1 Yʉanes 4:7 - Kálar Nzyɛ̌m : Ejwán é Sáá

⁷ Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.

Kálara Zyɛ̌m Edwán é mpʉ̌n

⁷ Obɨɔ o kpɛl bam aa! Bɨna kpɛla ga paʼra ga wina, ebe, kpɛl, yé eduho ó boo Zyɛm. Mʉr nyiwɛh ndɨ e kpɛl ɨ, nye ó ndɨ mbyɛla é zi nkul mo Zyɛm. Nye nteme, nyi gʉa Zyɛm.

1 Yʉanes 4:7 ပူးပေါင်းရင်းမြစ်များ

1 Yʉanes 4:20

Mʉ̂r lɛ́ɛ́ ó: «Mě kpɛl ó, Nzyɛ̌m,» nyɨɛ yɨ́ɛ lɨ́ enwim mɨ́ɔɔ́ wé nó, nye ó mʉr bibɛr, ebě, mʉr dí apǎ kpɛl mɨ́ɔɔ́ wé, mʉr nyé dí ebee nyá, nyé abe e nkul ekpɛ̌l Nzyɛ̌m, mʉr nyé dí abee nyá.

1 Yʉanes 4:8

Mʉr dí akpɛl nyá, nyé apǎ gʉ́ǎ Nzyɛ̌m, ebě, Nzyɛ̌m, nye ó kpɛ̌l.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

1 Yʉanes 2:10

Nó ó, mʉr waá dí ekpɛl mɨ́ɔɔ́ wé nyá ó dí ɨ́ myɛ́n tʉ́ŋlʉ̌. Nye ágbâ ébɔ̌ʼ lé óbɨma mɨ́ɔɔ́ wé ɨ́ léme ó, nye sâʼ ebébe lɨ́.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

2 Timotɛ 1:7

Ebě, Sísǐm Nzyɛ̌m á ntɨh mɨná gá wɨ́, wé adwe mɨ́ná gá bʉ́á. Wé ó sísǐm nkûl, sísǐm kpɛ̌l ti e waá bíhwó.

1 Yʉanes 4:12

Abe e mʉr dí ɨ́ pǎ beě Nzyɛ̌m. Mɨ́ná kpɛ́lá gá páʼ gá nyɨ́ná nó, Nzyɛ̌m ókʉ́ tíʼe ɨ́ mɨná gâ. Milémé gá míná, myé olóno ɨ́ kpɛ̌l yé.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

1 Korɛnt 8:3

Mʉr kpɛ́l Nzyɛ̌m nyá nyɨɛ ó dí waá Nzyɛ̌m dí egʉ́a nyá.

1 Yʉanes 2:3

Mɨ́ná báʼlé gá metié mé Nzyɛ̌m nó, syɛ́ɛla yaá, yé óbe ó dweʼle dí eboʼlo ó, mɨná bɨ́ gʉ́a gá nye yɨ́.

1 Yʉanes 2:4

Mʉr dí elɛ́ɛ ó: «Me lɨ́ egʉ́ǎ Nzyɛ̌m,» nyɨɛ yɨ́ɛ abaʼle métié mé nyá, nye ó mʉr bibɛr. Otyeetye, wé abe ɨ́ nye tʉ́ŋlʉ̌.

1 Yʉanes 2:7

Bʉr ó kpɛ̌l bâm, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Etié e myâ laá, lé ó lwǐb bɨ́n á boo jóʼo yɨ́.

1 Yʉanes 3:9

Mʉr nyɨnyɛ̂h mû sí byɛ̂l ɨ́ nkul mé Nzyɛ̌m nyá, nyé atô dóló le esâ syóm, ebě, twiʼ dí eduho kwá mé Nzyɛ̌m yɨ́, yé ó ɨ́ nye tʉ́ŋlʉ̌. Nyé abe e nkul etô dóló le esâ syóm, ebě, nye á byɛ̂l ó ɨ́ nzɨ̌ twiʼ mé Nzyɛ̌m.

1 Yʉanes 4:11

Bʉr ó kpɛ̌l bâm, yé bé Nzyɛ̌m á be ɨ́ bánǎ lɛ̂ʼle mɨ́ná gá kpɛ̌l yaá nó, lɛ́ɛ́, mɨná bé ɨ́ jala le ekpɛla gá páʼ gá nyɨ́ná ntémé.

1 Yʉanes 4:16

Nó ó mɨ́ná bɨ́ gʉ́a gá kpɛ̌l Nzyɛ̌m dí elɛ̂ʼle mɨ́ná gá yɨ́. Mɨná bé lɨ́ ekʉ́ bûʼla gá ó, nye lɨ́ ekpɛl mɨ́ná gâ. Nzyɛ̌m, nye ó kpɛ̌l. Mʉr dí etíʼe e kpɛ̌l nyá, nyě dǐ ó, ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né.

1 Yʉanes 5:1

Mʉr nyɨnyɛ̂h dí ebúʼla ó, Yésʉs, nye ó Mʉ̌r Nzyɛ̌m á lœm múló mé jwɨ́ɨ nyá, nyɨ́ byɛ̂l e nzɨ̌ nkul mé Nzyɛ̌m. Mʉr nyɨnyɛ̂h dí ekpɛl sɔ́ŋ nyá, nye lɨ́ ekpɛl ntémé mwân wé.

2 Yʉanes 1:5

Nó, ɨ́ báánâ, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Dimé mʉ́má nyâ, mě jɨʼlá e bɨ̌n ó, mɨná kpɛ́laa gá páʼ gá nyɨ́ná!