2 Korɛnt 2:3 - Kálar Nzyɛ̌m : Ejwán é Sáá

³ Me á cɛma mekaná maá ó, mé ónze kwá nyɨ́n nó, me l'akǎ kpaa ébúʼ ɨ́ lɔ̌b bísyɛ́ɛla bín, bɨ̌n bʉr o jálá le egbâ mé bisʉhʉʉ ɨ́ léme bá. Me á bě e búʼó ɨ́ páʼ wɨ́n, bɨ̌n óbɛ̂h ó, ɨ́ jɔʼ bɨ́n óbe, sí láa yɨ́, mɨná bé obi gá bisʉhʉʉ jwɨʼ gwár.

Kálara Zyɛ̌m Edwán é mpʉ̌n

³ Me a tile kalara waa ó, ǃme si ze gʉʼ bɨn ye nɛʼɛ, me l'aka kpaa empime é lɔb bɨsyɛɛla bin, bʉr o jala le edwe me bɨsʉhʉ ɨ, ebe, me a be ó e buʼo é nko paʼ win bɨn bɨbɛh ó, é jɔʼ bɨn bé óbe si láa nye e, bɨna bé ójoʼo ga bɨsʉhʉ jwɨʼ gwar.

2 Korɛnt 2:3 ပူးပေါင်းရင်းမြစ်များ

Galásia 5:10

Tî Yésʉs, nyɨ́ gbâ mé mpûʼla ɨ́ léme ɨ́ páʼ wɨ́n ó, bɨ̌n bé ópɨpahlě mpʉ mé dí epahle yɨ́. Me lɨ́ egʉ́a ntémé ó, mʉr mû lɨ́ edwe mílɛ́ʼlá mi dí etɨ̂l bɨ́n mekʉ̌ sí mí nyá, ódweŋɔɔ mébě tɨ̂, nyě damá be wáǎ mbi mʉ̂r.

2 Korɛnt 8:22

Mʉr lɛ̂l bɨ́h ngá lómlo bɨ́n nyá, nye ó waá bɨ́h dí ebee ó, nye ó mʉr dí e nyɔm nyá, ebě, nyɨ́ ntaa mébʉ́blá mbɨ̂mbɨá, le egbâ nyʉ̂l ɨ́ dwííí bijɔʼ bíbyɛ̂h ɨ́ milɔ̌b mé Nzyɛ̌m. Nó ó, nyɨ́ kǎ buú gbâ nkûl ɨ́ yɨ̂ʼ jɔʼ, ebě, nyě e búʼó ɨ́ mipáʼ mímyɛ̂h ɨ́ milɔ̌b mi dí edwɛ̂ʼ bɨ́n mí.

Filemɔŋ 1:21

Lɨ́ ecɛma gó mekaná mâ, me lɨ́ egʉ́a ó, go ósâ mé mejóʼo. Me lɨ́ egʉ́a ntémé ó, go ósâ ɨ́ buo buo, laǎ bím mê lɛ́ɛ́ yɨ́.

2 Korɛnt 7:12

Mekaná maá, mé á bé acɛmɔɔ, ɨ́ lɔ̌b mʉ̂r á byaʼ nyá, nkʉ̂ ɨ́ lɔ̌b waá á byaʼɔɔ ɨ́ lɔ̌b waá nyá. Me á cɛma bɨ̌n mekaná maá ó, yé nkʉ̂ gʉ́a nyɨ̂n mpʉ bɨ́n dí ekpɛl bɨ́h ɨ́ buo buo yɨ́. Bɨ̌n bʉr o tɨ̂, dwɛ́ʼɛ́ɛ́ gá mpʉ bɨ́n dí yɨ́, ɨ́ míh mé Nzyɛ̌m.

2 Tesalonika 3:4

Mɨ́ dyɛ̂ʼwo e Tî Yésʉs ɨ́ lɔ̌b wɨ́n, ebě, sá mé á tɨ́e bɨ̌n yɨ́, yé ó sá bɨ́n dí esɨsâ yɨ́. Yé ntémé, yé ó sá bɨ́n ngá tô le esɨsâ dóló yɨ́.

2 Korɛnt 12:21

Sá dí esâ ó, me kpɛ́yɨɨ ebáʼǎ nze gʉ̂ʼ kwá nyɨ́n yɨ́, yé ó, ebě, Nzyɛ̌m wǎm ámû jaá gbâ mé sôn ɨ́ nyʉ̂l ɨ́ míh mɨ́n. Me ámû jaá sɔ́ma ɨ́ lɔ̌b buobuo bʉr o b'á sâ syóm mélú mé épíhe bá. Mé óbee ó, bé apǎ dwira míléme nó, me ámû jɨ, ebě, bé agwâʼ ésâ bísyɛ́ɛla bi dí edulo mpîr ɨ́ nyʉ̂l bí. Bɨ́ɛ ntémé njɨ lɨ́ etô dóló le elœʼ ményʉ̂l ɨ́ nzɨ̌ bijoó, le esâ bímolá nzam le ekomo, jwɨʼ gwár e gwár e mpʉ bé á boo sɨsâ yɨ́.

2 Korɛnt 12:11

Me mû ó gʉʼlʉgʉ́, lɨ́ esí bánǎ lwǐb mbi bílwǐb bínɨ̌. Bɨ̌n ó b'á sâ ó, me díʼee yê, ebě, bɨ̌n ó b'á tíne me lɨ́ esâ nó. Yé bé sá jála nó, lɛ́ɛ́, bɨ̌n ó b'á dwe me dúu, ebě, mé abe píhe bʉr o mílʉ́mlʉ́ o dí enkʉ́na ó, bé ó me dóló bá, damá be ó, mé abě sɔ̂ʼ.

2 Korɛnt 7:8

Damá be ó, mekaná mé á cɛma bɨ̌n má, mé á si to kwɨ́ɨ mebúʼ mɨ́n, mé ajʉbǎ sɔ̂ʼ tɨ̂. Yé bé, me á si nyɛɛ jʉba, dumo e mekaná maá nó, yé á be ó, ɨ́ jɔʼ mé á bee mpʉ mé á to kwɨ́ɨ mebúʼ mɨ́n ɨ́ mâ jɔʼ yɨ́.

2 Korɛnt 7:6

Tó kœb ó, Nzyɛ̌m, nye lɨ́ ekɛm bʉ̂r o dí ɨ́ twíaaa e metyɛʼ me nyʉ̂l bá. Nye á si gbâ bɨ̌h nkul ɨ́ miléme ɨ́ jɔ̌ʼ Títos á pyâl yɨ́.

2 Korɛnt 1:15

Nó ó, me á tíʼe ɨ́ lémé wâm ɨ́ lɔ̌b búʼó yâm ó, me ónyɛɛ́ nze gʉ̂ʼ kwá nyɨ́n. Me á kpɛl esâ nó ó, bɨ̌n nkʉ̂ bi nkûl ɨ́ miléme nzɔʼ bá.

1 Korɛnt 4:21

Bɨ̌n kpɛl yɨ́ɛ yé? Nzê me ntâʼ kwá nyɨ́n e ngáhá ɛ̌? Nzê e lémé kpɛ̌l ti e metala ɛ̌?

2 Korɛnt 1:23

Nó ó, mé dí ejébě Nzyɛ̌m, dí mboʼlo wǎm nyá ó: yé bé mě lɛ́ɛ́ ó bibɛr nó, nye dímlaa twiʼ yâm, ebě, sá yé á sâ ó, me ayɨ́ kǎ nze gʉ̂ʼ Kórɨnt yɨ́, yé á be ó gwɨ́má ébɛ̂ʼ bɨ́n túú.

2 Korɛnt 2:9

Ɨ́ lɔ̌b waá ó mé á cɛma bɨ̌n mekaná maá yɨ́. Yé á be ó, me bóblaa bɨ̌n. Me á be lɨ́ ekpɛl égʉ́a ó, nkʉ̂ bɨ̌n dína ó lɨ́ esâ mé mejóʼo ɨ́ milɔ̌b mímyɛ̂h.

2 Korɛnt 7:16

Me mû kǎ buú soho ó, bɨ̌n bɨɛ, ebě, bɨ̌n bɨ́ sâ ó, me bûʼlaa bɨ̌n ɨ́ milɔ̌b mímyɛ̂h.

2 Korɛnt 13:10

Sá tɨ̂ʼ ó mé dí ecɛma bísá bîʼ jɔʼ mé dína apǎ pyâl gʉ̂ʼ yɨ́. Ɨ́ jɔʼ mé ópyâl gʉ̂ʼ yɨ́, me l'anyamlě kœ̌b sá yé ósâ ó, me lɛ̂ʼlaa bɨ̌n lémé ébɨ̌h e nkul jwɨ́ɨ nyǎm yɨ́. Tî Yésʉs á dwe me nkul nyaá ó, me gbâʼ bʉr nkul ɨ́ miléme, abe lɨ́ esú lé éndáma bê.