2 Korɛnt 4:3 - Kálar Nzyɛ̌m : Ejwán é Sáá

³ Yé ká be ɨ́ báánâʼ ó, Mbɨambɨa Lɔ́ɔ bɨ́h dí etúno wɨ́, wé ɨ́ dímlɨ́ di dímlɨ́ nó, bʉr o mû sí dîm bá bé omér ó dí ebee wé nó.

Kálara Zyɛ̌m Edwán é mpʉ̌n

³ Yé ka be é bananaʼ ó, Mbɨambɨa Lɔɔ bɨh bé lé elɛɛ ɛ, wé enyin é dimlɨ-di-dimlɨ nɛʼɛ, bʉr mu si pɔhba ɛ, bé ome ó lé ebee we é mbi waa ɛ.

2 Korɛnt 4:3 ပူးပေါင်းရင်းမြစ်များ

2 Korɛnt 3:14

Tó kœb ó, ecwólwo lɔ́ɔ́, lé á be ó sí dwira édúrʉ́ʉ́. Pyâl ɨ́ dʉ́ó lɨ̂ʼ mûh, pɨʼ nyɔ́ɔ́, nye dína ó mbúblá e kán waá ɨ́ jɔʼ bé láá mékaná mé njʉ̌m sáá yɨ́. Kán mpʉ́ʉ waá, wé jaá pʉʼa mʉ̂r ɨ́ mpǒm ó, njɨ ɨ́ jɔʼ mʉ̂r waá púhlá e Krîst yɨ́.

1 Korɛnt 1:18

Pô eswie mé Yésʉs ɨ́ kolôs kʉ́, nye ɨ́ páʼ bʉ̂r o dí edîm bá ó, mpʉ̌ lɔ́ɔ́ ógʉ̌. Sâ gwár, ɨ́ páʼ gá wɨ́ná, bʉr o dí ebǐ twǐʼ njʉ̌m dǐ bá, nye ó ánɨ̂nɨ̂n nkǔl Nzyɛ̌m dí e nye nyɨ́.

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Rôm 2:16

Sá mé dí elwib wâʼ yɨ̂, yé ónyɨ̂n ɨ́ ponó, ɨ́ móhó Nzyɛ̌m ngá tíʼe bʉ̂r milɔ̌b wɨ́. Nye ósâ nó ó, ɨ́ nzɨ̌ mé Yésʉs-Krîst. Bisâ bi dí bʉr baá solá ɨ́ miléme bí, nye ólɛ̂ʼle byé ɨ́ kpɛŋlɛm. Mbɨambɨa Lɔ́ɔ mé dí etúno wɨ́, wé ó nó.

1 Timotɛ 1:11

Lɛ́ʼlá mpâ waá, wé ó waá dí eduho ɨ́ Mbɨambɨa Lɔ́ɔ dí e kûm wɨ́. Nzyɛ̌m mɨ́ná dí esêʼle nyá, mʉr tɨ̂ʼ ó b'á tímle me lɔ́ɔ waá ó, me túnaa wê.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

2 Korɛnt 2:12

Nó ɨ́ jɔʼ mé á to le etúnǒ Mbɨambɨa Lɔ́ɔ́ mé Krîst, tó kumǒ Troâs yɨ́, me á to kœb gʉ̂ʼ ó, Tî Yésʉs, nyé osí dwe mé nzɨ̌ mběʼ, ó me túnaa wé ɨ́ hwɨ́m.

1 Korɛnt 2:6

Ɨ́ jɔʼ bɨ́h dí elɛ̂ʼle bʉ̂r o mû sí tɔ́ma bá yɨ́, bɨ̌h bé lɨ́ edwe bé lɛ́ʼlá ócwóó. Mě damá lɛ́ɛ nó, lɛ́ʼlá waá, wé abe yɨ́ɛ waá dí lwɨ́ŋlá le ocwóó ó sí yɨ̂ʼ wɨ́. Wé abě lɛ́ʼlá bínkáatir bí sí yɨ̂ʼ dí edwe bʉ̂r wɨ́. Tó kœb ó, binkáatir byaá, byé mû ó kúno egbahɔɔ.