2 Korɛnt 1:8 - Kálar Nzyɛ̌m : Ejwán é Sáá

⁸ Nó, bɨ́ɔɔ́ bɨ́h ɛ́, bɨ̌h kpɛl ó, bɨ̌n gʉ́ŋaa mitúú bɨ́h á sia e myé ɨ́ sí Azía mí. Bɨ̌h bé á si kʉ bu sia e mitúú. Myé á si gwa ntaa bɨ̌h ɨ́ nkul, tó pyâl ɨ́ jɔʼ mpûʼla nyɨ́h á gwa pʉʼa bɨ̌h ɨ́ miléme yɨ́. Mpûʼla nyaá á be ó, bɨ̌h bé óbáʼǎ tô dóló le etiʼe.

Kálara Zyɛ̌m Edwán é mpʉ̌n

⁸ No ó, obɨɔ ga bam, bɨh bé ekpɛl ó, bɨn gʉŋa mɨtuu e mɨndɛl bɨh bé a sia e mye é lal Azia ɛ. Bɨh bé a si kʉ bul sia e mye. Myé a si laa bɨh é nkul, to pyal é jɔʼ mɨleme mih, myé a baaka be e mbɛla ɛ. Bɨh bé a be ó lé esoŋlo nkʉ bɨh bé óbâʼle tiʼe mʉʉ molu.

2 Korɛnt 1:8 ပူးပေါင်းရင်းမြစ်များ

1 Korɛnt 15:32

Yé bé me á si sia e mitúú Éfɛsɔs lɨ́ ejaá dû njɨ minyɔm mi bʉ̂r ó sí yɨ̂ʼ nó, lɛ́ɛ́, syɛ́ɛla yaá, yé á gwa be me e wáǎ nyɔm? Ódwe bé ápah nó, lɛ́ɛ́, yé á bé agwá be mé e nyɔm. Kɨkɛna, yé ó: «Mɨná dêʼ gá mede le menyoʼ, ebě, ómɛ́n, mɨná bé ódwe gâ.»

1 Korɛnt 4:8

Bɨ̌n mû ó e sá yɨ́yɛ̂h bɨ́n á gwɨgwɨ̂m yɨ́. Bɨ̌n mû ó ɨ́ diá mépwaʼ. Bɨ̌n mû ó sí tyélɔɔ ɨ́ dǐ mínjwɨ́ɨbʉr, bɨ̌h bɨɛ l'apǎ be myê. Á dǐ bee ó, bɨ̌n mû ó sí dwira mínjwɨ́ɨbʉr mimpâ, mɨná gá óbɛ̂h nkʉ̂ di gá myé ɛ̌!

1 Korɛnt 16:9

Ebě, mpǎŋ jɔʼ, yɨ́ pyâl mé ó, me séaa syɛ́ɛ́ nɨ́nɨ́ɨ́ e nkul ɨ́ buo buo. Nó ó, ontɨ̂m le obɨn o dí elwímla e me bá, bé ntémé, bé ó tɨ̂ʼ ɨ́ buo buo.

Mɨlʉmlʉ 2:9

Ɨ́ sɔ́má gá yɨ́ná yɨ̂, yé ɨ́ buo báájaá-dwih. Bâʼ tó tɨ́lwa ɨ́ mesí mé Pártia, le Mêd, le Elam, le Mezopotamî, le Yʉ́da le Kapadosía. Bʉ́ʉ́ duhǒ sí Pɔ́ŋtos, le yaá Azía,

Mɨlʉmlʉ 16:6

Sísǐm mé Nzyɛ̌m, wé á si kamle bé lɨ́ elɛ́ɛ̌ lɔ́ɔ́ mé Yésʉs ɨ́ sí Azía. Nó ó bé á to laa sí Frigía, ndu e yaá Galásia.

Rôm 1:13

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa ó, ɨ́ bijɔʼ ɨ́ buo buo, me á be ó le jwɨʼ ó, me ónzě bee bɨ́n. Me á jaa bʉbɔma sɔ̂ʼ ó, njɨ e mingamla. Sâ gwár, me ónze yɨ́ɛ lɨ́ esú lé énzě séǎ Nzyɛ̌m syɛ́ɛ́ ɨ́ sɔ́má yɨ́n. Me á gwɨ̂m ó, syɛ́ɛ́ yâm, yé gúmaa ntémé mpumó kwá nyɨ́n ɨ́ mpʉ yé á gúmo mpumó ɨ́ mʉ́ʉ́ mésí méswîh yɨ́.

2 Korɛnt 1:9

Bɨ̌h bé á bee ó, go ó, bɨ̌h á ka dweŋɔɔ ó, mebě me jálá le eswie má. Yé á syɛ́ɛlɨ nó ó, bɨ̌h gwáʼaa ekǎ dyɛ̂ʼwo e bɨ̌h bʉr o tɨ̂ʼ lɨ́ esú ó, bɨ̌h dyɛ̂ʼwaa e Nzyɛ̌m, mʉr dí epɛh ódwe nyá.

2 Korɛnt 6:9

ɨ́ jɔʼ bé dí eláa bɨ́h ɨ́ sɔ́má bʉ̂r o dí agʉ́ŋɔɔ, bɨ̌h bɨɛ yɨ́ɛ bʉr o dí egʉ́ŋɔɔ bá yɨ́, ɨ́ jɔʼ bé dí eláa ó, bɨ̌h bé ó mimúu, bɨ̌h bɨɛ yɨ́ɛ bʉr o dí ɨ́ twiʼ bá yɨ́, ɨ́ jɔʼ bɨ́h dí edweŋɔɔ bíntɨ́ʼá, bɨ̌h bɨɛ yɨ́ɛ ajʉ́ŋɔɔ yɨ́,

Mɨlʉmlʉ 19:41

Jɔʼ nyé á sil elwib nó yɨ́, nye nzě bîr bʉ̂r ó, bé búlaa.