2 Korɛnt 1:4 - Kálar Nzyɛ̌m : Ejwán é Sáá

⁴ Nyě gbá bɨ́h nkul ɨ́ miléme ó, ɨ́ jɔʼ bɨ́h dí esia e mitúú yɨ́. Nye ó mʉr dí etyɛ̂b bɨ́h ɨ́ miléme, ó bɨ̌h gbâʼ bʉ́ʉ́ bʉ̂r nkul ɨ́ myɔ́ɔ́ míléme mbi ngwár waá nyá. Ɨ́ jɔʼ bé dí esia e myɔ́ɔ́ mítúú yɨ́, bɨ̌h ó dí ekɛm bé e nzɨ̌ menkɔ̌m bɨ́h bɨɛ bé á nyɛɛ sáŋɔɔ, mé á duho kwá mé Nzyɛ̌m má.

Kálara Zyɛ̌m Edwán é mpʉ̌n

⁴ Nye egba bɨh nkul é monyʉl ó, é jɔʼ yiyɛh bɨh lé ebɔma e mɨtuu ɨ. Nye ó mʉr lé ecyɛb bɨh é mɨleme ó, bɨh gbaʼ bʉʉ bʉr nkul é myɔɔ mɨleme é mbi ngwar waa ɛ. É jɔʼ bé lé ebɔma e myɔɔ mɨtuu ɨ, bɨh ó ndɨ ekɛm be é zi ngula bɨh bé a taare bi boo Zyɛm ɨ.

2 Korɛnt 1:4 ပူးပေါင်းရင်းမြစ်များ

1 Tesalonika 5:11

Nó ó, gbáʼ gá bʉr nkul ɨ́ miléme e metwɨ́ɨ́ ménɨ̌. Sáʼ gá páʼ nyɨ́n ó, misísǐm mín, myé tɔ́maa mpʉ bɨ́n dína le esâ yɨ́.

Ebrœ̂ 12:12

Yé bé nó wá, bɨ̌n e gwá lɨl mébó mɨ́n me mû sí jeʼe má. Bɨ̌n e dúhwó élɨl mébóó mɨ́n me mû mindyɛ́má má.

Yʉanes 14:18

«Me ákóʼó líʼe bɨ́n ɨ́ ntɛ̂ʼ mpʉ bwá bé ónyʉ̌l. Me óbáʼǎ nze kwá nyɨ́n.

Yʉanes 14:16

Me ódî e Sɔ́ŋ wǎm ó, nye ntɨ́hɨɨ bɨ̌n nyʉ́ʉ́ kɔ́mlʉ mpʉ mê. Nye ónzě didi e bɨ̌n njʉ̌m dǐ e njʉ̌m dǐ.

Yʉanes 14:26

Kɔmlʉ wɨ́n, nye ó Sísǐm mé Nzyɛ̌m. Sɔ́ŋ wǎm ólómlo bɨ́n wǎ ó ɨ́ díé lâm. Nye ólɛ̂ʼle bɨ́n sá yɨ́yɛ̂h le ejɨjɨm bɨ́n bitɔŋlá ɨ́ sá yɨ́yɛ̂h mé á lɨ̂lɛɛ bɨ̌n yɨ́.

1 Tesalonika 4:18

Sá tɨ̂ʼ ó bɨ́n jálá le egbâ bɨ́n bʉr o tɨ̂ʼ nkul ɨ́ miléme, lɨ́ elɛ́a mílɔ̌b mínɨ̌ páʼ nyɨ́n yɨ́.

2 Korɛnt 7:13

Sá tɨ̂ʼ ó mílémé míh mû sí sula sí yɨ́. Bɨ̌h damá soho ɨ́ lɔ̌b nkûl bɨ́h dí e né ɨ́ miléme nyɨ́, sá dí ebuú gbâ bɨ́h bisʉhʉʉ ɨ́ miléme yɨ́, yé ó bisʉhʉʉ mé Títos, ebě, lémé wé, wé á be ó, wé mû sí lóno ɨ́ bisʉhʉʉ ɨ́ lɔ̌b wɨ́n, bɨ̌n bɨ́bɛ̂h.

Filipi 1:14

Mpʉ mé dí wâʼ ɨ́ mbʉʼ wɨ̂ʼ yɨ́, yé lɨ́ esâ ó, bʉ́ʉ́ bɨ́ɔɔ́ gá bɨ́ná, bé dyɛ̂ʼwaa e Tî Yésʉs. Bé lɨ́ ebánǎ lɛ́ɛ̌ lɔ́ɔ́ mé Nzyɛ̌m ɨ́ hwɨ́m, abáawǒ sɔ̂ʼ. Bé lɛ́ɛ́ wé ó, laǎ bím bé á nyɛɛ lɨlɛ́ɛ wé yɨ́.

2 Korɛnt 7:4

Mpûʼla, nye ó me ɨ́ léme ɨ́ lɔ̌b wɨ́n. Bɨ̌h bé e nkul enkʉ́na ɨ́ buo buo ɨ́ lɔ̌b wɨ́n. Me mû ó lwɨ́ŋlá e nkul ɨ́ léme. Damá jóʼǒ mpʉ bɨ́h dídí ɨ́ bintɨ́ʼá tʉ́ŋlʉ̌ yɨ́, bisʉhʉʉ byâm, byé lɨ́ entaa sʉ́ŋa.