1 Yʉanes 2:7 - Kálar Nzyɛ̌m : Ejwán é Sáá

⁷ Bʉr ó kpɛ̌l bâm, ntʉ édwán lé étié mé dí ecɛma bɨ́n lɨ̂. Yé ó etié e myâ bɨ́n á boo bi, duho ɨ́ menyɛ̌l lɨ́. Etié e myâ laá, lé ó lwǐb bɨ́n á boo jóʼo yɨ́.

Kálara Zyɛ̌m Edwán é mpʉ̌n

⁷ Obɨɔ o kpɛl bam aa! Ntʉʼ edwan le etie me lé etiile bɨn lɨ. Yé ó njʉ̌m etie bɨn bé a bɛa bi, taare é jɔʼ bɨn bé a buʼla Mbɨambɨa Lɔɔ ɛ. Njʉ̌m etie waa, wé ó lwib bɨn bé a bɛa joʼo e.

1 Yʉanes 2:7 ပူးပေါင်းရင်းမြစ်များ

1 Yʉanes 3:11

Nó ó, lwǐb bɨ́n á boo jóʼo, duho píhe yɨ́, yé ó, mɨná kpɛ́laa gá páʼ gá nyɨ́ná.

1 Yʉanes 3:23

Etié nyé á tyêl lɨ́ esú gá lɨ́ná lɨ́, lé ó lɨ̂: mɨná dyɛ̂ʼwaa gá e díé é Mwân wé, Yésʉs-Krîst, le ntémé ó, mɨná kpɛ́laa gá páʼ gá nyɨ́ná mpʉ nyé á tɨ́e mɨná gá yɨ́.

1 Yʉanes 2:24

Gwá símsa gá mpáŋla bɨ́n á jóʼo, duho ɨ́ menyɛ̌l nyɨ́. Mpáŋla bɨ́n á jóʼo, duho ɨ́ menyɛ̌l nyɨ́, ódi bɨ́n ɨ́ miléme nó, bɨ̌n bé ódi ntémé ó, ɨ́ mpúhlá nyɨ́n e Nzyɛ̌m Mwân, bé e Nzyɛ̌m Sɔ́ŋ bɨ́bɛ̂h.

Mataos 5:43

«Bɨ̌n bé á si jóʼo mpʉ bé á boo lɛ́ɛ ó: “Kpɛlɨɨ mɨ́ɔɔ́ gǒ mʉr. Go e nwím óntɨ̂m le obɨn bô” yɨ́.

Mɨlʉmlʉ 17:19

Bé á si nʉa nye, tóŋɔɔ e né ɨ́ mpǒm bʉr ó gwɨ́hlá nɨ́nɨ́ɨ́ yé á be ɨ́ Ayeropágos yɨ́. Nó ó bé á dî e né ó: «Nzê bɨ̌h bé e nkul egʉ́ǎ mbi édwán é lɛ́ʼlá gó dí edwe wɨ́ ɛ́?

Yʉanes 13:34

Me mû ó lɨ́ etyêl bɨ́n edwán lé étié: kpɛlaa gá páʼ nyɨ́n mpʉ mé á kpɛl bɨ̌n yɨ́.

Ebrœ̂ 6:9

Bʉr ó kpɛ̌l bâm, bɨ̌h damá lwib nó, mě e mpûʼla ɨ́ léme ɨ́ lɔ̌b wɨ́n ó, sá dí mbɨa, laa méswomlʉ le medíʼe yɨ́, yé ó bɨ̌n dóló. Sâ yaá, yé ó twǐʼ njʉ̌m dǐ.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

1 Yʉanes 3:21

Nó ó, bʉr ó kpɛ̌l bâm, mílémé gá míná, myé óbe, adwe mɨ́ná gá bʉr o tɨ̂ʼ mebě nó, lɛ́ɛ́, mɨná bɨ́ nʉa gá pîm ɨ́ búʼó ɨ́ míh mé Nzyɛ̌m.

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

1 Yʉanes 4:7

Bʉr ó kpɛ̌l bâm, mɨná kpɛ́laa gá páʼ gá nyɨ́ná, ebě, kpɛ̌l, yé lɨ́ eduho kwá mé Nzyɛ̌m. Mʉr nyɨnyɛ̂h dí e kpɛ̌l nyá, nye ó mbyɛ́lá ɨ́ nkul mé Nzyɛ̌m. Nye ntémé, nyɨ́ gʉ́ǎ Nzyɛ̌m.

1 Yʉanes 4:11

Bʉr ó kpɛ̌l bâm, yé bé Nzyɛ̌m á be ɨ́ bánǎ lɛ̂ʼle mɨ́ná gá kpɛ̌l yaá nó, lɛ́ɛ́, mɨná bé ɨ́ jala le ekpɛla gá páʼ gá nyɨ́ná ntémé.

1 Yʉanes 4:21

Le ntémé ó, Yésʉs-Krîst á tyêl mɨná gá etié ó, mʉr nyɨnyɛ̂h dí ekpɛ̌l Nzyɛ̌m nyá, nye kpɛ́lɨɨ ntémé mɨ́ɔɔ́ wé.