2 Korɛnt 13:9 - Kálar Nzyɛ̌m : Ejwán é Sáá

⁹ Bɨ̌h bé lɨ́ esoho ɨ́ jɔʼ bɨ́h dí enyɨ̂n bítyɛʼbol, bɨ̌n bɨɛ baánkunkúl yɨ́. Lʉ́ ékǎn ɨ́ minjɨʼla míh wé ó, bɨ̌n gwâ kwɨmlɨ mbɨ̂mbɨá nó.

Kálara Zyɛ̌m Edwán é mpʉ̌n

⁹ Bɨh bé esoho é jɔʼ bɨh lé enyin bɨcyɛʼ-bol, bɨn bɛɛ mɨlɨl-nkul ɨ. Lʉ ekan é mɨnjwɨʼla mih, wɛɛ, wé ó, bɨn gʉa kwɨmlɨ mbɨmbɨa.

2 Korɛnt 13:9 ပူးပေါင်းရင်းမြစ်များ

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

1 Korɛnt 4:10

Bɨ̌h mû ó bigʉ̌ lɨ́ esú mé Krîst; bɨ̌n bɨɛ, bé ó mipɨpɨ́ʼ ɨ́ nye. Bɨ̌h bé ó bityɛʼbol; bɨ̌n bɨɛ, minjɨ́h mí bʉ̂r. Bɨ̌h bé lɨ́ epyéhɔɔ; bɨ̌n bɨɛ, bé lɨ́ edweŋɔɔ̌ dúu.

1 Tesalonika 3:10

Móhó e pum, bɨ̌h kʉ́ buú jɨʼla e Nzyɛ̌m ó, mɨná béelaa gá mempǒm. Bɨ̌h bé lɨ́ egwɨ̂m ó, bɨ̌h swâhlaa lɔ́ɔ bɨ́h á nyɛl elɛ́ɛ bɨ́n ó, bɨ̌n bé ɨ́ jala le ebúʼla wɨ́.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Ebrœ̂ 12:23

Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

Ebrœ̂ 6:1

Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,

2 Timotɛ 3:17

Mɨ́ɛ ó dí ekomlo mʉ̂r mé Nzyɛ̌m nyɨnyɛ̂h ó, nye díʼee ɨ́ cǎr ó, nye sâʼ mbǐ syɛ́ɛla mpâ wɨ́wɛ̂h.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Kolosi 1:28

Sá tɨ̂ʼ ó bɨ́h dí etúnǒ lɔ́ɔ́ mé Krîst páʼ bʉ̂r bɨ́bɛ̂h yɨ́. Bɨ̌h bé lɨ́ ecɨ̂l mʉ̂r nyɨnyɛ̂h. Bɨ̌h bé lɨ́ elɛ̂ʼle bʉ̂r bɨ́bɛ̂h le ocwóó wɨ́wɛ̂h, ó bɨ̌h nkʉ̂ tyêl bé ɨ́ míh mé Nzyɛ̌m, bé osí pǎ gwá tɔ́ma ɨ́ mipáʼ mímyɛ̂h ɨ́ nzɨ̌ mé Krîst.

2 Korɛnt 11:30

Yé bé me ó lɨ́ bi ó, me nkʉ́naa nó, sá mé ónkʉ́na tɨ̂ʼ yɨ́, yé óbe ó etyɛʼ lâm.

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

Rôm 15:2

Mʉr nyɨnyɛ̂h ɨ́ sɔ́má gá yɨ́ná, nye sâʼ syɛ́ɛla mɨ́ɔɔ́ wé mʉr ókpɛl yɨ́. Nye sâʼ yaá yé óbɛ̌m be e nyɔm ɨ́ páʼ mɨ́ɔɔ́ waá ó, nye gwɨ́aa ɨ́ búʼó yɨ́!

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

1 Korɛnt 2:3

Nó yaá ó mé á pyâl kwá nyɨ́n mpʉ̌ tyɛʼbol, lwɨ́ŋlá e bʉ́á le mesâʼ yɨ́.

2 Korɛnt 13:4

Yê tyeetye ó, nye á si kam ó, bé bómlaa nye e binzâŋ le ebɨ́nɔɔ nyé ɨ́ kolôs kʉ́. Nye á jʉ́ŋɔɔ ó, ɨ́ lɔ̌b métyɛʼ mé á be ɨ́ nyʉ̂l nyé má. Tó kœb ó, nye mû ó lɨ́ etiʼe ɨ́ nkul mé Nzyɛ̌m. Bɨ̌h bé ɨ́ tyɛʼ ɨ́ mpúhlá nyɨ́h e Krîst ɨ́ báánâ. Sâ gwár, mɨná bé ótiʼe gá ɨ́ nkul mpwár nyé dí egbâ bɨ́n ɨ́ menyʉ̂l nyɨ́.

2 Korɛnt 4:12

Nó, bɨ̌h bé lɨ́ ejaʼra le eswie, bɨ̌n bɨɛ ɨ́ twiʼ.