2 Korɛnt 4:7 - Kálar Nzyɛ̌m : Ejwán é Sáá

⁷ Tó kœb ó, bɨ̌h bʉr o dí ebee kûm mé Nzyɛ̌m bá, bɨ̌h baʼle ókúm waá ó, ɨ́ mikáʼ mí déʼé. Mikáʼ mí déʼé myaá, myé ó menyʉ́l gá mɨ́ná. Yê bɨ̌h nó ó, yé nkʉ̂ gʉ́a nyɨ̂n ɨ́ sʉ́lʉ́lʉ́ ó, nkǔl nɨ́nɨ́ɨ́ mɨ́ná dí gá e nye nyɨ́, nyě duhó ó, kwá mé Nzyɛ̌m, abe ɨ́ bɨ̌h bʉr o tɨ̂.

Kálara Zyɛ̌m Edwán é mpʉ̌n

⁷ To kœb ó, bɨh bʉr o ndɨ egʉa kum mo Zyɛm waa ɛ, bɨh bé ebaʼle okum waa ó, é mɨkaʼ mɨ deʼe tʉŋlʉ, é mbi ndɨ ó, yé nkʉʼ gʉa nyin é sʉlʉlʉ ó, nkul waa, nye ekʉ duho ó boo Zyɛm, abe é bɨh bʉr o tɨ.

2 Korɛnt 4:7 ပူးပေါင်းရင်းမြစ်များ

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

1 Korɛnt 1:28

Nye á si twâr sá bʉ̂r dí ebeě dwêh le epyêh yɨ́, le yaá dí abe yɨ́, ó nye nkʉ̂ gbǎh sá bé dí ebee ó, yé ó tɨ̂ʼ yɨ́.

Kolosi 2:3

Ocwóó le ngwɨ́á wɨ́wɛ̂h, bɨ̌n bé ɨ́ jala le esáa byé ó ɨ́ Krîst tʉ́ŋlʉ̌. Byé ó Nzyɛ̌m á sol ɨ́ nye bí.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

2 Korɛnt 10:10

Ebě, bé lɨ́lɛ́ɛ́ ó: «Jɔ̌ʼ Pɔ̂l dí ecɛma bɨ́h mekaná yɨ́, nyě cɨcɛma ó, milɔ̌b mi dí ɨ́ kɔbla lɨ́ ejóʼo mí. Nyě cɛmá mɨ́ná gá ó e lémé ébɨ̌h. Tó kœb ó, ɨ́ jɔʼ nyé dí ɨ́ sɔ́má gá yɨ́ná yɨ́, nye ó mpʉ̌ tyɛʼbol; lwǐb yé ntémé, lwǐb épyéhɔɔ.»

Mataos 13:44

«Mpóʼo mé Dâ Nzyɛ̌m nwɨɨla ó e sá dí ɨ́ buo ódimé, yaá nyʉ́ʉ́ mʉ̂r á sol ɨ́ pemé yɨ́. Nó nyʉ́ʉ́ mʉ̂r swîh á to pû, ntɔ̂ʼ kúlwa lɨ́ esǒ lé laá, nye ntɔ̂ʼ báʼǎ búblo yé tɨ̂. Nye nzě buú soho, ntɔ̂ʼ tó bɛ́ma mébi mé mɨ́mɛ̂h, búla, nzě bwâm pemé yaá e mɔnɨ́ yé.»

2 Timotɛ 2:20

Ɨ́ ntwǎŋ mbɛ̌r, yé e bisʉ́á mimbi mimbi. Ntʉ bíbyɛ̂h dí misɛ́á ɨ́ gʉ̂l, nkʉ̂ ɨ́ nkóhó mɔnɨ́. Bisʉ́á bínɨ̌, byé e nyɔm ɨ́ jɔʼ bísyɛ́ɛ́ bí dúu mû lɨ́ esáŋɔɔ yɨ́. Byúú bísʉ́á bíɛ, byé ó mikpɛʼá ɨ́ bilɨ́. Byúú ntémé, mimeá e deʼé. Bíhaá bísʉ́á, byé biŋɔɔ ó, njɨ ɨ́ bisyɛ́ɛ́ bi dí ɨ́ buú pyéhɔɔ bí.

2 Korɛnt 4:1

Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

Kolosi 2:12

Ɨ́ ndubó bɨ́n á duŋɔɔ wɨ́, bɨ̌n bé á si debe, bɨ̌n e Krîst ɨ́ jɔʼ gwár. Bɨ̌n e né ntémé ó b'á pah, ebe bɨ́n dí ebúʼla nkûl nɨ́nɨ́ɨ́ mé Nzyɛ̌m. Nkǔl nɨ́nɨ́ɨ́ nyaá ó b'á pɛh nye.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

Éfɛsɔs 2:5

Mɨná bé á si gbah gá metié mé Nzyɛ̌m, ntɔ̂ʼ dwe lɨ́ ejala e syóm waá. Damá jóʼo nó, nye á si bana tiʼ mɨná gá ɨ́ lɔ̌b mpúhlá gá nyɨ́ná e Krîst. (Bɨ̌n bé á bi twiʼ ó e nzɨ̌ ncwɨ́ncwɨ́ǎ Nzyɛ̌m á lɛ̂ʼle bɨ̌n nyɨ́.)

2 Korɛnt 13:4

Yê tyeetye ó, nye á si kam ó, bé bómlaa nye e binzâŋ le ebɨ́nɔɔ nyé ɨ́ kolôs kʉ́. Nye á jʉ́ŋɔɔ ó, ɨ́ lɔ̌b métyɛʼ mé á be ɨ́ nyʉ̂l nyé má. Tó kœb ó, nye mû ó lɨ́ etiʼe ɨ́ nkul mé Nzyɛ̌m. Bɨ̌h bé ɨ́ tyɛʼ ɨ́ mpúhlá nyɨ́h e Krîst ɨ́ báánâ. Sâ gwár, mɨná bé ótiʼe gá ɨ́ nkul mpwár nyé dí egbâ bɨ́n ɨ́ menyʉ̂l nyɨ́.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

1 Tesalonika 4:4

Nyě kpɛ̌l ntémé ó, mʉr nyɨnyɛ̂h, nye gʉ́ŋaa mpʉ mʉ̂r jálá le ebêm wé mʉ́má yɨ́. Nye bémɨɨ nye ɨ́ mbi dí elɛ̂ʼle ó, nye ó tí ɨ́ míh mé Nzyɛ̌m, nye ntémé e medile ɨ́ míh mé njʉ̂m wɨ́.