1 Yʉanes 4:8 - Kálar Nzyɛ̌m : Ejwán é Sáá

⁸ Mʉr dí akpɛl nyá, nyé apǎ gʉ́ǎ Nzyɛ̌m, ebě, Nzyɛ̌m, nye ó kpɛ̌l.

Kálara Zyɛ̌m Edwán é mpʉ̌n

⁸ To kœb ó, mʉr ndɨ abe e kpɛl ɨ, nyɛɛ, nye apa gʉa Zyɛm, ebe, Zyɛm, nye ó kpɛl.

1 Yʉanes 4:8 ပူးပေါင်းရင်းမြစ်များ

1 Yʉanes 4:16

Nó ó mɨ́ná bɨ́ gʉ́a gá kpɛ̌l Nzyɛ̌m dí elɛ̂ʼle mɨ́ná gá yɨ́. Mɨná bé lɨ́ ekʉ́ bûʼla gá ó, nye lɨ́ ekpɛl mɨ́ná gâ. Nzyɛ̌m, nye ó kpɛ̌l. Mʉr dí etíʼe e kpɛ̌l nyá, nyě dǐ ó, ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né.

1 Yʉanes 4:7

Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

Éfɛsɔs 2:4

Tó kœb ó, Nzyɛ̌m, nye ɨ́ buú jɨ̂ʼ mɨ́ná gá nkoó. Nó nyé á nze lɛ̂ʼle mɨná gá mpʉ nyé á bu kpɛl mɨná gá kpɛ̌l ápurapúra yɨ́.

1 Yʉanes 1:5

Mpáŋla bɨ́h á bi ɨ́ nzɨ̌ mé Yésʉs-Krîst nyɨ́, nye ó nyɨ̂. Nye ó bɨ́h dí eboʼlo bɨ́n ɨ́ báánâʼ nyɨ̂. Nye ó: Nzyɛ̌m ó dí njʉl. Edúrúú, lé abá be ɨ́ nye, damá jóʼo ó, mâ bím twáʼwó.

1 Yʉanes 3:6

Mʉr nyɨnyɛ̂h mû sí pûhla e né nyá, nyé atô dóló le esâ syóm. Waá nyɨnyɛ̂h dí etô dóló le esâ syóm nyá nyɨɛ, nyé apǎ bee nyê, nkʉ̂ gʉ́a nyê.

1 Yʉanes 2:9

Mʉr dí elɛ́ɛ ó, nye ɨ́ myɛ́n tʉ́ŋlʉ̌, nyɨɛ yɨ́ɛ lɨ́ enwim mɨ́ɔɔ́ wé nyá, nye dína ó lɨ́ edúrʉ́ʉ́, pyâl ɨ́ jɔʼ yɨ̂.

1 Yʉanes 2:4

Mʉr dí elɛ́ɛ ó: «Me lɨ́ egʉ́ǎ Nzyɛ̌m,» nyɨɛ yɨ́ɛ abaʼle métié mé nyá, nye ó mʉr bibɛr. Otyeetye, wé abe ɨ́ nye tʉ́ŋlʉ̌.

Ebrœ̂ 12:29

Ebě, Nzyɛ̌m gá wɨ́ná, nye ó mpʉ̌ siʼe dí ɨ́ buú dúo yɨ́.

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.