2 Korɛnt 7:2 - Kálar Nzyɛ̌m : Ejwán é Sáá

² Sáŋáá gá nzɨ̌ ó, bɨ̌n kpɛ́lɨɨ bɨ̌h. Bɨ̌h bé á bé abyaʼ nyʉ́ʉ́ mʉ̂r. Bɨ̌h bé á bé alɛ̂ʼle nyʉ́ʉ́ mʉ̂r njwɨr ɨ́ bébe bébe. Bɨ̌h bé á bé adíbe mʉ̂r sɔ̂ʼ.

Kálara Zyɛ̌m Edwán é mpʉ̌n

² Saŋa ga zi ó, bɨn kpɛlɨ bɨh. Bɨh bé a baasa nuu mʉr ebebe. Bɨh bé a baagomlo nuu mʉr é bebebebe zi. Bɨh bé a baakpah nuu mʉr sɔʼɔ é zi bɨkʉʉŋʉ.

2 Korɛnt 7:2 ပူးပေါင်းရင်းမြစ်များ

2 Korɛnt 11:9

Ɨ́ jɔʼ mé á be kwá nyɨ́n ɨ́ sɔ́ɔlʉ̌ mɔnɨ́ yɨ́, me á bé agbâ nyʉ́ʉ́ mʉ̂r túú waá ɨ́ nyʉ̂l, ebě, bɨ́ɔɔ́ bâm bé á duhǒ sí Masedónia bá, bé á si nze me e mingúlá, lɨ́ edwe mé sá yɨ́yɛ̂h yé á sâ me sɔ́ɔlʉ yɨ́. Nó ó e menzɨ̌ mɨ́mɛ̂h, me á si baʼle me mʉr tɨ̂, agbâ bɨ́n túú ɨ́ nyʉ̂l. Me ótô dóló le ebaʼle mé mʉr tɨ̂ʼ nó.

Mɨlʉmlʉ 20:33

Me á bé agwɨ̂m damá bě nkóhó mɔnɨ́, nkʉ̂ gʉ̂l, nkʉ̂ mikán mí mʉ̂r.

2 Yʉanes 1:10

Ebe nó, mʉ̂r swáhwá nze, adwe bʉ̂r lɛ́ʼlá ngwár waá nó, mʉ̌r sá anʉa nyé ɨ́ mimbɛ̌r mín tʉ́ŋlʉ̌. Abára gá e né ntémé.

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

Mataos 10:40

«Mʉr nʉ́á bɨ́n mbɨ̂mbɨá nyá, nyě nʉá ó me. Waá nʉ́á mé nyá, nʉa ó, mʉr á ntɨh me nyá.

Mataos 10:14

Bé óbe, anʉa bɨ́n mbɨ̂mbɨá ɨ́ gúú mbɛ̌r, nkʉ̂ yʉ́ʉ́ nkana, nye akǎm lwǐb yɨ́n nó, pʉʼaa gá ɨ́ bigúmo byaá. Bɨ̌n a kúró pím ngá nara bɨ́n ɨ́ mebo nyɨ́.

Filemɔŋ 1:17

Gó bé lɨ́ ekʉ́ gʉ́a ó, me ó só gǒ nó, nʉaa nyé mpʉ gó dí enʉa mé mʉr tɨ̂ʼ yɨ́.

Filemɔŋ 1:12

Nye ó mé dí entɨh gó nyǎ gʉ̂ʼ nɨ̌. Yé ó mpʉ mé dí e nkul entɨh gó bumó lémé yâm yé mʉr tɨ̂ʼ yɨ́.

1 Tesalonika 2:10

Bɨ̌n bé e nkul eboʼlo, ti e Nzyɛ̌m mʉr tɨ̂ʼ ó: bɨ̌h bé á be ó miléme ɨ́ sɔ́ɔ́ɔ́ ɨ́ mîh mé Nzyɛ̌m. Bɨ̌h bé á be páʼ nyɨ́n, obûʼla ó, otîtyěl o bʉ̂r le bʉr o dí abe e mebě bá.

Kolosi 4:10

Arîstark, mʉr bɨ́h e nɔ́ɔ́ dí mimbʉʼ wâʼ nyá, nye lɨ́ esoho bɨ́n. Marc, mɨ́ɔɔ́ mé Banabâs, nye lɨ́ esoho bɨ́n ntémé. (Bɨ̌n mû ó sí boó bi mékaná mé á cɛma, dumo e né má. Nyé sí tô gʉ̂ʼ kwá nyɨ́n nɛ́ɛ: bɨ̌n e kʉ́ gwá baʼle nyê.)

Filipi 2:29

Nó ó, jɔʼ nyé ópyâl ɨ́ sɔ́má yɨ́n yɨ́, bɨ̌n e nʉ́á nyé e bisʉhʉʉ bíbyɛ̂h ebe nyé dí mɨ́ɔɔ́ gá wɨ́ná ɨ́ mpúhlá e Tî Yésʉs. Dwéʼ gá mbi bʉ̂r o dí mpʉ mé Epafrɔ́ditɔs bá dúu.

2 Korɛnt 11:16

Me lɨ́ ebáʼǎ lɛ́ɛ ó, mʉ̌r sá ajwɨʼ ó, me ó gʉʼlʉgʉ́! Bɨ́n páhlé mé ɨ́ mbi waá nó, nʉaa gá me bé mpʉ bɨ́n nʉ́nʉ́á bígʉʼlʉgʉ́ yɨ́. Nó yaá ó bɨ́n ódwe mé jɔʼ dí ó, me nkʉ́naa ɨ́ mɛm mʉr tɨ̂ʼ yɨ́!

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

Lʉkas 10:8

Bɨ́n ní ɨ́ nkana, kœb ó, bé lɨ́ egwá baʼle bɨ́n nó, bɨ̌n e dé sá yɨ́yɛ̂h ngá dweŋɔɔ bɨ́n yɨ́.