2 Korɛnt 7:1 - Kálar Nzyɛ̌m : Ejwán é Sáá

¹ Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

Kálara Zyɛ̌m Edwán é mpʉ̌n

¹ Ebe no, obɨɔ o kpɛl bam aa! É mpʉ bɨna ga bé a bi ga monkɛʼ monɨ ɨ, bɨna puba bɨna ga bʉr o tɨ, lé epɛʼ sa ndɨ elœʼ monyʉl ga mɨna ndwe e mɨsisim ga mina é mih mo Zyɛm ɨ. Bɨna kœʼœ ga ebò e cyen bɨna ndɨ é pememe, laa ndɨ ejala e bʉr o ndɨ edwaabe Zyɛm ɨ.

2 Korɛnt 7:1 ပူးပေါင်းရင်းမြစ်များ

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

Jacques 4:8

Síhláá gá bǎʼ e Nzyɛ̌m. Nyé osîhlě nko bɨ́n dí yɨ́. Jwɨyɨɨ gá mebó mɨ́n, bɨ̌n osyɛ̂l o mísyóm. Sohlaa gá milémé mín, bɨ̌n bʉr o dí mekʉ̌ me kwɨ̂h bá.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

1 Korɛnt 6:20

ebě, Nzyɛ̌m á si jána myɛ́na ɨ́ bwaʼ bwaʼ ɨ́ jɔʼ nyé á sâ ó, bɨ̌n gúmaa e né yɨ́. Nó, dwéʼ gá Nzyɛ̌m kûm, lɨ́ ebaʼle ményʉ́l mɨ́n ti.

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

Ebrœ̂ 4:1

Nzyɛ̌m á líʼe nkɛ̌ʼ e mɨná gá ó, nye ódib nzɨ́ egbalá lɨ́ esú gá lɨ́ná. Sâ gwár, gwá di gá le ocwóó, lɨ́ ekpɛ́ɛ ó, mʉr ngwár ɨ́ sɔ́má yɨ́n ámû sû myɛ́na maá, nye ntɔ̂ʼ akǎ nî lɨ́ egbalá laá.

Mataos 5:48

Diʼee gá bʉr o dí mbɨ̂mbɨá ɨ́ mipáʼ mímyɛ̂h bá, mpʉ Sɔ́ŋ wɨ́n dí ɨ́ jʉ́o kʉ́ nyá dí yɨ́.»

Mataos 5:8

Metyɛʼ me mpóm, mé díʼee e bʉr o dí e miléme ɨ́ sɔ́ɔ́ɔ́ bá, ebě, bé ó ngá beě Nzyɛ̌m.

1 Yʉanes 1:9

Sâ gwár, mɨ́ná gwíh gá misyóm gá mɨ́ná nó, Nzyɛ̌m ópɛʼ bíbaa bí ébébe nyé á niʼe mɨná gá bí, le epubo mɨ́ná gâ, le epɛʼ mɨ́ná gá mebyaʼ gá mɨ́ná mɨ́mɛ̂h. Nye ósâ nó ó, ebě, nye ó tîtyěl mʉr jálá le ebúʼlɔɔ nyá.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Ebrœ̂ 12:28

Ɨ́ tɨ̂, mɨná lɛ́yɨɨ gá Nzyɛ̌m henárá, ebě, nyɨ́ níŋle mɨ́ná gá ɨ́ mpóʼo nyé dí ejwɨ́ɨ nyɨ́. Mpóʼo nyé, nyé abe e nkul epɨ̂ʼla. Mɨná dwêʼ gá nye kûm, dwáawo nyé, le ejóʼo nyé bʉ́á. Mɨná séaa gá e né mbǐ syɛ́ɛ́ nyé ngá buú kpɛl wɨ́.

Ebrœ̂ 12:23

Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

1 Tesalonika 3:13

Nye gbâʼ bɨ̌n nkul ɨ́ miléme ó, myé díʼee bɨ̌n ɨ́ sɔ́ɔ́ɔ́, abe e mebě ɨ́ mpǒm mé mʉr dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá. Diʼee gá nó, tó kumo ɨ́ jɔʼ Tî gá wɨ́ná Yésʉs óbáʼǎ nze yɨ́. Nye ónze ó, bé e bʉr bɨ́bɛ̂h dí egúmo e né bá.

2 Korɛnt 1:20

Ebě, menkɛ̌ʼ mɨ́mɛ̂h Nzyɛ̌m á kɛʼ má, mé jaá dira ó, njɨ ɨ́ nzɨ̌ mé Yésʉs. Sɨ́ǎ yaá ntémé ó mɨ́ná dí elɛ́ɛ gá ó «Amɛn!» yɨ́. (Nó yé lɛ́ʼlé ó: yé díʼee nó.) Mɨná dwé gá Nzyɛ̌m kûm ó tɨ̂, ɨ́ minjɨʼla myaá.

Mɨlʉmlʉ 9:31

Mbɛ̌r-Nzyɛ̌m nzě bi mépyɛbla, táare ɨ́ sí Yʉ́da, kala ɨ́ yaá Samarî, kumǒ kumáa ɨ́ yaá Galilê yɨ́yɛ̂h. Wé á si bu nʉa pîm le megwɨ́e. Mbɛ̌r-Nzyɛ̌m ntɔ̂ʼ bwaʼ ɨ́ nzɨ̌ Sísǐm mé Nzyɛ̌m. Wé á titiʼe ntémé ó, lɨ́ ekʉ́ dwáawo Tî Yésʉs.

Mataos 12:33

«Bɨ́n sí lɛ́ɛ ó, lɨ́, yé ɨ́ mbɨa nó, lɛ́yɨ́ɨ́ gá ntémé ó, mpumó nyé, nye ɨ́ mbɨa. Bɨ́n sí lɛ́ɛ ó: “Bǒl lɨ́ ó yɨ̂ʼ” nó, kamaa gá ntémé ó, mpumó nyé, nye ó bibol e bibol. Bé gʉ́gʉ́á nyɔ̌m lɨ́ ó, sí pǎ bee mpúmó nyé.

Ebrœ̂ 6:9

Bʉr ó kpɛ̌l bâm, bɨ̌h damá lwib nó, mě e mpûʼla ɨ́ léme ɨ́ lɔ̌b wɨ́n ó, sá dí mbɨa, laa méswomlʉ le medíʼe yɨ́, yé ó bɨ̌n dóló. Sâ yaá, yé ó twǐʼ njʉ̌m dǐ.

1 Pyɛr 1:15

Nzyɛ̌m, mʉr á jébe bɨ̌n nyá, nye ó tí. Sá tɨ̂ʼ ó bɨ́n jálá le edi bʉ̂r o dí tí bá, ɨ́ páʼ kʉ̌ tyen wɨ́n yɨ́.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.