1 Yʉanes 5:12 - Kálar Nzyɛ̌m : Ejwán é Sáá

¹² Mʉr dí ɨ́ mpúhlá e Nzyɛ̌m Mwân nyá, nyě e twǐʼ njʉ̌m dǐ. Mʉr dí adi ɨ́ mpúhlá e Mwân mé Nzyɛ̌m nyá, nyé abe e twiʼ yaá.

Kálara Zyɛ̌m Edwán é mpʉ̌n

¹² É bʉr bɨbɛh, waa bé e Mwan mo Zyɛm ndɨ nkɔm mpwar ɨ, nyi bi tiʼ molu mo mpoʼ mɨmɛh. Mʉr ndɨ abe é zyɛŋa wɔɔ boo Mwan mo Zyɛm ɨ, nyi fib tiʼ molu mo mpoʼ mɨmɛh.

1 Yʉanes 5:12 ပူးပေါင်းရင်းမြစ်များ

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Yʉanes 3:15

Nye óbɨ́nɔɔ kʉ́ nó ó, mʉr nyɨnyɛ̂h ngá dyɛ̂ʼwo e né nyá, bíʼee twǐʼ njʉ̌m dǐ.

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Markus 16:16

Waá ngá dyɛ̂ʼwo e me, ntɔ̂ʼ duŋɔɔ nyá, ótiʼe. Waá ngá be, adyɛ̂ʼwo e me nyá, nyɨ́haá ó ngá dweŋɔɔ bíntɨ́ʼá bi dí ɨ́ buú bébe bí.

2 Yʉanes 1:9

Nyʉ́ʉ́ mʉ̂r nyɛɛ́ jɨ̂ʼ lɛ́ʼlá mé Krîst, ɨ́ jɨ̂ʼ jɨ̂ʼ, kǎ líʼě lɛ́ʼlá waá, ntaa, tó púma dóló e gúú swîh nó, nyé atíʼe ɨ́ mpúhlá e Nzyɛ̌m. Waá dí ejɨ̂ʼ lɛ́ʼlá waá, alíʼe wé nyá, nyɨ́haá ó dí ɨ́ mpúhlá e Sɔ́ŋ, ti e Mwân bɨ́bɛ̂h.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.