1 Yʉanes 4:9 - Kálar Nzyɛ̌m : Ejwán é Sáá

⁹ Mpʉ̌ Nzyɛ̌m á lɛ̂ʼle kpɛ̌l yé ɨ́ sɔ́má gá yɨ́ná yɨ́ ó yɨ̂: nye á si ntɨh mɨná gá Etíʼé é Mwân lé ɨ́ sí yɨ̂, ó mɨná nkʉ̂ bi gá twiʼ ɨ́ nzɨ̌ nyé.

Kálara Zyɛ̌m Edwán é mpʉ̌n

⁹ Mpʉ Zyɛm a lɛʼle kpɛl ye é sama ga yina ó yi: nye a si ntɨh bɨna ga Etiʼe e Mwan le é si nwa, ó bɨna nkʉʼ bi tiʼ molu mo mpoʼ mɨmɛh dumo e nye.

1 Yʉanes 4:9 ပူးပေါင်းရင်းမြစ်များ

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

1 Yʉanes 5:11

Mboʼlá mé Nzyɛ̌m waá, wé ó wɨ̂: Nzyɛ̌m á be ɨ́ dwe mɨ́ná gá twǐʼ njʉ̌m dǐ. Twiʼ yaá, yé di ó, ɨ́ Mwân wé.

Rôm 8:32

Nzyɛ̌m nyɨɛ á bé akamle e Mwân wé. Nye á syɛ́ɛla twiʼ Mwân wé ó e bicwiʼ gá bíná, mɨná gá óbɛ̂h. Nzyɛ̌m pǎ nyɛɛ́ dwe mɨ́ná gá Mwân wé, á dwɛʼra e bisá bíswîh bíbyɛ̂h! Nye óbánǎ dwe mɨ́ná gá byǎ ntémé mpʉ nyé á pa dwe mɨná gá Mwân wé yɨ́.

Yʉanes 6:57

Sɔ́ŋ wǎm, mʉr á ntɨh me nyá ó dí enó é twiʼ. Mě tiʼe ó ɨ́ nye. Jwɨʼ gwár e gwár yaá, mʉr óde mé nyá, ótiʼe ó ɨ́ me.

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

1 Yʉanes 3:16

Mbi wɨ̂ʼ ó mɨ́ná dí edweʼe gá sá dí kpɛ̌l mpâ yɨ́: Yésʉs-Krîst á si dwe twiʼ yé lɨ́ esú gá lɨ́ná. Nó ntémé ó mɨ́ná dí gá e mempʉ́lá kwá bʉ́ʉ́ óbûʼla yɨ́. Mɨná jáná gá mempʉ́lá maá ó, lɨ́ edwe bícwiʼ gá bíná lɨ́ esú é bɨ́ɔɔ́ gá bɨ́ná.

Yʉanes 10:10

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Yʉanes 3:18

Mʉr dí edyɛ̂ʼwo e Mwân mé Nzyɛ̌m nyá, nyé akǎ be e mebyaʼ. Mʉr dí adyɛ̂ʼwo e né nyá nyɨɛ ó dí e mebyaʼ, ebě, nyé apǎ dyɛ̂ʼwo le Etíʼé é Mwân mé Nzyɛ̌m.

Ebrœ̂ 1:5

Kâr éngeles ngwár Nzyɛ̌m dí ɨ́ pǎ lɛ́ɛ e né ó: Go ó mwân wǎm. Mɨ́ byâ gó mûh! Nye ntémé, nyé apǎ lɛ́ɛ, dumo e nyʉ́ʉ́ éngeles ó: Me óbe ó sɔ́ŋ lɨ́ esú lé. Nyɨɛ óbe ó mwân lɨ́ esú lâm.

Yʉanes 8:42

Yésʉs, nye e bé ó: «Yé bé Nzyɛ̌m, nyě tyeetye ó Sɔ́ŋ wɨ́n nó, lɛ́ɛ́, bɨ̌n bé lɨ́ ekpɛl mê, ebě, me á duho ó kwá mé Nzyɛ̌m. Me ntémé, me wâʼ ó ɨ́ nkul nyé. Me á bé anze ɨ́ gwɨ́má yâm, mɛm mʉr tɨ̂. Nye ó b'á lómo me.

Lʉkas 4:18

«Bɨ̌h e Sísǐm mé Nzyɛ̌m ó mû. Nzyɛ̌m á lœm me múlo ó, me tôʼ le etúnǒ Mbɨambɨa Lɔ́ɔ́ wé kwá baántéʼenteʼe o bʉ̂r. Nye á lómo me ó, me tôʼ le elɛ́ɛ míkómó ó, mí pɛʼɔɔ. Me lɛ́yɨɨ ntémé baá o dí e ntím bá ó, bé mû ó lɨ́ ebee. Me lɛ́yɨɨ baá o dí ejaʼra e mpêl bá ó, bɨ́ bírɔɔ.

Markus 12:6

Nó mʉr ngwár e ngwár mʉ̂r pemé á ka lîʼ e né nyá, á be ó njɨ mwân wé, nyé á be ɨ́ buú kpɛl nyá. Nó nyé á suʼla ka lómo mwân wé waá kwá bilóbila byaá. Nye ó: “Bilóbila byâm, byé ódwáawo yɨ́ɛ mwân wǎm.”

1 Yʉanes 4:16

Nó ó mɨ́ná bɨ́ gʉ́a gá kpɛ̌l Nzyɛ̌m dí elɛ̂ʼle mɨ́ná gá yɨ́. Mɨná bé lɨ́ ekʉ́ bûʼla gá ó, nye lɨ́ ekpɛl mɨ́ná gâ. Nzyɛ̌m, nye ó kpɛ̌l. Mʉr dí etíʼe e kpɛ̌l nyá, nyě dǐ ó, ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 6:29

Yésʉs, nye e bé ó: «Syɛ́ɛlǎ Nzyɛ̌m dí edî bɨ́n yɨ́, yé ó, bɨ̌n dyɛ̂ʼwaa e mʉr nyé á ntɨh bɨ̌n nyá.»

Yʉanes 8:29

Mʉr á ntɨh me nyá, bɨ̌h e né ó dí. Nye á bé alíʼe mé me omér, ebě, mě sá jɔʼ yɨ́yɛ̂h ó, syɛ́ɛla nyé dí ebee mbɨ̂mbɨá yɨ́.»

Yʉanes 5:23

ó bʉr bɨ́bɛ̂h, bé dwêʼ Mwân dúu jwɨʼ gwár e gwár e mpʉ bé dí edwe Sɔ́ŋ yǎ yɨ́. Mʉr dí adwe Mwân dúu nyá, nyé adwe ntémé Sɔ́ŋ, mʉr á pa ntɨh nye nyá dúu.

Yʉanes 9:3

Yésʉs, nye e bé ó: «Yé abe ɨ́ lɔ̌b syóm wé, nkʉ̂ waá óbyɛ́l bé. Nye á byɛ̂l e ntím ó, lɨ́ esú ó, bisyɛ́ɛla mé Nzyɛ̌m, byé nyɨ́nɨɨ e né.

1 Yʉanes 5:13

Milɔ̌b mê cɛmá mî, me cɛmá myé ó, bɨ̌n bɨɛ, bʉr o dí edyɛ̂ʼwo e Mwân mé Nzyɛ̌m bá. Me cɛmá bɨ́n myǎ ó, bɨ̌n gʉ́ŋaa ó, bɨ̌n mû ó e twǐʼ njʉ̌m dǐ.