2 Korɛnt 13:3 - Kálar Nzyɛ̌m : Ejwán é Sáá

³ Ebě, bɨ̌n bé lɨ́ esáa ébee bíjwɨʼ bi dí elɛ̂ʼle ó, Krîst ó dí elwib e nzɨ̌ nyǎm bí. Krîst waá, nyé atyɛʼ ɨ́ páʼ wɨ́n. Nye lɨ́ ekʉ́ buú lɛ̂ʼle bʉ̂r ó sɔ́má yɨ́n nkul nyé.

Kálara Zyɛ̌m Edwán é mpʉ̌n

³ Mbi zea waa, wé ó ngo be dweʼle bɨn lé egwɨm bee, yaa yé ólɛʼle bɨn ó, Krɨst ó ndɨ ekʉ lwib é zi wam. Krɨst, nye acyɛʼ é nko paʼ win! Nye ekʉ bul lɛʼle bʉr o mbɛr Zyɛm win nkul we.

2 Korɛnt 13:3 ပူးပေါင်းရင်းမြစ်များ

Mataos 10:20

Ebě, ntʉ bɨ́n ngá lwib. Sísǐm mé Nzyɛ̌m Sɔ́ŋ wɨ́n ó ngá lwib ɨ́ bɨ̌n.

2 Korɛnt 12:12

Bijwɨʼ bi dí elɛ̂ʼle ó, me ó mʉr milʉ́mlʉ́ mé Yésʉs bí, me á si kʉ lɛ̂ʼle bɨ̌n byǎ ɨ́ ponó. Me á si séa e bíhwó, e nzɨ̌ mesimá, e bisá bí ékâm ti e bisyɛ́ɛla bi nkûl nɨ́nɨ́ɨ́.

Lʉkas 21:15

Ebě, mɛm mʉr tɨ̂, me óboó dwe bɨ́n mekǎn le ocwóó, mbi dí ó, ontɨ̂m le obɨn bɨ́n, bé óbe, abe e nkul ekǎ yala, nkʉ̂ sóŋlo yɨ́.

2 Korɛnt 10:4

Ebě, bisá bí dɔ̂m gá bíná, byé abe míkwɨmlá e nkul dí eduho ɨ́ bipúno nyɨ́. Nkul dí ɨ́ bisá bí dɔ̂m gá bíná nyɨ́, nyě duhó ó kwá mé Nzyɛ̌m. Nkul nyaá ó dí esâ ó, mɨná búʼaa gá mikóʼ mí dɔ̂m.

2 Korɛnt 2:10

Mʉr nyɨnyɛ̂h bɨ́n óbe, sí pɛʼ bíbaa bí ébébe byé nyá, bɨ̌n e gʉ́á ó, mɛm ntémé, mɨ́ pɛʼ nyé byaá mé á niʼe nye bí. Yé bé me á si niʼe nyʉ́ʉ́ mʉ̂r baa ébébe, me nzě pɛʼ nyé yǎ nó, lɛ́ɛ́, mě pɛ̌ʼ nyé yǎ ó, ɨ́ nyɔm wɨ́n, ɨ́ mpǒm mé Krîst.

2 Korɛnt 2:6

Bintɨ́ʼá bʉ̂r ɨ́ buo buo ɨ́ sɔ́má yɨ́n, bé á dwe mʉr waá bí, byé á si jala e bébebébe syɛ́ɛla nyé á sâ yɨ́.

1 Korɛnt 7:40

Nyé sí di yɨ́ɛ nzyɛh, akǎ tô lɨ́ ebâ nó, bisʉhʉʉ nyé óbi bí, byé ólaa byaá nyé á gwa bi, lɨ́ etô lɨ́ ebá émbá bí. Wâm mbeá ó nɨ̌. Me lɨ́ ebúʼla ó, me ntémé ó dí e Sísǐm mé Nzyɛ̌m.

2 Korɛnt 9:8

Nzyɛ̌m, nyě e nkul esʉ bɨ́n metyɛʼ me mpóm mimbi mímyɛ̂h ó, bɨ̌n bíʼee ɨ́ jɔʼ yɨ́yɛ̂h sá yɨ́yɛ̂h dí bɨ̌n ɨ́ sɔ́ɔlʉ yɨ́. Nó ó bɨ́n ngá be ɨ́ tɨʼlɨ lɨ́ esú ó, bɨ̌n nʉ́aa nkɔb ɨ́ bisyɛ́ɛ́ bí émbɨa mimbi mímyɛ̂h yɨ́.

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.