1 Yʉanes 3:1 - Kálar Nzyɛ̌m : Ejwán é Sáá

¹ Beyɨɨ gá bím Nzyɛ̌m Sɔ́ŋ á kpɛl mɨná gá, ntaa sʉ́ŋa yɨ́! Nyɨ́ gbân mɨ́ná gâ, le elɛ́ɛ ó, mɨná gá bé ó «bwán mé Nzyɛ̌m». Mɨná gá kʉ́ bě tyeetye ó bwán bé. Bʉr ó sí yɨ̂, bɨ́ɛ, bé agʉ́a Sɔ́ŋ gá wɨ́ná Nzyɛ̌m. Sá tɨ̂ʼ ó bé dí agʉ́a mɨ́ná gá yɨ́.

Kálara Zyɛ̌m Edwán é mpʉ̌n

¹ Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.

1 Yʉanes 3:1 ပူးပေါင်းရင်းမြစ်များ

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

Galásia 3:26

Bɨ̌n bɨ́bɛ̂h mû ó bwán mé Nzyɛ̌m, ebě, bɨ̌n bé á si dyɛ̂ʼwo e Yésʉs-Krîst.

2 Korɛnt 6:18

Dâ, dí Nzyɛ̌m nkul nyɨnyɛ̂h nyá, nye lɨ́ ebáʼǎ lɛ́ɛ ó: Me óbe ó sɔ́ŋ wɨ́n; bɨ̌n bé óbe mé ó, bwân, bwá ó bʉbá le bwá ó bʉrʉ̂m.

Yʉanes 17:25

Sɔ́ŋ Otîtyěl, bʉr ó sí yɨ̂, bé agʉ́a gô. Mɛm ó dí egʉ́a gô, ti e bʉr o mû sí gʉ́a ó, go ó b'á ntɨh me bá.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Mɨngwiha 21:7

Waá óntaa, búla le onkɔ́ɔ́ nyá, ónʉa médíbé maá, jala e nkɔb líʼe nyé. Me óbe ó Nzyɛ̌m wé. Nye óbe mé ó mwân.

Rôm 5:8

Yésʉs-Krîst nyɨɛ á búra e mɨná gá ó, ɨ́ jɔʼ mɨ́ná bé á be gá osyɛ̂l o mísyóm yɨ́. Nó ó Nzyɛ̌m dí elɛ̂ʼle mɨ́ná gá kpɛ̌l yé yɨ́.

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Rôm 8:32

Nzyɛ̌m nyɨɛ á bé akamle e Mwân wé. Nye á syɛ́ɛla twiʼ Mwân wé ó e bicwiʼ gá bíná, mɨná gá óbɛ̂h. Nzyɛ̌m pǎ nyɛɛ́ dwe mɨ́ná gá Mwân wé, á dwɛʼra e bisá bíswîh bíbyɛ̂h! Nye óbánǎ dwe mɨ́ná gá byǎ ntémé mpʉ nyé á pa dwe mɨná gá Mwân wé yɨ́.

Yʉanes 16:3

Bé ósɨsâ nó ó, ebě, bé á bé agʉ́a, damá be Sɔ́ŋ wǎm, damá be mê.

Kolosi 3:3

Ebě, bɨ̌n bɨ́ dwe. Twiʼ yɨ́n mû ó lɨ́ esǒ kwá mé Krîst. Sá tɨ̂ʼ ó bícwiʼ bín e Nzyɛ̌m mû mpúhlá yɨ́.

Rôm 8:21

Bisá bíbyɛ̂h byaá, byé e mpûʼla nyɨ̂ʼ ɨ́ miléme: ó Nzyɛ̌m ópɛʼ byé ɨ́ bébebébe tyé yaá. Byé ópʉʼa ɨ́ mpila yaá ɨ́ fá, bé e bwán mé Nzyɛ̌m bɨ́bɛ̂h. Byé ábo. Byé óbáʼǎ dweŋɔɔ kûm ɨ́ jɔ̌ʼ Nzyɛ̌m ngá dwe bwán bé kûm yɨ́.

Lʉkas 20:36

Ebě, bé ákǎ báʼǎ dwe. Bé óbe ó mpʉ bééngeles. Bé ó bwán mé Nzyɛ̌m, ebě, bɨ́ boó pah.

Yʉanes 11:52

Abě njɨ ɨ́ lɔ̌b óYúden bé omér. Nye ntémé á dwe ó, lɨ́ esú é bwán mé Nzyɛ̌m bɨ́bɛ̂h. Nye ónʉa bé ɨ́ bigúmó byɔ́ɔ́, syɛŋ bé sûm gwár, ó bé díʼee njɨ kûl gwár.)

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.

Rôm 8:19

Ebě, bisá bíbyɛ̂h Nzyɛ̌m á komlo bí, byé lɨ́ egwɨ̂m ébee bwán Nzyɛ̌m ngá lɛ̂ʼle byé ɨ́ ponó bá.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

1 Yʉanes 3:10

Ebě, bé gʉ́gʉ́á mbɔ́ʼ páʼ bwán mé Nzyɛ̌m, bé e baá mé sɔ́ŋ meleme ó, mbi wɨ̂: mʉr nyɨnyɛ̂h dí asâ syɛ́ɛla dí tîtyěl yɨ́ nyá, nkʉ̂ waá dí akpɛl mɨ́ɔɔ́ wé nyá, nyé abe mwân mé Nzyɛ̌m.

1 Yʉanes 4:17

Milémé gá míná, myé ólóno ɨ́ kpɛ̌l yé ɨ́ nzɨ̌ nyaá. Mɨná bé ónʉa gá pîm ɨ́ búʼó ɨ́ móhó étíʼ é mílɔ̌b ntémé, ebě, kʉ̌ tyen mɨ́ná dí edû gá ɨ́ sí yɨ̂ʼ wɨ́, wé nwɨɨla ó e waá wé nye mʉr tɨ̂.