2 Korɛnt 3:7 - Kálar Nzyɛ̌m : Ejwán é Sáá

⁷ Ɨ́ jɔ̌ʼ Moyɨ̂z á tyêl bʉr metié mé á be mikpɛʼá ɨ́ mekóʼ má yɨ́, bé á jaa gbah mé ó, gbaháa, bé ntɔ̂ʼ dwe. Ɨ́ jɔʼ nyé á séa bé syɛ́ɛ́ yaá yɨ́, yé á be ó e kûm Bʉr o b'Ɨ́zraɛ̂l, bé á bé abe e nkul egwá dwɛ̂ʼ mpóm mé Moyɨ̂z ɨ́ tooobó, ɨ́ lɔ̌b méntyɛnwa mé á be ɨ́ mpǒm nyé má, damá jóʼǒ mpʉ méntyɛnwa maá, mé á to le edíme mé omér yɨ́.

Kálara Zyɛ̌m Edwán é mpʉ̌n

⁷ É jɔʼ Moyiz a timle bʉr motie mé a be mɨmboʼla é bɨbah mokoʼ e, bé a kʉ ntaa me ó, ntaŋa, bé ntɔʼ dwè. É jɔʼ Moyiz a sea be syɛɛ yaa ɛ, yé a be ó e kum. Bwa b'Ɨzraɛl, bé a baabe e nkul edwɛʼ mpom mo Moyiz é tʉʉʉŋ ebe moncɛnba mé a duho é mpom we e. Moncɛnba me, mé a be nteme ó, lé eto le edime mé ome. Sa yé a ntɛŋ efie é bʉr ɨ, yɛɛ pa taare ncɛnba,

2 Korɛnt 3:7 ပူးပေါင်းရင်းမြစ်များ

1 Korɛnt 13:10

Ɨ́ jɔ̌ʼ Nzyɛ̌m óbe, nye mû sí komlo bísá bíbyɛ̂h ɨ́ mipáʼ mímyɛ̂h yɨ́, nyé opɛʼ yaá yé á bɨbe pêh yɨ́.

Rôm 10:4

Mě lwib nó ó, ebě, Krîst á si gbâ nkǎ-ti ɨ́ nzɨ̌ metié, lɨ́ ekamle bʉ̂r lɨ́ ebáʼǎ cɨɨ tɨ̂. Nye á sâ nó ó, lɨ́ esú é bʉ̂r o ngá bi nkâm ɨ́ míh mé Nzyɛ̌m bá, bé díʼee baá bɨ́bɛ̂h dí edyɛ̂ʼwo e né bá.

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

2 Korɛnt 3:3

Bɨ̌n lɛ́ʼlé ɨ́ kpɛŋlɛm ó, bɨ̌n bé ó mekaná Krîst á cɛma má. Mekaná maá, mé lɛ́ʼlé ntémé ó, syɛ́ɛ́ bɨ́h á sâ ɨ́ sɔ́má yɨ́n yɨ́. Bɨ̌n bé abe mékaná mé á cɛmɔɔ e medíbé mé lwâb má. Mbi mékaná bɨ́n dí wɨ́nɨ̌, wé ó mekaná mé á cɛmɔɔ e Sísǐm mé Nzyɛ̌m dí kublakúbla wɨ́ má. Mé á bé acɛmɔɔ lɨ́ otéble o mékóʼ tʉ́ŋlʉ̌. Mé á cɛmɔɔ ó, ɨ́ milémé mí bʉ̂r tʉ́ŋlʉ̌.

Rôm 4:15

Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

Rôm 7:10

me ntɔ̂ʼ dwe. Nzyɛ̌m á tyêl bʉr metié ó, bé nkʉ̂ tiʼe lɨ́ ebaʼle mê. Tó kœb ó, mé á nze ka jʉ̂ mɛm ó jʉ́ʼóo.

Mɨlʉmlʉ 6:15

Bʉr o b'á be ɨ́ bʉ̌m nɨ́nɨ́ɨ́ yaá bá, ɨ́ jɔʼ bé á bɨʼ Étiene mejwôʼlʉ yɨ́, bɨ́bɛ̂h ká bee ó, mpǒm nyé, nye mû mpʉ mpóm éngeles.

Rôm 7:22

Lémé wâm wɨ́wɛ̂h, me lɨ́ ekʉ́ jóʼo bísʉhʉ lɨ́ epɨpahle métié mé Nzyɛ̌m.

Ebrœ̂ 9:4

Alatâr á be ó tɨ̂, waá á sáŋɔɔ ɨ́ gʉ̂l nyá. Bé á si titira duró tɨ̂ʼ kʉ́, lɨ́ edidîʼ ótú ó dúu. Yé á be ntémé ó e mpɔra sáá. Mpɔra yaá, yé á si gbáŋɔɔ gʉ̂l ɨ́ mipáʼ mímyɛ̂h. Ɨ́ mpɔra tʉ́ŋlʉ̌, bé á si komo mpɨ̌ á sáŋɔɔ ɨ́ gʉ̂l nyɨ́. Nye á be ó lwɨ́ŋlá e manne. Ɨ́ mpɔra sáá yaá, yé á be ntémé ó e ntúm mé Árɔn wé á pâh biká wɨ́. Mpɔra yaá, yé á be ntémé ó e bipéh mékóʼ bíbá. Metié mé Njʉ̌m sáá, mé á be ó mɨtilá ɨ́ mekóʼ maá.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Rôm 7:5

Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

2 Korɛnt 3:8

Syɛ́ɛ́ yé á ntɛŋ eswie ɨ́ bʉr yɨ́, yé pǎ nyɛɛ́ ntyɛnwa, á dwɛʼra e yaá Sísǐm mé Nzyɛ̌m mû lɨ́ eséa yɨ́! Syɛ́ɛ́ yé yaá, yé óbuú ntyɛnwa, laa yɨ́haá.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

Galásia 3:21

Nzê yé lɨ́ elɛ́ɛ ó, metié le nkɛ̌ʼ mé Nzyɛ̌m nyaá, byé e mbɔ́ʼ ɛ̌? Heʼé, yé abá be nó. Mbɔ́ʼ ntʉ́ʼ tɨ̂. Yé bé yé á be ó e lʉ́ʉ́ étié, lé á gwa sâ ó, bʉr bíʼee twiʼ nó, lɛ́ɛ́, mʉr á gwa bi nkam ɨ́ míh mé Nzyɛ̌m e nzɨ̌ metié. Sâ gwár, yé abe e lʉ́ʉ́ étié e dí esâ mɨ́ná gá syɛ́ɛla mpâ yaá.

Ebrœ̂ 3:3

Yésʉs nyɨɛ ó dí ejala e kûm ɨ́ buo buo, laǎ Moyɨ̂z, jwɨʼ gwár e gwár e mpʉ swîm mbɛ̌r dí ɨ́ buú gúmlɔɔ, laǎ mbɛ̌r wé, wé mʉr tɨ̂ʼ yɨ́.

Ebrœ̂ 12:18

Gúmó bɨ́n tyɛ́b ɨ́ míh mé Nzyɛ̌m yɨ́, yé abě mpʉ écwɨ̂ʼ e dí bɛ̌m mɛ́rɔɔ e mebô lɨ́, gúmó bʉ̂r o b'Ɨ́zraɛ̂l, bé á di mélú mé épíhe yɨ́. Bé á si bee siʼe yé á dúo tɨ̂ʼ yɨ́, bee ntémé edúrʉ́ʉ́ ɨ́ gúú pâʼ, lɨ́ɛ abe e bá myɛ́n tɨ̂. Bé á si bee ntémé nkúo lɨ́ ekwoolo.