1 Yʉanes 4:4 - Kálar Nzyɛ̌m : Ejwán é Sáá

⁴ Bɨ̌n bɨɛ bwán bâm, bɨ̌n dumo ó e Nzyɛ̌m. Bɨ̌n bɨ́ ntaa óntɨ̂m le obɨn mé Krîst baá, ebě, Sísǐm bɨ́n dí e wé wɨ́, wé ɨ́ lele nkûl, laa waá dí ɨ́ bʉr ó sí yɨ̂ʼ wɨ́.

Kálara Zyɛ̌m Edwán é mpʉ̌n

⁴ Bɨn bɛɛ bwan bam, bɨn bé ó baa mo Zyɛm. Bɨn bɨ ntaa bʉr o dɔm mo Krɨst onɨ, ebe, Sisim bɨn ndɨ e we e, wé ó, é lele nkul, laa waa ndɨ é bʉr o si nwaʼ ɛ.

1 Yʉanes 4:4 ပူးပေါင်းရင်းမြစ်များ

Rôm 8:31

Nó mpʉ yé dí nó yɨ́, mɨná bé ókǎ báʼǎ lɛ́ɛ gá nyá? Nzyɛ̌m bé ɨ́ nkɔ̌m gá nyɨ́ná nó, nzé ókǎ báʼǎ tyɛ̂b mɨ́ná gá ɨ́ nkɔ̌m kɔ́m nkɛ́ɛ́ ɛ́?

1 Yʉanes 5:4

ebě, mʉr nyɨnyɛ̂h dí mbyɛ́á ɨ́ nzɨ̌ nkul mé Nzyɛ̌m nyá, nye lɨ́ entaǎ bɨ́blǎ sí yɨ̂. Nkul nyé dí e né, nyaá dí esâ ó, nye búlaa le onkɔ́ɔ́ nyɨ́, nye ó nyɨ̂: búʼó gá yɨ́ná.

Rôm 8:37

Damá jóʼo mébébe maá mɨ́mɛ̂h me dí epyâl mɨ́ná gá ménɨ̌, mɨná gá bé ó binkɔ́ɔ́ ɨ́ nzɨ̌ mé Krîst, mʉr dí ekpɛl mɨ́ná gá nyá.

1 Yʉanes 4:16

Nó ó mɨ́ná bɨ́ gʉ́a gá kpɛ̌l Nzyɛ̌m dí elɛ̂ʼle mɨ́ná gá yɨ́. Mɨná bé lɨ́ ekʉ́ bûʼla gá ó, nye lɨ́ ekpɛl mɨ́ná gâ. Nzyɛ̌m, nye ó kpɛ̌l. Mʉr dí etíʼe e kpɛ̌l nyá, nyě dǐ ó, ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né.

1 Korɛnt 2:12

Mɨná gá bɨɛ, bé á bé abéɔɔ gá eleme e dí ejwɨ́ɨ̌ sí yɨ̂ʼ lɨ́. Mɨná bé á bi gá ó, Sísǐm dí eduho kwá mé Nzyɛ̌m wɨ́. Sá tɨ̂ʼ ó mɨ́ná ógʉ́a gá metʉ́m mɨ́mɛ̂h Nzyɛ̌m á lómlo mɨná gá má.

1 Yʉanes 5:19

Mɨná bé lɨ́ egʉ́a gá ó, mɨná gá bé ó, bwán mé Nzyɛ̌m. Bʉr ó sí yɨ̂ʼ yɨ́yɛ̂h bɨ́ɛ, bé lɨ́ ejaʼra e mpêl mé Sátan.

1 Yʉanes 4:13

Mɨná bé lɨ́ egʉ́a gá ó, mɨná tíʼe gá ó, ɨ́ mpúhlá e Nzyɛ̌m, nyɨɛ ntémé ɨ́ mpúhlá e mɨná gá ó, mbi wɨ̂: nye á si ntɨh mɨná gá Sísǐm wé.

Éfɛsɔs 6:10

Ekǎn lé épíhé mé mû o nzě lɛ́ɛ bɨ́n lɨ̂, lé ó, bɨ̌n gbâʼ nkul ɨ́ mpúhlá nyɨ́n e Tî Yésʉs. Biʼee gá pîm nɨ́nɨ́ɨ́, duho e né.

Éfɛsɔs 3:17

Mě jɨʼlá ntémé e né ó, Krîst nʉ́aa odiá wé tʉ́ŋlʉ̌ milémé mín ɨ́ nzɨ̌ búʼó yɨ́n. Mě jɨʼlá e né ntémé ó, bɨ̌n kpɛ́laa páʼ nyɨ́n, bɨ̌n nkʉ̂ tyɛ̂b ɨ́ búʼó gá yɨ́ná ɨ́ lyahwó. Bɨ̌n tyɛ́bɨɨ tɨ̂ʼ mekʉ̌ sí ɨ́ sɨ́ŋ.

Mɨngwiha 12:11

Bɨ́ɔɔ́ gá bɨ́ná ntémé, bɨ́ ntaa nyé ɨ́ nkul ɨ́ nzɨ̌ metié mé Mâ Nteme, ti e mboʼlá bé á boʼlo, dumo e Yésʉs wɨ́. Bé á bé alíʼa lɨ́ ebîr bícwiʼ byɔ́ɔ́. Bé á si jʉ́ŋɔɔ ɨ́ lɔ̌b mboʼlá wɔ́ɔ́ waá.

1 Yʉanes 3:24

Mʉr dí ebaʼle métié mé Nzyɛ̌m nyá, nyě dǐ ó ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né. Mɨná bé lɨ́ egʉ́a gá ó, Nzyɛ̌m, nye ó ɨ́ mpúhlá e mɨná gá ó, ebě, nye á si ntɨh mɨná gá Sísǐm wé.

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

Yʉanes 17:23

Mɛm ɨ́ bé; gua ɨ́ mɛm. Nó ó bé ngá dǐ njɨ sâ gwár yɨ́. Nó ó bʉ̂r ó sí bɨ́bɛ̂h ngá gʉ́a mbɨ̂mbɨá ó, go ó b'á lómo me yɨ́. Bé ógʉ́a ntémé ó, go lɨ́ ekpɛl bé mpʉ gó dí ekpɛl mé mʉr tɨ̂ʼ yɨ́.

1 Yʉanes 4:6

Nó ó, mɨná bɨɛ dumo gá ó e Nzyɛ̌m. Mʉr dí egʉ́ǎ Nzyɛ̌m nyá, nye lɨ́ esâ mɨ́ná gá mejóʼo. Mʉr dí aduho kwá mé Nzyɛ̌m nyá, nyé asâ mɨ́ná gá mejóʼo. Nó ó mɨ́ná dí e nkul edweʼe gá mbɔ́ʼ páʼ Sísǐm Ótyeetye, ndu e sísǐm bíbɛr yɨ́.

2 Korɛnt 6:16

Nzê bʉr o dí eséa ɨ́ mpáh Nzyɛ̌m bá, bé e baá o dí etʉ̂to ɨ́ menzaá bíkpɛʼkpɛ̂ʼ bí ónzyɛ̌m bá, bé e nkul esʉ nkâm mpwár ɛ́? Ebě, menyʉ́l gá mɨ́ná, mé ó mpáh Nzyɛ̌m dí kublakúbla nyɨ́. Yé ó kwahaá mpʉ̌ Nzyɛ̌m mʉr tɨ̂ʼ á lɛ́ɛ yɨ́, ó: Me ódi ɨ́ sɔ́má yɔ́ɔ́, le etiʼe ɨ́ sɔ́má yɔ́ɔ́ tʉ́ŋlʉ̌. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

1 Yʉanes 2:13

Osɔ́ŋ, mě cɛmá bɨ́n ó, ebě, bɨ̌n bé lɨ́ egʉ́a mʉ̂r á boo be, duho ɨ́ menyɛ̌l nyá. Mě cɛmá bɨ́n, biloʼo ó, ebě, bɨ̌n bɨ́ ntaǎ Sátan ɨ́ nkul. Ontwǒm, mě cɛmá bɨ́n ó, ebě, bɨ̌n bɨ́ gʉ́ǎ Nzyɛ̌m Sɔ́ŋ.

1 Korɛnt 6:13

Bé lɨ́lɛ́ɛ́ ntémé ó: «Mede, mê tɨ̂ʼ ó, lɨ́ esú é mo. Mo ntémé, lɨ́ esú é méde.» Yé ó nó. Sâ gwár, Nzyɛ̌m ógbah bíbyɛ̂h, ebě, nyʉ̂l mʉr, nyé abe ó, nye díʼee lœʼá ɨ́ nzɨ̌ bijoó. Nye tɨ̂ʼ ó, lɨ́ esú lé éséa e Tî Yésʉs syɛ́ɛ́. Tî Yésʉs, ntémé, nye tɨ̂ʼ ó, lɨ́ esú é ményʉ́l gá mɨ́ná.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

2 Korɛnt 4:4

Bʉr o dí abûʼla bá, bé lɨ́ elúʼo pɨ̂ʼ dí ó, bé jóʼaa lɔ́ɔ́ wɨ́h, bûʼla wê, ebě, nzyɛ̌m sí yɨ̂ʼ á si dímle bé pɨʼ nyaá. Nyě sá nó ó, nye kámlaa bé lɨ́ ebee mímbah mi dí epan, duho ɨ́ mentyɛnwa mé Krîst mí. Nyě sá nó ó, bé ámû jaá bee méntyɛnwa maá ɨ́ Mbɨambɨa Lɔ́ɔ́ mé Yésʉs, bé ntɔ̂ʼ gʉ́a ó, Yésʉs ó dí gulo mé Nzyɛ̌m.

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

1 Yʉanes 2:1

Bwán bâm, mě cɛmá bɨ́n bisá bîʼ ó, bɨ̌n nkʉ̂ gwâʼ ékǎ sâ mísyóm. Sâ gwár, yé ká pyâl yɨ́ɛ ó, mʉr, nyɨ́ sâ syóm nó, gʉ́ŋáá gá ó, mɨná gá bé e mʉr nkɔ̌m kwá mé Nzyɛ̌m: Yésʉs-Krîst, mʉr dí tîtyěl nyá.

1 Yʉanes 3:20

ɨ́ bijɔʼ mílémé gá míná dwé mɨ́ná gá mebě bí. Miléme gá míná, myé lɨ́ ebánǎ sula, ebě, Nzyɛ̌m, nye ɨ́ buú bwaʼ, laa mílémé gá míná myaá. Nye lɨ́ egʉ́a ntémé sá yɨ́yɛ̂h.