1 Yʉanes 5:7 - Kálar Nzyɛ̌m : Ejwán é Sáá

⁷ Tó kœb ó, bisâ bi dí eboʼlo ɨ́ lɔ̌b Mwân mé Nzyɛ̌m bí, byé ó bilɛ̂l:

Kálara Zyɛ̌m Edwán é mpʉ̌n

⁷ To kœb ó, bɨsa lé eboʼlo ocyecye, tiibe e Mwan mo Zyɛm ɨ, byé ó bɨlɛl:

1 Yʉanes 5:7 ပူးပေါင်းရင်းမြစ်များ

Mataos 28:19

Nó ó, tóʼ gá ɨ́ sí yɨ́yɛ̂h. Bɨ̌n a sá bíkúl bíbyɛ̂h ompʉ́n bâm. Bɨ̌n bé odu bé ɨ́ díé é Sɔ́ŋ, le Mwân le Sísǐm mé Nzyɛ̌m.

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

Mɨlʉmlʉ 5:32

Le bɨ̌h nyɨɛ, le Sísǐm mé Nzyɛ̌m ntémé ó dí oboʼlo o tɨ̂. Sísǐm waá ó Nzyɛ̌m dí edwe bʉ̂r o dí esâ Yésʉs mejóʼo bá.»

Yʉanes 1:1

Nzyɛ̌m dína apǎ kuho kʉ́ e sí, mʉr á be e díe ó, “Lwǐb” nyá, á boo be ó tɨ̂. Lwǐb, bé e Nzyɛ̌m ó b'á be. Lwǐb á be ó Nzyɛ̌m.

Mɨlʉmlʉ 2:33

Nye á si bére, tó di sí ɨ́ mbó éjʉ́m mé Nzyɛ̌m. Nye ó b'á ntɨh bɨ̌h Sísǐm Nzyɛ̌m Sɔ́ŋ á kɛʼ bɨ̌h wɨ́. Sâ gwár e gwár yaá ó bɨ́n mû lɨ́ ebee le ejóʼo yɨ́.

1 Yʉanes 5:6

Yésʉs-Krîst, nye ó mʉr á duŋɔɔ e medíbé, báʼǎ duŋɔɔ e metié lɨ́ eswie ɨ́ kolôs nyá. Nye á bé anzě duŋɔɔ̌ njɨ e medíbé mé omér. Ndubó wé, wé á be ó e medíbé ndu e metié. Sísǐm mé Nzyɛ̌m ó dí eboʼlo ɨ́ lɔ̌b ndubó wé. Nyě boʼló nó ó, ebě, nyě le otyeetye.

Yʉanes 8:54

Yésʉs, nye e bé ó: «Mé sí gúmlo mɛ̂m mʉr tɨ̂ʼ nɛ́ɛ: kûm nyǎm nyaá, nyé abe e nyɔm. Mʉr dí edwe mé kûm nyá, nye ó Sɔ́ŋ wǎm. Nye ó waá bɨ́n dí elɛ́ɛ ó, nye ó Nzyɛ̌m wɨ́n nyá.

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Yʉanes 10:30

Bɨ̌h e nɔ́ɔ́, bé ó sâ gwár.»

Yʉanes 5:26

Ebě, jwɨʼ gwár mpʉ̌ Nzyɛ̌m Sɔ́ŋ dí e twǐʼ njʉ̌m dǐ ɨ́ nye mʉr tɨ̂ʼ yɨ́, nó ntémé ó nyé á sâ ó, Mwân díʼee e twiʼ yaá.

Mɨngwiha 19:13

Nye á bubwâr ó, kán wé á pa dubɔɔ ɨ́ metié wɨ́. Bé lɨ́ ejébe nyé díe ó, «Lwǐb mé Nzyɛ̌m.»

Yʉanes 12:28

Dâ ɛ̌, dwéʼ díé lô kûm ɨ́ buo buo.» Twíí nzě duho ɨ́ jʉ́o kʉ́ ó: «Me á si nyɛɛ dwe lé kûm. Nó ó, me óbáʼǎ dwe lé nyǎ.»

Yʉanes 8:18

Me lɨ́ eboʼlǒ lɔ̌b wâm, mɛm mʉr tɨ̂. Sɔ́ŋ wǎm, mʉr á ntɨh me nyá, nye lɨ́ eboʼlo ntémé lɔ̌b wâm waá.»

Mataos 18:16

Nó nyé bé akǎ jóʼo gó nɛ́ɛ: go e nʉ́á mʉ̂r ngwár, nkʉ̂ obá, ebě, Lɔ̌b wɨ́wɛ̂h kʉ́ gwá gʉ́ŋɔɔ ó le oboʼlo obá, nkʉ̂ ntɔ̂ʼ olɛ̂l.

1 Yʉanes 1:1

Lɔ́ɔ́ bɨ́h mû lɨ́ elɛ́ɛ bɨ́n wɨ́, wé ó, ɨ́ lɔ̌b Lwǐb Twiʼ. Nye á boo be ó tɨ̂, kʉ́ e sí apǎ bě kuhá. Bɨ̌h bé á si jóʼo twíí nyé, bee ntémé nye e míh mɨ́h. Nye ó mʉr bɨ́h á siŋle, waá mebó mɨ́h, mé á kúna nyá.

Yʉanes 14:17

Nye ó dí Sísǐm Ótyeetye. Bʉr ó sí yɨ̂, bé abe e nkul enʉa nyê, ebě, bé abe e nkul ebee nyê, nkʉ̂ gʉ́a nyê. Sâ gwár, bɨ̌n bɨɛ bé lɨ́ egʉ́a nyê, ebě, bɨ̌n le onɔ́ɔ́ ó mû. Nye ntémé, nye ó dí ɨ́ sɔ́má yɨ́n.

Yʉanes 15:26

«Kɔmlʉ wɨ́n, nye ónze. Nye ó dí Sísǐm Ótyeetye ngá duho kwá mé Sɔ́ŋ wǎm wɨ́. Me óntɨh bɨ́n nyǎ. Nyé onzě boʼlǒ lɔ̌b wâm.

1 Yʉanes 5:8

Sísǐm mé Nzyɛ̌m, ndubó médíbé, ndu e ndubó métié. Oboʼlo olɛ̂l ónɨ̌, bé ó twíí.