2 Korɛnt 7:3 - Kálar Nzyɛ̌m : Ejwán é Sáá

³ Mé alɛ́ɛ nó, ó bɨ̌n bíʼee mebě, ebě, me sí boó lɛ́ɛ ó, bɨ̌h bé lɨ́ ekpɛl bɨ́n kpɛ̌l ápurapúra; damá be lɨ́ eswie, damá be ɨ́ twiʼ.

Kálara Zyɛ̌m Edwán é mpʉ̌n

³ Me alɛɛ ó, me dwe ó bɨn mobe, ebe, me si bɛa lɛɛ e bɨn ó, bɨh bé ekpɛl bɨn kpɛl apurapura; dam be é l'efie, dam be é tiʼ.

2 Korɛnt 7:3 ပူးပေါင်းရင်းမြစ်များ

1 Tesalonika 2:8

Bɨ̌h bé á be ɨ́ buú kpɛl bɨ́n. Sá tɨ̂ʼ ó bɨ́h á be alɛ́ɛ bɨ̌n sɔ̂ʼ njɨ Mbɨambɨa Lɔ́ɔ́ mé Nzyɛ̌m wé omér yɨ́. Bɨ̌h bé á gwɨ̂m ó, bɨ̌n díraa minyɔm ɨ́ bicwiʼ bíh ntémé. Bɨ̌n á be ɨ́ buú nyan bɨ́h ɨ́ miléme.

2 Korɛnt 13:10

Sá tɨ̂ʼ ó mé dí ecɛma bísá bîʼ jɔʼ mé dína apǎ pyâl gʉ̂ʼ yɨ́. Ɨ́ jɔʼ mé ópyâl gʉ̂ʼ yɨ́, me l'anyamlě kœ̌b sá yé ósâ ó, me lɛ̂ʼlaa bɨ̌n lémé ébɨ̌h e nkul jwɨ́ɨ nyǎm yɨ́. Tî Yésʉs á dwe me nkul nyaá ó, me gbâʼ bʉr nkul ɨ́ miléme, abe lɨ́ esú lé éndáma bê.

2 Korɛnt 12:15

Nó ó, mɛm, me ókʉ́ dímlě mɔnɨ́ yâm, dímle ntémé twiʼ yâm lɨ́ esú é twiʼ yɨ́n. Nzê yé ó tîtyěl ɨ́ páʼ wɨ́n ɨ́ jɔʼ mé tó dóló le ekpɛl bɨ́n pâʼ e pâʼ, bɨ̌n bɨɛ l'akǎ kpɛl mé yɨ́ ɛ́?

2 Korɛnt 11:11

Me lɨ́ ebene énʉa bímɔnɨ́ bín ɨ́ yé? Nzê ebe mé dí akpɛl bɨ́n ɛ́? Nzyɛ̌m, nye lɨ́ egʉ́a ó, me lɨ́ ekpɛl bɨ́n!

2 Korɛnt 7:12

Mekaná maá, mé á bé acɛmɔɔ, ɨ́ lɔ̌b mʉ̂r á byaʼ nyá, nkʉ̂ ɨ́ lɔ̌b waá á byaʼɔɔ ɨ́ lɔ̌b waá nyá. Me á cɛma bɨ̌n mekaná maá ó, yé nkʉ̂ gʉ́a nyɨ̂n mpʉ bɨ́n dí ekpɛl bɨ́h ɨ́ buo buo yɨ́. Bɨ̌n bʉr o tɨ̂, dwɛ́ʼɛ́ɛ́ gá mpʉ bɨ́n dí yɨ́, ɨ́ míh mé Nzyɛ̌m.

2 Korɛnt 3:2

Bɨ̌n bʉr o tɨ̂ʼ ó dí mekaná mɨ́h mé á cɛmɔɔ ɨ́ milémé míh tʉ́ŋlʉ̌ má. Mʉr nyɨnyɛ̂h óbɛ̌m láa le egʉ́a mékaná maá.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.