉ̌ gʉʼlʉgʉ́.)


Nó ɨ́ jɔʼ bé ópyâl kwá nyɨ́n yɨ́, lɛ́ʼláá gá bʉr baá bijwɨʼ ngá lɛ̂ʼle bé ó, bɨ̌n bé lɨ́ ekpɛl bé bí. Bʉr ó Mbɛ̌r-Nzyɛ̌m, bé ójʉ̂ʼra ntémé kpɛ̌l yɨ́n yaá. Bʉr o ngá lómlɔɔ bɨ́n bá, bé okam ó, bilwǐb bɨ́h á lwib lɨ́ enkʉ́na e bɨ̌n bí, byé á be ó otyeetye.


Mɨná dwêʼ gá Nzyɛ̌m nzyǒo. Nye ó dí esâ ó, mɨná gá e Krîst díʼee binkɔ́ɔ́ bi dí entaa ɨ́ jɔʼ yɨ́yɛ̂h bí. Nye ntémé ó dí esâ ó, mɨná dwêʼ gá bʉr milɛ́ʼlá mi dí esâ ó, bé gʉ́ŋaa nye mí. Nyě sá mɨ́ná gá nó ó, ɨ́ gúmó yɨ́yɛ̂h. Mɨná gá mû ó mpʉ̌ lɔbína dí epyêl mbɨambɨa numó yɨ́.


Bɨ̌n bɨ́ nyɛɛ́ gʉ́a bɨ́h pêh lɨ́ esú ó, bɨ̌n nkʉ́naa ɨ́ lɔ̌b wɨ́h ɨ́ móhó mé Tî Yésʉs. Bɨ̌h bɨɛ bé ónkʉ́na ɨ́ lɔ̌b wɨ́n ntémé ɨ́ móhó waá.


Damá jóʼo mítúú mɨ́ná dí esia gá e myé mí, mɨná bé lɨ́ ekʉ́ bánǎ nkʉ́na gâ, ebě, mɨná bé lɨ́ egʉ́a gá ó, baá o dí esia e mitúú bá, bé ójɨ̂ʼ bíhwó tɨ̂.


Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.


Yê tyeetye ó, me á si nkʉ́na ɨ́ lɔ̌b wɨ́n. Sâ gwár, me á bé asɔ́ma, ɨ́ lɔ̌b bísyɛ́ɛla bín. Mpʉ bɨ́h á lwib lɨ́ otyeetye ɨ́ jɔʼ yɨ́yɛ̂h yɨ́, Títos á ka bee píe tɨ̂ʼ ó, mbi bɨ́h á be lɨ́ enkʉ́na ɨ́ lɔ̌b wɨ́n wɨ́, wé á be ntémé ó tyeetye.


Tî Yésʉs á si dwe me nkul jwɨ́ɨ. Nye á dwe me nyǎ ó, me gbâʼ bɨ̌n nkul ɨ́ miléme, abe lɨ́ esú lé éndáma bɨ́n. Me óbɛ̌m nkʉ́na ɨ́ lɔ̌b nkûl jwɨ́ɨ nyǎm nyaá, me l'abi sôn.


Mpʉ mé dí wâʼ ɨ́ mbʉʼ wɨ̂ʼ yɨ́, yé lɨ́ esâ ó, bʉ́ʉ́ bɨ́ɔɔ́ gá bɨ́ná, bé dyɛ̂ʼwaa e Tî Yésʉs. Bé lɨ́ ebánǎ lɛ́ɛ̌ lɔ́ɔ́ mé Nzyɛ̌m ɨ́ hwɨ́m, abáawǒ sɔ̂ʼ. Bé lɛ́ɛ́ wé ó, laǎ bím bé á nyɛɛ lɨlɛ́ɛ wé yɨ́.


Nó ɨ́ jɔʼ mé óbáʼǎ nzě dǐ bǎʼ e bɨ̌n yɨ́, bɨ̌n bé óbuú soho ɨ́ syɛ́ɛlǎ Yésʉs-Krîst dí esâ mé yɨ́.


Nó ɨ́ páʼ wɨ́h, jɔʼ yɨ́yɛ̂h bɨ́h dí epyâl gúmó bʉ̂r ó Mbɛ̌r-Nzyɛ̌m dí yɨ́, bɨ̌h bé lɨ́ enkʉ́na ɨ́ lɔ̌b bíhwó le búʼó bɨ́n dí e byé bí. Ebě, bɨ̌n bé lɨ́ edûhwo ɨ́ jɔʼ bé dí etíble bɨ́n le ebóblo bɨ́n yɨ́. Ɨ́ bijɔʼ byaá bíbyɛ̂h, bɨ̌n bé lɨ́ etô dóló le edyɛ̂ʼwo e Nzyɛ̌m.


Mɨ́ɔɔ́ wǎm, yé á si bu dwe me bisʉhʉʉ lɨ́ ebeě mpʉ gó dí ekpɛl óbûʼla yɨ́. Yé ntémé, yé á si bu gbâ bé nkul ɨ́ miléme.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ