1 Yʉanes 3:5 - Kálar Nzyɛ̌m : Ejwán é Sáá

⁵ Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

Kálara Zyɛ̌m Edwán é mpʉ̌n

⁵ Bɨn bé egʉa: Yesʉs-Krɨst a ze é si nwaʼ ó, nye nkʉʼ ze pɛʼ mɨsyem tɨ. Bɨn bé egʉa nteme ó, abe e guu syem ndɨ é nye.

1 Yʉanes 3:5 ပူးပေါင်းရင်းမြစ်များ

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Ebrœ̂ 9:26

Yé bé nye á dwidwe ndwéá wé ó, nzɔʼ nzɔʼ nó, mpa nye á sia ntémé e mitúú ó, nzɔʼ nzɔʼ, táare ɨ́ jɔ̌ʼ Nzyɛ̌m á kuho kʉ́ e sí yɨ́. Nye á jaa nyɨ̂n ɨ́ sí yɨ̂ʼ ó, njɨ jɔʼ gwár ɨ́ kpɔ́ŋ. Yé á be ó, ɨ́ jɔʼ éswéhlɨ́ é sí yɨ̂, lé á pyâl ɨ́ mɨná gá yɨ́. Nye nzě dwě Nzyɛ̌m nyʉ̂l nyé, lɨ́ epɛʼ bʉ̂r misyóm myɔ́ɔ́ lɨ́ esú é bíjɔʼ bíbyɛ̂h.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

1 Yʉanes 1:7

Mɨ́ná tyé gá ɨ́ myɛ́n tʉ́ŋlʉ̌, mpʉ̌ Nzyɛ̌m mʉr tɨ̂ʼ dí ɨ́ myɛ́n yɨ́ nó, ɨ́ jɔʼ yaá ó mɨ́ná óbe gá e mpǎŋ mpúhlá páʼ gá nyɨ́ná yɨ́. Metié me Mwân wé, Yésʉs, mé ópubo gá mɨná misyóm mímyɛ̂h ɨ́ jɔʼ yaá.

1 Yʉanes 1:2

Etín é Twiʼ laá, lé á si nyɨ̂n ɨ́ sí yɨ̂. Bɨ̌h bé á si bee nye, bɨ̌h nzě táare éboʼlo, dumo e mʉr waá. Nó yaá ó bɨ́h dí etyɛ̂b kwá nyɨ́n le túnó dí edumo le Etín é Twiʼ wɨ́. Etín é Twiʼ, lé di ó njʉ̌m dǐ e njʉ̌m dǐ. Bé e Nzyɛ̌m Sɔ́ŋ ó b'á be. Nye nzě nyɨ̂n ɨ́ sí yɨ̂.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

1 Pyɛr 2:22

«Nye á bé asâ syóm. Lwǐb míkóo, yé aduho ɨ́ num wé.»

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Mataos 1:21

Nye óbyâ mâ mʉrʉ̂m. Go ójwɨr nyé “Yésʉs”, ebě, nye ó ngá tǐʼ kúl yé, lɨ́ etáǎ góo, le edwih yé ɨ́ mpila mísyóm, pɛʼ yé ɨ́ fá.»

1 Yʉanes 2:1

Bwán bâm, mě cɛmá bɨ́n bisá bîʼ ó, bɨ̌n nkʉ̂ gwâʼ ékǎ sâ mísyóm. Sâ gwár, yé ká pyâl yɨ́ɛ ó, mʉr, nyɨ́ sâ syóm nó, gʉ́ŋáá gá ó, mɨná gá bé e mʉr nkɔ̌m kwá mé Nzyɛ̌m: Yésʉs-Krîst, mʉr dí tîtyěl nyá.

1 Pyɛr 1:20

Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 8:46

Wáa mʉ̂r ɨ́ sɔ́má yɨ́n dí e nkul elɛ̂ʼle mé ó, me á be ɨ́ sâ syóm? Jɔʼ mé dí elɛ́ɛ ótyeetye yɨ́, bɨ̌n bé abûʼla wé ɨ́ yé ɛ́?

Yʉanes 1:31

Mɛm mʉr tɨ̂ʼ á bé anyɛɛ́ gʉ́a nyê. Me á nze du bʉr e medíbé ó, ebě, me nkʉ̂ gʉ́a tɨ́ě kúl bʉ̂r o b'Ɨ́zraɛ̂l, ó bé gʉ́ŋaa nye.»

Lʉkas 23:47

Kapitɛ̂n á be tɨ̂ʼ nyá, mbeá nyé á bee sá yɨ́yɛ̂h yé á syɛ́ɛ yɨ́, nye ntɔ̂ʼ dwě Nzyɛ̌m kûm. Nye ó: «Lɨ́ otyeetye, mʉr nyâʼ á kʉ be ó mpǎŋ tîtyěl mʉr!»

Lʉkas 23:41

Mɨná ó dí ejala le esia e mbǐ túú wɨ̂, ebě, mɨná ó b'á sɨsâ bisyɛ́ɛla bi dí ɨ́ bébe bí. Nyɨɛ á bé asâ syɛ́ɛla ébébe gwár.»

1 Pyɛr 1:18

Bɨ̌n bé á bé adwihɔɔ ɨ́ mpila ébébe ɨ́ lɔ̌b nzyɛ́ɛ́lá bisâ bi dí edímle ódimé wɔ́ɔ́ bí. Nzyɛ̌m á bé asyɛ́ɛlǎ nkóhó mɔnɨ́, nkʉ̂ gʉ̂l lɨ́ esú lé étáǎ góo ɨ́ lɔ̌b mébyaʼ mɨ́n. Bɨ̌n bé á dwihɔɔ ɨ́ mpila ébébe ó, jɔʼ myɛ́na ménɨ́nɨ́ɨ́, mé á jánɔɔ yɨ́. Bɨ̌n bé á duho ɨ́ mpila métum bímpám bín ó,

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

1 Yʉanes 2:29

Bɨ̌n bé lɨ́ egʉ́a ó, Krîst, nye ó tîtyěl mʉr. Bɨ̌n bé ɨ́ jala le egʉ́a ntémé ó, mʉr nyɨnyɛ̂h dí esɨsâ bísyɛ́ɛla bimpâ nyá, nyɨ́ byɛ̂l e nzɨ̌ nkul mé Nzyɛ̌m.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.