2 Korɛnt 3:2 - Kálar Nzyɛ̌m : Ejwán é Sáá

² Bɨ̌n bʉr o tɨ̂ʼ ó dí mekaná mɨ́h mé á cɛmɔɔ ɨ́ milémé míh tʉ́ŋlʉ̌ má. Mʉr nyɨnyɛ̂h óbɛ̌m láa le egʉ́a mékaná maá.

Kálara Zyɛ̌m Edwán é mpʉ̌n

² Bɨn bʉr o tɨʼ ó ndɨ kalara wih a tilɔ é mɨleme mih tʉŋlʉ ɨ. Mʉr nyiwɛh óbɛm gʉa é kpɛhla é jɔʼ nye lé eláa kalara waa ɛ.

2 Korɛnt 3:2 ပူးပေါင်းရင်းမြစ်များ

1 Tesalonika 1:8

Lɔ́ɔ́ dí edumo e Tî Yésʉs wɨ́, wé á myaŋla ó e bɨ̌n, bʉr o dí ebúʼlǎ Nzyɛ̌m bá. Ɨ́ bigúmó bíbyɛ̂h, bʉr, bé mû ó lɨ́ ejóʼo nó. Lɔ́ɔ́ dí edumo e búʼó yɨ́n wɨ́, wé á bé aswîʼ ɨ́ sí Masedónia, nkʉ̂ ɨ́ yaá Akayɨ̂. Bɨ̌h bé akǎ báʼǎ nʉǎ túú lɨ́ elɛ́ɛ bʉ̂r yʉ́ʉ́ sɔ̂ʼ dí edumo e syɛ́ɛla yɨ́n yɨ́.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Rôm 1:8

Sá ésôʼ, me lɨ́ edwě Nzyɛ̌m nzyǒo ɨ́ díé mé Yésʉs-Krîst ɨ́ lɔ̌b wɨ́n, ebě, ɨ́ sí yɨ́yɛ̂h, bʉr bé lɨ́ ejóʼo mílɔ́ɔ́ mín mpʉ bɨ́n dí ebúʼlǎ Yésʉs-Krîst yɨ́.

2 Korɛnt 12:15

Nó ó, mɛm, me ókʉ́ dímlě mɔnɨ́ yâm, dímle ntémé twiʼ yâm lɨ́ esú é twiʼ yɨ́n. Nzê yé ó tîtyěl ɨ́ páʼ wɨ́n ɨ́ jɔʼ mé tó dóló le ekpɛl bɨ́n pâʼ e pâʼ, bɨ̌n bɨɛ l'akǎ kpɛl mé yɨ́ ɛ́?

2 Korɛnt 11:11

Me lɨ́ ebene énʉa bímɔnɨ́ bín ɨ́ yé? Nzê ebe mé dí akpɛl bɨ́n ɛ́? Nzyɛ̌m, nye lɨ́ egʉ́a ó, me lɨ́ ekpɛl bɨ́n!

2 Korɛnt 7:3

Mé alɛ́ɛ nó, ó bɨ̌n bíʼee mebě, ebě, me sí boó lɛ́ɛ ó, bɨ̌h bé lɨ́ ekpɛl bɨ́n kpɛ̌l ápurapúra; damá be lɨ́ eswie, damá be ɨ́ twiʼ.

1 Korɛnt 3:10

Metyɛʼ me mpóm mé Nzyɛ̌m ó b'á sâ ó, me séaa mpʉ swîm mimbɛ̌r yɨ́. Me á si tyêl nkan. Nyʉ́ʉ́ mʉ̂r nyɨɛ nzě sumo tɨ̂. Yé jala ó, mʉr nyɨnyɛ̂h sâʼ ocwóó ɨ́ mbǐ sumá nyé dí esumo wɨ́.

2 Korɛnt 3:1

Nzê bɨ̌h mû ó lɨ́ ebáʼǎ nyɛl ésêʼle bɨ́h bʉr o tɨ̂ʼ ɛ̌? Nzê bɨ̌h bɨɛ ó jálá le elɛ̂ʼle bɨ́n mekaná me dí elɛ́ɛ bɨ́n mbi bʉ̂r bɨ́h dí wɨ́ má ɛ́? Nzê bɨ̌n ó jálá le elɛ̂ʼle bɨ́h mekaná me dí elɛ́ɛ bɨ́h mbi bɨ́n dí wɨ́ má ɛ́? Yé abe mɨ́ná gá e nyɔm ó, mɨná sâʼ gá nó.