1 Yʉanes 4:6 - Kálar Nzyɛ̌m : Ejwán é Sáá

⁶ Nó ó, mɨná bɨɛ dumo gá ó e Nzyɛ̌m. Mʉr dí egʉ́ǎ Nzyɛ̌m nyá, nye lɨ́ esâ mɨ́ná gá mejóʼo. Mʉr dí aduho kwá mé Nzyɛ̌m nyá, nyé asâ mɨ́ná gá mejóʼo. Nó ó mɨ́ná dí e nkul edweʼe gá mbɔ́ʼ páʼ Sísǐm Ótyeetye, ndu e sísǐm bíbɛr yɨ́.

Kálara Zyɛ̌m Edwán é mpʉ̌n

⁶ No ó, bɨna ga bɛɛ, bé ó baa mo Zyɛm. Mʉr lé egʉa Zyɛm ɨ, nye ó ndɨ esa bɨna ga mojoʼo. Mʉr ndɨ abe waa mo Zyɛm ɨ, nyɛɛ, nye ákwoʼ joʼo bɨna ga. É mbi waa ó bɨna ndɨ e nkul egʉa ga mbɛʼ paʼra Sisim Ocyecye bé e sisim mpʉl ɨ.

1 Yʉanes 4:6 ပူးပေါင်းရင်းမြစ်များ

Yʉanes 14:17

Nye ó dí Sísǐm Ótyeetye. Bʉr ó sí yɨ̂, bé abe e nkul enʉa nyê, ebě, bé abe e nkul ebee nyê, nkʉ̂ gʉ́a nyê. Sâ gwár, bɨ̌n bɨɛ bé lɨ́ egʉ́a nyê, ebě, bɨ̌n le onɔ́ɔ́ ó mû. Nye ntémé, nye ó dí ɨ́ sɔ́má yɨ́n.

Yʉanes 10:27

Binteme byâm, byé lɨ́ ejóʼo twíí nyǎm. Me lɨ́ egʉ́a byê. Bíɛ ntémé, byé lɨ́ edû mê.

Yʉanes 15:26

«Kɔmlʉ wɨ́n, nye ónze. Nye ó dí Sísǐm Ótyeetye ngá duho kwá mé Sɔ́ŋ wǎm wɨ́. Me óntɨh bɨ́n nyǎ. Nyé onzě boʼlǒ lɔ̌b wâm.

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

1 Yʉanes 4:4

Bɨ̌n bɨɛ bwán bâm, bɨ̌n dumo ó e Nzyɛ̌m. Bɨ̌n bɨ́ ntaa óntɨ̂m le obɨn mé Krîst baá, ebě, Sísǐm bɨ́n dí e wé wɨ́, wé ɨ́ lele nkûl, laa waá dí ɨ́ bʉr ó sí yɨ̂ʼ wɨ́.

Yʉanes 18:37

Pilátos, nye e né ó: «Nó ó, go ó njwɨ́ɨbʉr ɨ́?» Yésʉs nzě yala ó: «Yé ó mpʉ gô lɛ́ɛ́ nɨ̌. Me ó Njwɨ́ɨbʉr. Me á byɛ̂l, nze ɨ́ sí yɨ̂ʼ ó, lɨ́ enzě lɛ́ɛ bʉ̂r otyeetye. Mʉr nyɨnyɛ̂h dí egúmo e mʉr dí le otyeetye nyá, jóʼó ó, sá mé dí elɛ́ɛ yɨ́.»

1 Korɛnt 14:37

Mʉ̂r sí bee ó, nye ó ngwíha milɔ̌b mé Nzyɛ̌m nó, nkʉ̂ ntɔ̂ʼ ó, nyé óbe, nye mû lɨ́ ebee ó, nyě e ndwéá dí eduho e Sísǐm mé Nzyɛ̌m wɨ́ nó, nye e gʉ́á ntémé ɨ́ pébébé ó, sá mê cɛmá bɨ́n wâʼ kʉ́ yɨ́, yé ó etié Tî gá wɨ́ná Yésʉs mʉr tɨ̂ʼ á tyêl mɨná gá lɨ́.

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

Yʉanes 16:13

Jɔ̌ʼ Sísǐm Ótyeetye ópyâl ɨ́ bɨ̌n yɨ́, nye ólɛ̂ʼle bɨ́n otyeetye wɨ́wɛ̂h. Nye álwib e nkul nyé nye omér. Nye ólɨlɛ́ɛ ó, sá nyé á pa jóʼo yɨ́. Nye ólɛ́ɛ bɨ́n sá yé ósyɛ́ɛ yɨ́.

1 Yʉanes 4:8

Mʉr dí akpɛl nyá, nyé apǎ gʉ́ǎ Nzyɛ̌m, ebě, Nzyɛ̌m, nye ó kpɛ̌l.

1 Timotɛ 4:1

Sísǐm mé Nzyɛ̌m lɛ́ɛ́ ɨ́ hwɨ́m ó: ɨ́ melú mé ósûʼla má, yé óbe ó e bʉr o ngá gbɔba e búʼó yɨ́ná bá. Bé ójôʼlo mísísǐm míkóo, le ebúʼla mílɛ́ʼlá méleme, mé á nyɛɛ kûhlo mí.

Yʉanes 13:20

Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

Yʉanes 8:19

Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

Lʉkas 10:22

«Sɔ́ŋ wǎm á si dwe me bisá bíbyɛ̂h. Abe e mʉr dí egʉ́a Mwân, pɛ̌ʼ njɨ Nzyɛ̌m Sɔ́ŋ nye omér. Abe e mʉr dí egʉ́ǎ Nzyɛ̌m Sɔ́ŋ, pɛ̌ʼ njɨ Mwân ndu e waá Mwân kpɛ́l élɛ̂ʼle nyá.»

Yʉ̂d 1:17

Bʉr ó kpɛ̌l bâm, símsáá gá mekǎn bʉ̂r o mílʉ́mlʉ́ mé Tî gá wɨ́ná Yésʉs-Krîst á lɛ́ɛ má.

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

2 Korɛnt 10:7

Gwá dwɛ̂ʼ gá bisâ bi dí enyɨ̂n ɨ́ mîh ɨ́ ponó bí. Mʉ̂r kʉ́ gwá gʉ́a ó, nye ó mʉr mé Krîst nó, nye gʉ́ŋaa ntémé ó, mɨná gá le onɔ́ɔ́ bɨ́bɛ̂h ó dí egúmo e Krîst ngwár waá.

Rôm 11:8

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Nzyɛ̌m á si sâ ó, milémé myɔ́ɔ́, myé díʼee ɨ́ lele lele. Nye á si dible míh mɔ́ɔ́, ó bé ayɨ́ kǎ bee. Nye ntémé á si dibe megwǎl mɔ́ɔ́, ó bé ayɨ́ jóʼo. Nzě kumo ɨ́ dʉ́ó lɨ̂ʼ mûh, bé ó njɨ nó.

Rôm 1:1

Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Yʉanes 20:21

Yésʉs ntɔ̂ʼ báʼǎ lɛ́ɛ e bé ó: «Mepyɛbla, mé díʼee e bɨ̌n. Mpʉ Sɔ́ŋ wǎm á lómo me yɨ́, jwɨʼ gwár e gwár yaá ntémé ó mɛ̂m dí elómo bɨ́n yɨ́.»

Yʉanes 10:16

Me dína ó e byúú bínteme bi dí apǎ nî ɨ́ nkál bí. Me ɨ́ jala le etó nʉa byê, níŋle byé ɨ́ nkál nyaá. Byé ójóʼo twíí nyǎm. Bɨ̌n le onɔ́ɔ́, bé óbe ó sɔ́má gwár, mbɔʼlʉ ngwár.

Yʉanes 8:23

Yésʉs, nye e bé ó: «Bɨ̌n bé ó bʉr ó sí. Mɛm, me ó mʉr kʉ́. Bɨ̌n gúmó ó e sí yɨ̂. Mɛm, mé agúmo e yê.

Yʉanes 10:3

Mʉr dí edwéele ébê nyá, nyě dǐb ó mbɔʼlʉ lǎ. Binteme, byé lɨ́ edweʼe étyél lé. Nyě jɨ́jébé bínteme byé ó e míé mɔ́ɔ́, tʉtô e byé kʉ̌l.

1 Yʉanes 5:19

Mɨná bé lɨ́ egʉ́a gá ó, mɨná gá bé ó, bwán mé Nzyɛ̌m. Bʉr ó sí yɨ̂ʼ yɨ́yɛ̂h bɨ́ɛ, bé lɨ́ ejaʼra e mpêl mé Sátan.