2 Korɛnt 1:3 - Kálar Nzyɛ̌m : Ejwán é Sáá

³ Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nye ó Sɔ́ŋ gá wɨ́ná dí elɛ̂ʼle mɨ́ná gá mpam, waá dí egbâ bʉ̂r nkul ɨ́ miléme nyá.

Kálara Zyɛ̌m Edwán é mpʉ̌n

³ Bɨna gumla ga Zyɛm, waa ndɨ Sɔŋ mo Tî ga wina Yesʉs-Krɨst ɨ. Nye ó Sɔŋ ga wina lé elɛʼle bɨna ga njwɨʼa-nkoo we, waa lé egba bʉr nkul é monyʉl ɨ.

2 Korɛnt 1:3 ပူးပေါင်းရင်းမြစ်များ

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

Filipi 2:11

Nó ntémé ó mʉ̂r nyɨnyɛ̂h ókam ó, Yésʉs-Krîst ó dí Tî yɨ́. Nye ósâ nó ó, lɨ́ ebeʼ kûm mé Nzyɛ̌m Sɔ́ŋ.

Éfɛsɔs 1:17

Me lɨ́ ejɨʼla e Nzyɛ̌m dí e kûm, waá dí Sɔ́ŋ mé Tî gá wɨ́ná, Yésʉs-Krîst nyá, ó nye tyɛ́bɨɨ bɨ̌n ɨ́ miléme, ó bɨ̌n twólwaa, le ntémé ó, nye gwíhɨɨ bɨ̌n misolá mílɔ̌b myé. Myé óbe bɨ́n e nyɔm, lɨ́ esú ó, bɨ̌n gʉ́ŋaa nye.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

2 Korɛnt 11:31

Waá dí Nzyɛ̌m mé Tî Yésʉs-Krîst, waá dí Sɔ́ŋ wé nyá, nye lɨ́ egʉ́a ó, mé alɛ́ɛ bíbɛr. Nye díʼee e kûm njʉ̌m dǐ e njʉ̌m dǐ.

2 Yʉanes 1:4

Me á si bu jóʼo membɨa ɨ́ jɔʼ mé á jóʼo ó, bwán bô, bé lɨ́ edû kʉ̌ tyen lɨ́ otyeetye tʉ́ŋlʉ̌, lɨ́ edû mpʉ̌ Nzyɛ̌m Sɔ́ŋ á tyêl mɨná gá etié yɨ́.

Yʉanes 10:30

Bɨ̌h e nɔ́ɔ́, bé ó sâ gwár.»

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

2 Korɛnt 7:6

Tó kœb ó, Nzyɛ̌m, nye lɨ́ ekɛm bʉ̂r o dí ɨ́ twíaaa e metyɛʼ me nyʉ̂l bá. Nye á si gbâ bɨ̌h nkul ɨ́ miléme ɨ́ jɔ̌ʼ Títos á pyâl yɨ́.

Kolosi 1:3

Ɨ́ jɔʼ yɨ́yɛ̂h bɨ́h dí ejɨʼla e Nzyɛ̌m lɨ́ esú lɨ́n yɨ́, bɨ̌h bé lɨ́ edwe nyé nzyǒo, nyɨɛ mʉr dí Sɔ́ŋ mé Tî gá wɨ́ná Yésʉs-Krîst nyá.