2 Korɛnt 2:9 - Kálar Nzyɛ̌m : Ejwán é Sáá

⁹ Ɨ́ lɔ̌b waá ó mé á cɛma bɨ̌n mekaná maá yɨ́. Yé á be ó, me bóblaa bɨ̌n. Me á be lɨ́ ekpɛl égʉ́a ó, nkʉ̂ bɨ̌n dína ó lɨ́ esâ mé mejóʼo ɨ́ milɔ̌b mímyɛ̂h.

Kálara Zyɛ̌m Edwán é mpʉ̌n

⁹ É lɔb waa ó me a tile bɨn kalara waa ɛ. Yé a be ó, me bobla bɨn. Me a be ó lé ekpɛl gʉa ó, nkʉ bɨn dina ó lé esa me mojoʼo é mɨlɔb mimyɛh.

2 Korɛnt 2:9 ပူးပေါင်းရင်းမြစ်များ

2 Korɛnt 10:6

Ɨ́ jɔʼ bɨ́n óbe, bɨ̌n mû sí sâ Nzyɛ̌m mejóʼo e menzɨ̌ mɨ́mɛ̂h yɨ́, bɨ́h ókœb bʉ́ʉ́ bʉ̂r dína lɨ́ egbɔba e Nzyɛ̌m nó, bɨ̌h bé obe ó ɨ́ cǎr lɨ́ edwe bé bintɨ́ʼá.

Filemɔŋ 1:21

Lɨ́ ecɛma gó mekaná mâ, me lɨ́ egʉ́a ó, go ósâ mé mejóʼo. Me lɨ́ egʉ́a ntémé ó, go ósâ ɨ́ buo buo, laǎ bím mê lɛ́ɛ́ yɨ́.

Filipi 2:22

Bɨ̌n bʉr o tɨ̂, bé lɨ́ egʉ́ǎ mbɨambɨa kʉ̌ tyěn Timotɛ̂ á dû wɨ́ le mpʉ nyé dí me mpʉ mwân yɨ́, ebě, nyɨ́ dûhwǒ syɛ́ɛ́ bɨ́h e né dí eséa lɨ́ etúnǒ Mbɨambɨa Lɔ́ɔ yɨ́.

2 Tesalonika 3:14

Mʉ̂r bé asâ bɨ́h mejóʼo ɨ́ jɔʼ bé jóʼó métwɨ́ɨ́ bɨ́h dí etɨ́e bɨ́n ɨ́ mekaná mâʼ má nó, nʉaa gá nye díe. Bɨ̌n bé ayɨ́ be e ndwáala e né. Ɨ́ mbi waá ó nyé ójóʼo sôn yɨ́.

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.

2 Korɛnt 8:24

Nó ɨ́ jɔʼ bé ópyâl kwá nyɨ́n yɨ́, lɛ́ʼláá gá bʉr baá bijwɨʼ ngá lɛ̂ʼle bé ó, bɨ̌n bé lɨ́ ekpɛl bé bí. Bʉr ó Mbɛ̌r-Nzyɛ̌m, bé ójʉ̂ʼra ntémé kpɛ̌l yɨ́n yaá. Bʉr o ngá lómlɔɔ bɨ́n bá, bé okam ó, bilwǐb bɨ́h á lwib lɨ́ enkʉ́na e bɨ̌n bí, byé á be ó otyeetye.

2 Korɛnt 2:3

Me á cɛma mekaná maá ó, mé ónze kwá nyɨ́n nó, me l'akǎ kpaa ébúʼ ɨ́ lɔ̌b bísyɛ́ɛla bín, bɨ̌n bʉr o jálá le egbâ mé bisʉhʉʉ ɨ́ léme bá. Me á bě e búʼó ɨ́ páʼ wɨ́n, bɨ̌n óbɛ̂h ó, ɨ́ jɔʼ bɨ́n óbe, sí láa yɨ́, mɨná bé obi gá bisʉhʉʉ jwɨʼ gwár.

2 Korɛnt 2:4

Yé ó nó! Me á cɛma bɨ̌n ó, lémé wâm, wé osí lóno lɨ́ ebúʼ, nyʉ̂l nyǎm, nyé osí buú tyɛʼ, e myɛ́ɛlé ɨ́ mîh. Me á bé acɛma bɨ́n mekaná maá lɨ́ esú ó, milémé mín lónaa lɨ́ ebúʼ. Me á jaa cɛma ó, njɨ lɨ́ elɛ̂ʼle bɨ́n kpɛ̌l ápurapúra mé dí e yé lɨ́ esú lɨ́n yɨ́.

2 Korɛnt 2:8

Lɔ̌b waá ó mé dí ejɨʼla e bɨ̌n ó, bɨ̌n báʼa lɛ̂ʼle ó, bɨ̌n dína ó lɨ́ ekpɛl nyé yɨ́.

2 Korɛnt 8:2

Bé á si kʉ bóblɔɔ e nzɨ̌ mitúú bé á sia e myé mí. Damá be ɨ́ nyɨna le entéʼe lɔ́ɔ́, bisʉhʉʉ byɔ́ɔ́, byé á si kʉ nyɨ̂n ɨ́ ponó e nzɨ̌ mingúlá myɔ́ɔ́.