2 Korɛnt 1:7 - Kálar Nzyɛ̌m : Ejwán é Sáá

⁷ Bɨ̌h bé e mpûʼla ɨ́ miléme ɨ́ lɔ̌b wɨ́n; bɨ̌h bé apɨ́ŋla, ebě, bɨ̌h bé lɨ́ egʉ́a ó, jwɨʼ gwár e gwár e mpʉ bɨ́n dí ebi nkɔ̂b mitúú yɨ́, nó ntémé ó bɨ́n ngá bi étʉ́m mé Nzyɛ̌m yɨ́. Etʉ́m lé laá, lé ó nkul nyé ógbâ mɨ́ná gá ɨ́ miléme nyɨ́.

Kálara Zyɛ̌m Edwán é mpʉ̌n

⁷ Mɨleme mih, myé ó lwɨŋla e mbɛla é lɔb win. Bɨh bé apɨŋla, ebe, bɨh bé egʉa ó, jwɨʼ gwar e gwar mpʉ bɨn lé ebi mɨtuu ɨ, no nteme ó Zyɛm ógba bɨn nkul é monyʉl ɨ.

2 Korɛnt 1:7 ပူးပေါင်းရင်းမြစ်များ

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

2 Timotɛ 2:12

Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

2 Korɛnt 7:9

Nó ó, me lɨ́ esoho mékaná maá ɨ́ báánâ. Mé asoho mé ebe mé á sâ ó, bɨ̌n jóʼaa mebúʼ, bɨ̌n ntɔ̂ʼ jʉba ɨ́ lɔ̌b bísyɛ́ɛla bín. Mě soho ó, ebě, ɨ́ jɔʼ bɨ́n á jóʼo mebúʼ maá, ntɔ̂ʼ jʉba yɨ́, mé á si dib bɨ̌n nzɨ̌ edwira míléme. Tó kœb ó, syɛ́ɛla yaá, yé á duho bɨ̌n ó kwá mé Nzyɛ̌m. Nó yaá ó bɨ́n á be adímle sɔ̂ʼ ɨ́ lɔ̌b syɛ́ɛla yɨ́h e yʉ́ʉ́ yɨ́.

2 Korɛnt 1:14

Bɨ̌n bɨ́ nyɛɛ́ gʉ́a bɨ́h pêh lɨ́ esú ó, bɨ̌n nkʉ́naa ɨ́ lɔ̌b wɨ́h ɨ́ móhó mé Tî Yésʉs. Bɨ̌h bɨɛ bé ónkʉ́na ɨ́ lɔ̌b wɨ́n ntémé ɨ́ móhó waá.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

Mataos 23:30

Bɨ̌n lɛ́ɛ́ ntémé ó: “Yé bé bɨ̌h bé á be ó ɨ́ jɔʼ bímpám bíh, byé á be yɨ́ nó, mpa bɨ̌h bé á bé anʉa ntœ́b ɨ́ bisyɛ́ɛla byɔ́ɔ́, ɨ́ jɔʼ bé á jʉ̂jʉ ogwíha o mílɔ̌b mé Nzyɛ̌m yɨ́.”

2 Timotɛ 3:11

Go lɨ́ egʉ́ǎ mpʉ bé á tíble me, le edwe mé mitúú yɨ́. Bé á tíble me nó ó, Antiôs, Ikóniʉm, ndu e Lístra. Go lɨ́ egʉ́a mímbi bé á tíble me, mɛm njɨ lɨ́ edûhwo mí. Tó kœb ó, Tî Yésʉs á si dwih me ɨ́ tíblá yɨ́yɛ̂h.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.