2 Korɛnt 4:1 - Kálar Nzyɛ̌m : Ejwán é Sáá

¹ Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

Kálara Zyɛ̌m Edwán é mpʉ̌n

¹ É mpʉ yé ndɨ ó, Zyɛm, nyi jwɨʼ bɨh nkoo lé etimle bɨh syɛɛ yiʼ ɨ, bɨh bé adimle nkul é monyʉl.

2 Korɛnt 4:1 ပူးပေါင်းရင်းမြစ်များ

2 Tesalonika 3:13

Ɨ́ páʼ wɨ́n, bɨ́ɔɔ́ bâm, menyʉ́l sá atyɛʼ bɨ́n píe bisyɛ́ɛla bimpâ bɨ́n dí esâ bí.

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Éfɛsɔs 3:13

Sá tɨ̂ʼ ó mé dí ebene ó, bɨ̌n jóʼaa mebúʼ ɨ́ mitúú mé dí esia e myé lɨ́ esú lɨ́n mí yɨ́. Lɨ́ otyeetye, myê bɨ̌n ó sá bɨ́n jálá le enkʉ́na tɨ̂ʼ yɨ́.

Filipi 4:13

Mě e nkul esâ bísá bíbyɛ̂h nó ɨ́ nzɨ̌ mé Krîst, mʉr dí edwe mé nkul nyaá nyá.

2 Korɛnt 4:16

Sá tɨ̂ʼ ó nyʉ̂l dí atyɛʼ bɨ́h yɨ́. Damá jóʼǒ mpʉ bɨ́h mû lɨ́ ekʉ́ bo ɨ́ nkǒ páʼ nyʉ̂l dí enyɨ̂n kʉ̌l nyɨ́ yɨ́, sâ gwár, nyaá tʉ́ŋlʉ̌, nye lɨ́ etô le edwánwǒ móhó wɨ́wɛ̂h.

Mɨngwiha 2:3

Bɨ̌n bé lɨ́ esâ bíhwó. Bɨ̌n bé lɨ́ edûhwo mítúú ɨ́ lɔ̌b díé lâm, atyɛʼ míléme.

Ebrœ̂ 12:3

Símsáá gá nye. Bɨ̌n e símsá mpʉ ósyɛ̂l o mísyóm bé á cɨ nye mekǎn mé ébébe, nyɨɛ njɨ lɨ́ edûhwo bé yɨ́. Sísímsáá gá nó, bɨ̌n nkʉ̂ be, akâr mítúú, nkʉ̂ tyɛʼ.

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

1 Pyɛr 2:10

Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

2 Korɛnt 5:18

Nó ó, syɛ́ɛla yaá yɨ́yɛ̂h, yé duho ó e Nzyɛ̌m. Nye ó b'á sâ saá dí edira mɨ́ná gá le onɔ́ɔ́ nyɨ́. Nye á saa lɔ̌b gá wɨ́ná ó, ɨ́ nzɨ̌ mé Krîst. Nye ntémé ó b'á tyêl bɨ̌h ɨ́ syɛ́ɛ́ ó, bɨ̌h níŋlaa bʉ́ʉ́ bʉ̂r ɨ́ sɔ́má bʉ̂r o bé e boo nɔ́ɔ́ mû ɨ́ saá bá.

2 Korɛnt 3:12

Sâ yaá ó mílémé míh mû sí lóno ɨ́ mpûʼla yɨ́. Mpûʼla nyaá ó dí edwe bɨ́h nkul elwib ɨ́ hwɨ́m, adwáawǒ sɔ̂ʼ.

1 Korɛnt 7:25

Ɨ́ páʼ bíbíŋ méséhe, mé abe e lɛ́á mé Tî Yésʉs. Mě lɛ́ɛ́ yɨ́ɛ ó, yâm jwɨʼ ɨ́ tyé mʉ̂r Tî Yésʉs á jɨ̂ʼ nkoó, waá mû mʉr ebúʼlɔɔ nyá.

Lʉkas 18:1

Yésʉs ntɔ̂ʼ báʼǎ sâ bé kɨkɛna yɨ̂ʼ lɨ́ elɛ̂ʼle bé ó, bé ɨ́ jala le ejɨʼla e Nzyɛ̌m jɔʼ yɨ́yɛ̂h, akâr túú.

1 Korɛnt 3:5

Lɨ́ otyeetye, nzé dí Ápolos? Nzé dí Pɔ̂l? Bɨ̌h bé ó osúʼa bɨ́n, bʉr o b'á be bɨ̌n e nyɔm ó, bɨ̌n bûʼlaa bá. Mʉr nyɨnyɛ̂h, nye lɨ́ esâ syɛ́ɛla Tî Yésʉs á dwe nye ó, nye sâʼ yɨ́.