2 Korɛnt 10:3 - Kálar Nzyɛ̌m : Ejwán é Sáá

³ Yê tyeetye ó, mɨná tiʼe gá ó, ɨ́ nyʉ̂l bipúno. Sâ gwár, dɔm mɨ́ná dí elwímla gá lɨ́, mɨná bé abe lɨ́ elwímla gá lé e nkul bipúno nyaá.

Kálara Zyɛ̌m Edwán é mpʉ̌n

³ Yé cyecye ó, bɨna bé etiʼe ga ó, é si nwa. Sa gwar, dɔm bɨna lé elwimla ga ɛ, bɨna bé abe lé elwimla ga le e nkul bʉr o si nwa,

2 Korɛnt 10:3 ပူးပေါင်းရင်းမြစ်များ

2 Korɛnt 10:4

Ebě, bisá bí dɔ̂m gá bíná, byé abe míkwɨmlá e nkul dí eduho ɨ́ bipúno nyɨ́. Nkul dí ɨ́ bisá bí dɔ̂m gá bíná nyɨ́, nyě duhó ó kwá mé Nzyɛ̌m. Nkul nyaá ó dí esâ ó, mɨná búʼaa gá mikóʼ mí dɔ̂m.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

Rôm 8:13

Bɨ́n dú njwɨr myâ gá wɨ́ná nó, go ó, eswie, lé ójala e bɨ̌n. Bɨ́n lélé nkûl e nzɨ̌ Sísǐm mé Nzyɛ̌m, ntɔ̂ʼ jʉ̂ bísyɛ́ɛla bi nyʉ̂l bipúno nó, lɛ́ɛ́, bɨ̌n bɨ́ tiʼe!

2 Timotɛ 4:7

Nzwamlá nyǎm á be ó mbɨ̂mbɨá. Mɨ́ swim ɨ́ duo bíjʉ́ʉ́, pyâl lɨ́ odumo. Mɨ́ dyɛ̂ʼwo e Nzyɛ̌m, le esâ mpʉ̌ búʼó yɨ́ná dí elɛ́ɛ yɨ́.

1 Timotɛ 1:18

Timotɛ̂, mwân wǎm, mě dwé gó metwɨ́ɨ́ mâʼ ó, lɨ́ edû lɛ́á ógwíha o mílɔ̌b dí elɛ́ɛ, dumo e go wɨ́. Gó óbaʼle métwɨ́ɨ́ mâʼ nó, go ólwímlǎ mbɨambɨa dɔm

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Rôm 7:5

Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

Rôm 8:4

Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

2 Korɛnt 1:17

Ɨ́ jɔʼ mé á tíʼe ɨ́ lémé wâm, ntɔ̂ʼ kɛʼ ó, me ónze gʉ̂ʼ kwá nyɨ́n yɨ́, nzê nkɛ̌ʼ nyaá, nye á be ɨ́ dwɛ̂hwa ɛ̌? Nzê nye á duho ɨ́ pɨʼ bipúno ɛ̌? Nzê me á kɛʼ ó, le mesónó, le nkam ɛ́?