2 Korɛnt 3:9 - Kálar Nzyɛ̌m : Ejwán é Sáá

⁹ Syɛ́ɛ́ Moyɨ̂z á séa ó, bʉr nkʉ̂ dweŋɔɔ mébě píe tɨ̂ʼ yɨ́, yé pǎ nyɛɛ́ ntyɛnwa, á dwɛʼra e yaá Nzyɛ̌m á séa ó, bʉr bíʼee nkam e tɨ̂ʼ yɨ́! Yé óbe ó, ɨ́ ntyɛ̌n ntî ntyɛ̌n, laa yɨ́haá.

Kálara Zyɛ̌m Edwán é mpʉ̌n

⁹ Sa Moyiz a sa ó, bʉr nkʉʼ dweŋɔ mobe tɨʼ ɨ, yɛɛ pa taare ncɛnba, a dwɛʼra e yaa Zyɛm a sa ó, bʉr biʼe mokebe tɨʼ ɨ! Yé óbe ó, é ncyɛn-nti-ncyɛn, laa yiha.

2 Korɛnt 3:9 ပူးပေါင်းရင်းမြစ်များ

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

1 Korɛnt 15:41

Dʉ́o, lé ó e wé mbi ójɔɔ́; álomó e waá wé; ocwícwén e wɔ́ɔ́ mbi. Damá jóʼo nó, ojɔɔ́ wé ócwícwén, wé sá ó, syɛ́ɛla páʼ nyɔ́ɔ́.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Rôm 4:11

Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r.

2 Korɛnt 3:8

Syɛ́ɛ́ yé á ntɛŋ eswie ɨ́ bʉr yɨ́, yé pǎ nyɛɛ́ ntyɛnwa, á dwɛʼra e yaá Sísǐm mé Nzyɛ̌m mû lɨ́ eséa yɨ́! Syɛ́ɛ́ yé yaá, yé óbuú ntyɛnwa, laa yɨ́haá.