1 Yʉanes 2:6 - Kálar Nzyɛ̌m : Ejwán é Sáá

⁶ Mʉr dí elɛ́ɛ ó, nye ɨ́ mpúhlá e Nzyɛ̌m nyá, jala ó, le edû kʉ̌ tyen mé Yésʉs.

Kálara Zyɛ̌m Edwán é mpʉ̌n

⁶ Mʉr lé elɛɛ ó, nye ó é zyɛŋa wɔɔ boo Zyɛm ɨ, nye ejala le ekœʼ ebò e cyen mo Yesʉs.

1 Yʉanes 2:6 ပူးပေါင်းရင်းမြစ်များ

1 Pyɛr 2:21

Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

Yʉanes 13:15

Mě dwé bɨ́n ó, mveʼle, ó bɨ̌n ntémé nkʉ̂ sɨ̂sǎ mpʉ mê sá bɨ́n yɨ̂.

1 Korɛnt 11:1

Baŋaa gá me mpʉ mé dí ebaŋǎ Krîst yɨ́.

1 Yʉanes 3:6

Mʉr nyɨnyɛ̂h mû sí pûhla e né nyá, nyé atô dóló le esâ syóm. Waá nyɨnyɛ̂h dí etô dóló le esâ syóm nyá nyɨɛ, nyé apǎ bee nyê, nkʉ̂ gʉ́a nyê.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Mataos 11:29

Níʼéé gá ɨ́ jwɨ́ɨ́ yâm. Bɨ̌n a jóʼló métwɨ́ɨ́ mâm, ebě, me ɨ́ talǎ njwɨr le embɨa é léme. Bɨ̌n nkʉ̂ bi égbalá.

1 Yʉanes 2:4

Mʉr dí elɛ́ɛ ó: «Me lɨ́ egʉ́ǎ Nzyɛ̌m,» nyɨɛ yɨ́ɛ abaʼle métié mé nyá, nye ó mʉr bibɛr. Otyeetye, wé abe ɨ́ nye tʉ́ŋlʉ̌.

1 Yʉanes 2:28

Nó ó, bwán bâm, diʼee gá ɨ́ mpúhlá e Krîst, mbi dí ó, jɔʼ nyé óbáʼǎ nyɨ̂n yɨ́, mɨná nkʉ̂ nʉa gá pîm ɨ́ búʼó. Mɨná nkʉ̂ be gá asɔ́ma ɨ́ míh mé, ɨ́ jɔʼ nyé óbáʼǎ nze yɨ́.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

1 Yʉanes 3:24

Mʉr dí ebaʼle métié mé Nzyɛ̌m nyá, nyě dǐ ó ɨ́ mpúhlá e Nzyɛ̌m; Nzyɛ̌m ntémé ɨ́ mpúhlá e né. Mɨná bé lɨ́ egʉ́a gá ó, Nzyɛ̌m, nye ó ɨ́ mpúhlá e mɨná gá ó, ebě, nye á si ntɨh mɨná gá Sísǐm wé.

1 Yʉanes 4:17

Milémé gá míná, myé ólóno ɨ́ kpɛ̌l yé ɨ́ nzɨ̌ nyaá. Mɨná bé ónʉa gá pîm ɨ́ búʼó ɨ́ móhó étíʼ é mílɔ̌b ntémé, ebě, kʉ̌ tyen mɨ́ná dí edû gá ɨ́ sí yɨ̂ʼ wɨ́, wé nwɨɨla ó e waá wé nye mʉr tɨ̂.