2 Korɛnt 4:4 - Kálar Nzyɛ̌m : Ejwán é Sáá

⁴ Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Kálara Zyɛ̌m Edwán é mpʉ̌n

⁴ Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

2 Korɛnt 4:4 ပူးပေါင်းရင်းမြစ်များ

Yʉanes 12:40

“Nzyɛ̌m á be ó sí liŋ bé baántím. Nye á si dibe bé mepɨʼ mɔ́ɔ́, ó míh mɔ́ɔ́, mé ayɨ́ bee; bé ntémé díʼee abe e mepɨʼ, lɨ́ ebene ó, bé ámû jaá dwira míléme, tóŋɔɔ kwá nyé ó, nye tíʼɨɨ bê.”

2 Korɛnt 3:14

Tó kœb ó, ecwólwo lɔ́ɔ́, lé á be ó sí dwira édúrʉ́ʉ́. Pyâl ɨ́ dʉ́ó lɨ̂ʼ mûh, pɨʼ nyɔ́ɔ́, nye dína ó mbúblá e kán waá ɨ́ jɔʼ bé láá mékaná mé njʉ̌m sáá yɨ́. Kán mpʉ́ʉ waá, wé jaá pʉʼa mʉ̂r ɨ́ mpǒm ó, njɨ ɨ́ jɔʼ mʉ̂r waá púhlá e Krîst yɨ́.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

1 Yʉanes 5:19

Mɨná bé lɨ́ egʉ́a gá ó, mɨná gá bé ó, bwán mé Nzyɛ̌m. Bʉr ó sí yɨ̂ʼ yɨ́yɛ̂h bɨ́ɛ, bé lɨ́ ejaʼra e mpêl mé Sátan.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Éfɛsɔs 6:12

Ebě, yé abe ó, mɨná tɛ́l gá ó e bʉr ó sí yɨ̂. Mɨná lwímlá gá ó, le misísǐm mi dí milʉ̂ mí, le myaá mi nkûl, le myaá mi dí ejwɨ́ɨ ɨ́ mpóʼo edúrʉ́ʉ́ lɨ̂ʼ mí, le meleme me dí páʼ jʉ́o le ejwoo má.

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Yʉanes 12:35

Yésʉs, nye e bé ó: «Njʉl, wé dína lɨ́ epǎn myɛ́n kwá nyɨ́n njɨ mâ jɔʼ. Bʉŋlaa gá ɨ́ jɔ̌ʼ njʉl dína lɨ́ epǎn myɛ́n yɨ́, ebě, edúrʉ́ʉ́, lé ámû jaá go bɨ́n, ebě, mʉr dí etô le entíma lɨ́ edúrʉ́ʉ́ nyá, nyé agʉ́ǎ nko nyé dí etô yɨ́.

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Kolosi 1:15

Yésʉs-Krîst ó dí gulo mé Nzyɛ̌m Sɔ́ŋ. Nzyɛ̌m waá, nyé abe lɨ́ ebeɔɔ yɨ́ɛ. Nzyɛ̌m á tyêl nye ó ɨ́ dǐ médwéʼé mé mʉ̂r, kʉ́ sá yɨ́yɛ̂h nyé á komlo yɨ́.

1 Yʉanes 2:8

Dǎm jóʼo nó, lé yɨ́ɛ ó edwán lé étié mé dí ecɛma bɨ́n lɨ́. Yé lɨ́ enyɨ̂n ó, lê tyeetye ó, ɨ́ Yésʉs-Krîst tʉ́ŋlʉ̌, le kwá nyɨ́n ntémé. Edúrʉ́ʉ́, lé mû ó lɨ́ esɔ́a. Njʉl, wé mû ó lɨ́ epǎn myɛ́n mpâ.

Filipi 2:6

Nye á boo be ó, mbi mʉ̂r wé á be jwɨʼ gwár e gwár e Nzyɛ̌m wɨ́. Nó, nye á bé abee ó mpʉ bé e Nzyɛ̌m, bé á be mityé yɨ́, nye á dɛn dǐ tyé Nzyɛ̌m yé yaá ó, dɛnɨ́ɨ.

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

2 Pyɛr 1:19

Nó, lɔ́ɔ́ ógwíha o mílɔ̌b bé á tutúno wɨ́, wé ó sá mɨ́ná mû sí gʉ́a gá ɨ́ pébébé yɨ́. Bɨ̌n e kʉ́ gwá di le ocwóó, ebě, wé ó mpʉ éláma e dí epan ɨ́ gúmó yé á bɨbe lɨ́ edúrʉ́ʉ́ yɨ́ lɨ́. Tóʼ gá dóló le ebúʼlǎ lɔ́ɔ waá, tó kumo ɨ́ jɔʼ dʉ́o lé ójɨma yɨ́, le ɨ́ jɔʼ twítwén melɔ́ma mé mɛ́n ópan bɨ́n ɨ́ miléme yɨ́.

2 Korɛnt 3:11

Sá yé á be e mentyɛnwa, mé á to le edíme mé omér má yɨ́, yé pǎ nyɛɛ́ dweŋɔɔ kûm, á dwɛʼra e yaá ngá dǐ njʉ̌m dǐ e njʉ̌m dǐ yɨ́! Yé ɨ́ jala le ebuú dweŋɔɔ kûm, laa yɨ́haá.

1 Korɛnt 10:20

Heʼé, mě kʉ́ lɛ́ɛ ó, sá bʉ̂r dí edwe kûm, cɨɨ e mindwéá myaá yɨ́, yé ó njɨ meleme; ntʉ̌ Nzyɛ̌m bé dí edwe kûm. Mé akpɛl ó, bɨ̌n e meleme syɛ́ŋaa lɨ́ epûhla mébô gúmo gwár.

Yʉanes 12:45

Mʉr dí ebee mé nyá, bee ntémé ó, mʉr á ntɨh me nyá.

Yʉanes 15:24

Yé bé me á bé asâ páʼ nyɔ́ɔ́ mbi bísyɛ́ɛla nyʉ́ʉ́ mʉ̂r á be apǎ sâ bí nó, lɛ́ɛ́, bé á bé agwá be e misyóm. Tó kœb ó, ɨ́ báánâ, bɨ́ bee bísyɛ́ɛla byâm. Bɨ́ɛ ntémé dína ó, lɨ́ ebene bɨ́h e Sɔ́ŋ wǎm.

Yʉanes 1:18

Abe e mʉr ngwár dí sí pǎ beě Nzyɛ̌m Sɔ́ŋ. Etíʼé é Mwân é kpɛ̌l lé, lé omér, laá dí ntémé Nzyɛ̌m lɨ́ ó b'á lɛ̂ʼle mɨná gá Nzyɛ̌m.

1 Timotɛ 1:11

Lɛ́ʼlá mpâ waá, wé ó waá dí eduho ɨ́ Mbɨambɨa Lɔ́ɔ dí e kûm wɨ́. Nzyɛ̌m mɨ́ná dí esêʼle nyá, mʉr tɨ̂ʼ ó b'á tímle me lɔ́ɔ waá ó, me túnaa wê.

Mataos 13:22

Nyʉ́ʉ́ ntémé nwɨɨla ó e mpeʼ yé á kur lɨ́ mindwínɨ́nɨ́ yɨ́. Nye á si kʉ jóʼo Mbɨambɨa Lɔ́ɔ. Sâ gwár, mitúú mí sí le gwɨ́má ókúm le ogbaa, byé á si dímle nye ɨ́ nzɨ̌ mikóo myɔ́ɔ́, ntɔ̂ʼ kâʼ Mbɨambɨa Lɔ́ɔ, wé l'akǎ tô dóló.

Mɨlʉmlʉ 26:23

Nó ó, yé á be ó, Mʉ̌r Nzyɛ̌m á lœm múló mé jwɨ́ɨ nyá, ónyɛɛ́ sia e mitúú. Nye ó ngá be ndwê esôʼ ngá nyɛɛ́ pah nyá. Píe tɨ̂, nyé okǎ túno kwá kúl gá yɨ́ná, bé e bikúl bíswîh ó, bé tyêʼ ɨ́ myɛ́n.»

2 Korɛnt 2:11

Mɨná sá gá nó ó, Sátan nkʉ̂ be, antaa mɨ́ná gâ, ebě, mɨná bé ajéʼe gá mepɨʼ mé.

2 Korɛnt 2:12

Nó ɨ́ jɔʼ mé á to le etúnǒ Mbɨambɨa Lɔ́ɔ́ mé Krîst, tó kumǒ Troâs yɨ́, me á to kœb gʉ̂ʼ ó, Tî Yésʉs, nyé osí dwe mé nzɨ̌ mběʼ, ó me túnaa wé ɨ́ hwɨ́m.

Galásia 1:4

Yésʉs-Krîst mʉr tɨ̂ʼ á si dwe twiʼ yé, nzě búra e misyóm gá míná. Mpʉ nyé á jala e myé yɨ́, nyɨ́ dwih mɨ́ná gá ɨ́ sɔ́má ósyɛ̂l o mísyóm ó myǎ wɨ̂. Yésʉs á sâ nó ó, mpʉ̌ Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá, á kpɛl yɨ́.

Ebrœ̂ 6:4

Nó ó, bʉr o b'á nyɛɛ kʉnɔɔ mimbah bá, bé á be lɨ́ enyɛɛ́ bibi míndwéá mi dí eduho ɨ́ jʉ́o kʉ́ mí. Ɨ́ jɔʼ yaá, Sísǐm mé Nzyɛ̌m bé e boo nɔ́ɔ́ ó b'á bɨbe.

1 Yʉanes 2:11

Sâ gwár, mʉr waá dí enwim mɨ́ɔɔ́ wé nyá, nye dína ó, lɨ́ edúrʉ́ʉ́. Nye ntémé dína ó lɨ́ entíma. Nyé abá gʉ́ǎ nko nyé dí etô le entíma yɨ́, ebě, edúrʉ́ʉ́, lɨ́ liŋ nyé ántím.